Pesalema 73:1-28

Pina ya ga Asafe.+ 73  Ruri Modimo o molemo mo go Iseraele, mo go ba ba phepa mo pelong.+   Fa e le nna, dinao tsa me di ne di batlile di fapoga,+Dikgato tsa me di ne di batlile di reledisiwa.+   Gonne ke ne ka tswela baipelafatsi pelo,+Fa ke ne ke bona kagiso ya baikepi.+   Gonne ga ba na ditlhabi tsa loso;+Mme mpa ya bone e nonne.+   Ga ba mo matshwenyegong a motho yo o nang le go swa,+E bile ga ba lerelwe sebetso go tshwana le batho ba bangwe.+   Ka jalo mabela a nnile sebaga sa bone;+Thubakanyo e ba apesa jaaka seaparo.+   Leitlho la bone le rotogile ka ntlha ya monono;+Ba fetile megopolo ya pelo.+   Ba a sotla e bile ba bua ka se se bosula;+Ba bua ka go tsietsa ka mokgwa wa boikgodiso.+   Ba beile molomo wa bone kwa magodimong,+Mme loleme lwa bone lo tsamayatsamaya mo lefatsheng.+ 10  Ka jalo o busetsa batho ba gagwe mo lefelong leno,Mme ba tshololelwa metsi a se se tletseng. 11  Mme ba rile: “Modimo o itsile jang?+A mme go na le kitso mo go Mogodimodimo?”+ 12  Bona! Bano ke baikepi, ba ba iketlileng ka bosakhutleng.+Ba okeditse se ba itshedisang ka sone.+ 13  Eleruri ke ntlafaditse pelo ya me lefela+Ka ba ka tlhapela diatla tsa me lefela mo go tlhokeng molato.+ 14  Ke ne ka lerediwa sebetso letsatsi lotlhe,+Mme kotlhao ya me e tla moso le moso.+ 15  Fa nkabo ke rile: “Ke tla bolela kgang jalo,”Bona! nkabo ke dirile ka boferefere+Kgatlhanong le kokomana ya bomorwao. 16  Ke ne ka nna ka akanya gore ke tle ke itse seno;+E ne e le matshwenyego mo matlhong a me, 17  Go fitlha ke tla mo lefelong le legolo le le boitshepo la Modimo.+Ke ne ke batla go lemoga isagwe+ ya bone. 18  Eleruri o ba baya mo lefelong le le boreledi.+O dirile gore ba we ba nne marope.+ 19  A bo ba fetogile selo sa go akabalelwa ka ponyo ya leitlho jang ne!+A bo ba fitlhile kwa bokhutlong jwa bone, ba fedisitswe ka letshogo la tshoganyetso! 20  Jaaka toro morago ga go tsoga, wena Jehofa,+Ka jalo fa o ikurusa o tla nyatsa setshwano sa bone.+ 21  Gonne pelo ya me e ne e le botlhoko+Mme mo diphilong tsa me ke ne ke tsunyediwa ke setlhabi,+ 22  Ke ne ke sa akanye e bile ke sa itse;+Ke ne ka nna jaaka diphologolo fela mo ponong ya gago.+ 23  Mme ke na le wena ka metlha;+O tshwere seatla sa me sa moja.+ 24  O tla nkgoga ka kgakololo ya gago,+Mme morago ga moo o tla nkisa kgalalelong.+ 25  Ke na le mang kwa magodimong?+E bile kwantle ga gago ga ke na sepe se sengwe se se nnatefelelang mo lefatsheng.+ 26  Mmele wa me le pelo ya me di koafetse.+Modimo ke lefika la pelo ya me le kabelo ya me ka bosakhutleng.+ 27  Gonne bona! bone ba ba ithibang mo go wena ba tla nyelela.+Ruri o tla didimatsa mongwe le mongwe yo o go tlogelang a ya boitsholong jo bo maswe.+ 28  Mme fa e le nna, go atamela Modimo go molemo mo go nna.+Ke beile botshabelo jwa me mo go Morena Molaodimogolo Jehofa,+Gore ke bolele ditiro+ tsotlhe tsa gago.

Dintlha Tse di Kwa Tlase