Pesalema 69:1-36

Go mokaedi wa Dithunya tsa Masoma.+ Ya ga Dafide. 69  Mpoloke, tlhe Modimo, gonne metsi a gorogile kwa moyeng.+   Ke nwetse kwa tlase mo lorageng lo lo boteng, fa go se nang lefelo la go ema teng.+Ke tsene mo metsing a a boteng,Mme molatswana o o elang o nkgogotse.+   Ke lapisitswe ke go tlhaeletsa ga me;+Mometso wa me o phaphaletse.Matlho a me a koafetse fa ke ne ke letile Modimo wa me.+   Ba ba ntlhoileng kwantle ga lebaka ba ntse bantsi go feta meriri ya tlhogo ya me.+Ba ba ntidimatsang, e le baba ba me kwantle ga lebaka, ba ntsifetse.+Ke ne ka busa se ke neng ke sa se tsaya ka bonokwane.   Wena Modimo, o itse boeleele jwa me,Mme molato wa me ga o a go fitlhegela.+   E kete ba ba solofetseng mo go wena ba ka se tlhabiwe ke ditlhong ka ntlha ya me,+Wena Morena Molaodimogolo, Jehofa wa masomosomo.+E kete ba ba go senkang ba ka se kokobediwe ka ntlha ya me,+Wena Modimo wa Iseraele.+   Gonne ke sikere kgobo+ ka ntlha ya gago,Ditlhong di bipile sefatlhego sa me.+   Ke fetogile yo o tlhanogetseng bomorwarre,+Le motswakwa mo baneng ba ga mmè ba basimane.+   Gonne tlhoafalo ya ntlo ya gago e njele,+Le dikgobo tsa ba ba go kgobang di nkwetse.+ 10  Mme ke ne ka lela ka go tima moya wa me dijo,+Mme e ne ya nna dikgobo mo go nna.+ 11  Fa ke ne ke dira letsela la kgetsi diaparo tsa me,Foo ke ne ka fetoga polelo ya seane+ mo go bone. 12  Ba ba nnang mo kgorong ba ne ba simolola go tlhatlhanya ka nna,+Mme ke ne ke le setlhogo sa dipina tsa banwi ba bojalwa jo bo tagang.+ 13  Mme fa e le nna, thapelo ya me e ne e tla kwa go wena, Jehofa,+Ka nako e e amogelesegang, wena Modimo.+Nkaraba ka boammaaruri jwa poloko ya gago mo letlotlong la bopelonomi jwa gago jwa lorato.+ 14  Nkgolole mo lorageng, gore ke se ka ka nwela kwa tlase.+E kete nka gololwa mo go ba ba ntlhoileng+ le mo metsing a a boteng.+ 15  E kete molatswana o o elelang wa metsi o ka se ka wa nkgogola,+Le fa e le boteng go nkometsa,Le fa e le sediba go tswala molomo wa sone mo godimo ga me.+ 16  Nkarabe, tlhe Jehofa, gonne bopelonomi jwa gago jwa lorato bo molemo.+Retologela mo go nna kafa bontsintsing jwa mautlwelobotlhoko a gago,+ 17  Mme o se ka wa fitlhela motlhanka wa gago sefatlhego.+Nkarabe ka bonako, ka gonne ke mo mathateng a magolo.+ 18  A ko o atamele moya wa me, o o namole;+Nkgolole ka ntlha ya baba ba me. 19  O itse kgobo ya me le ditlhong tsa me le go kokobediwa ga me.+Botlhe ba ba mpontshang bobaba ba fa pele ga gago.+ 20  Kgobo e phatlotse pelo ya me, mme ntho ya teng ga e alafege.+Mme ke ne ke ntse ke solofetse mongwe gore a nkutlwele botlhoko, mme go ne go se na ope;+Le bagomotsi, mme ga ke a bona bape.+ 21  Ba ne ba nnaya semela se se botlhole e le dijo,+Mme ba ne ba leka go nnosa botšarara+ ka ntlha ya lenyora la me. 22  A tafole ya bone fa pele ga bone e nne serai,+Le se e leng sa botsogo jwa bone e nne seru. 23  A matlho a bone a fifale e le gore ba se ka ba bona;+Mme o dire gore dinōka tsa bone di kgwetlhe ka metlha.+ 24  Tshololela katlholo+ ya gago mo go bone,Mme e kete bogale jwa gago jo bo tukang bo ka ba wela ka tshoganyetso.+ 25  A bothibelelo jwa bone jo bo ageletsweng ka lobota bo kgakgabale;+A go se nne le monni ope+ mo megopeng ya bone. 26  Gonne ba lateletse yo o mo iteileng,+Mme ba nna ba anela ditlhabi tsa ba o ba tlhabileng. 27  A ko o tlise tlolo mo godimo ga tlolo+ ya bone,Mme e kete ba ka se tsene mo tshiamong+ ya gago. 28  A ba phimolwe mo bukeng ya ba ba tshelang,+Mme a ba se kwalwe le ba ba siameng.+ 29  Mme ke a bogisiwa e bile ke utlwa botlhoko.+E kete poloko ya gago, wena Modimo, e ka ntshireletsa.+ 30  Ke tla baka leina la Modimo ka pina,+Mme ke tla mo godisa ka go ntsha ditebogo.+ 31  Le seno se tla itumedisa Jehofa go feta poo,+Go feta powana e e nang le dinaka, e e patologanyang tlhakwana.+ 32  Ba ba pelonolo ruri ba tla bona seno; ba tla ipela.+Lona ba lo senkang Modimo, a pelo ya lona le yone e nne e tshele.+ 33  Gonne Jehofa o reeditse ba ba humanegileng,+Mme ruri ga a kitla a nyatsa magolegwa a gagwe.+ 34  A legodimo le lefatshe di mmake,+Mawatle le sengwe le sengwe se se tsamayatsamayang mo go one.+ 35  Gonne Modimo ka boene o tla boloka Siona+Mme o tla aga metse ya Juda;+Ruri ba tla nna teng mme ba e rue.+ 36  Mme bana ba batlhanka ba gagwe ba tla e rua,+Mme ba ba ratang leina la gagwe ba tla nna mo go yone.+

Dintlha Tse di Kwa Tlase