Pesalema 76:1-12

Go mokaedi wa diletswa tsa megala. Molodi wa pina. Ya ga Asafe.+ Pina. 76  Modimo o a itsege mo Juda;+Leina la gagwe le legolo mo Iseraele.+   Boitshubelo jwa gagwe bo mo Salema,+Mme lefelo la gagwe la bonno le mo Siona.+   O robagantse metswi e e tsabakelang ya bora,+Thebe le tšhaka le tlhabano.+ Seʹlah.   O apesitswe ke lesedi, o tlotlometse go gaisa dithaba tsa se se tsomilweng.+   Ba ba maatla mo pelong ba thopilwe,+Ba otsetse ba bo ba robala,+Mme ga go na bape ba banna botlhe ba ba pelokgale ba ba boneng diatla tsa bone.+   Mokgweetsi wa kara le pitse ba thulametse ka ntlha ya kgalemo ya gago, wena Modimo wa ga Jakobe.+   Wena—o a boitshega,+E bile ke mang yo o ka emang fa pele ga gago ka ntlha ya nonofo ya bogale jwa gago?+   O dirile gore ntwa e e kafa molaong e utlwiwe go tswa legodimong;+Lefatshe ka bolone le boifile mme la sisibala+   Fa Modimo a ne a nanoga gore a atlhole,+Go boloka botlhe ba ba pelonolo ba lefatshe.+ Seʹlah. 10  Gonne tšararego ya motho e tla go baka;+O tla ikgatlha ka mo go setseng ga tšararego. 11  Ikaneng mme lo dueleng Jehofa Modimo wa lona, lona lotlhe ba lo mo dikologileng.+A ba tlise mpho ka poifo.+ 12  O tla kokobetsa moya wa baeteledipele;+O a boitshega mo dikgosing tsa lefatshe.+

Dintlha Tse di Kwa Tlase