Pesalema 77:1-20

Go mokaedi wa Jeduthune. Ya ga Asafe.+ Pina. 77  Ke tla goela kwa Modimong ka lentswe la me,+Ka lentswe la me kwa Modimong, mme ru-ri o tla ntshekegela tsebe.+   Ke batlile Jehofa mo motlheng wa matshwenyego a me.+Bosigo seatla sa me se otlologile mme ga se kgwaralale;Moya wa me o ganne go gomodiwa.+   Ke tla gakologelwa Modimo mme ke fuduege;+Ke tla bontsha go tshwenyega, gore moya wa me o tle o koafale.+ Seʹlah.   O tshwere dintshi tsa me;+Ke fuduegile, mme ga ke kgone go bua.+   Ke akantse ka metlha ya bogologolo,+Ka dingwaga tsa nako e e fetileng e e sa tlhomamisegeng.   Ke tla gakologelwa mmino wa me wa mogala bosigo;+Ke tla bontsha go tshwenyega+ ka pelo ya me,Mme moya wa me o tla batla ka kelotlhoko.   A Jehofa o tla nna a latlha ka bosakhutleng,+A mme ga a na go tlhola a itumedisiwa gape?+   A bopelonomi jwa gagwe jwa lorato bo khutlile ka bosakhutleng?+A lefoko la gagwe le nnile lefela+ go tswa kokomaneng go ya kokomaneng?   A Modimo o lebetse go nna pelonomi,+Kgotsa a o khutlisitse mautlwelobotlhoko a gagwe ka bogale?+ Seʹlah. 10  A mme ke tla nna ke re: “Seno ke sone se se ntlhabang,+Go fetoga ga seatla sa moja sa Mogodimodimo”?+ 11  Ke tla gakologelwa ditiro tsa ga Jah;+Gonne ke tla gakologelwa tiro ya gago e e gakgamatsang ya bogologolo.+ 12  Mme ruri ke tla tlhatlhanya ka tiro yotlhe ya gago,+Ke tla akanya ka ditiro tsa gago.+ 13  Wena Modimo, tsela ya gago e mo lefelong le le boitshepo.+Ke mang yo e leng Modimo yo mogolo jaaka Modimo?+ 14  O Modimo wa boammaaruri, yo o dirang ka tsela e e gakgamatsang.+O dirile gore ditšhaba di itse nonofo ya gago.+ 15  O golotse batho ba gago+ ka lebogo la gago,Barwa ba ga Jakobe le ba ga Josefa. Seʹlah. 16  Metsi a go bone, wena Modimo,Metsi a go bone; a ne a simolola go nna mo ditlhabing tse di botlhoko thata.+Le madiba a a boteng a metsi a ne a simolola go fuduega.+ 17  Maru a tsholotse metsi+ ka tumo;Magodimo a a maru a ntshitse modumo.Gape, metswi ya gago e ne ya ya kwa le kwa.+ 18  Modumo wa tumo ya gago ya maru o ne o tshwana le maotwana a kara;+Dikgadima di bonesitse naga e e ungwang;+Lefatshe la fuduega mme la simolola go reketla.+ 19  Tsela ya gago e ne e ralala lewatle,+Mme tselana ya gago e ne e le ralala metsi a mantsi;Mme motlhala wa dinao tsa gago ga o ise o itsiwe. 20  O gogile batho ba gago fela jaaka letsomane,+Ka seatla sa ga Moshe le Arone.+

Dintlha Tse di Kwa Tlase