Pesalema 68:1-35

Go mokaedi. Ya ga Dafide. Molodi, pina. 68  A Modimo a tsoge,+ a baba ba gagwe ba gasamisiwe,+Mme a ba ba mo tlhoileng thata ba tshabe ka ntlha ya gagwe.+   Jaaka mosi o phatlalala, e kete o ka ba phatlalatsa jalo;+Jaaka bonota bo gakologa ka ntlha ya molelo,+A baikepi ba nyelele jalo fa pele ga Modimo.+   Mme fa e le basiami bone, a ba ipele,+A ba itumele fa pele ga Modimo,+A ba itumele ka go ipela.+   Opelelang Modimo, leletsang leina la gagwe pina;+Opelelang Yo o fetang a raletse mabala a a sekaka pina+E le Jah, le e leng leina la gagwe;+ Mme lo ipele fa pele ga gagwe;   Rraagwe basimane ba ba se nang rre le moatlhodi wa batlholagadi+Ke Modimo mo bonnong jwa gagwe jo bo boitshepo.+   Modimo o dira gore ba ba nnang ba le nosi ba nne mo ntlong;+O atlegisa magolegwa thata.+Le fa go ntse jalo, fa e le ba ba tlhogoethata, ba tshwanetse go aga mo nageng e e sheleng.+   Wena Modimo, fa o ne o tsamaya kwa pele ga batho ba gago,+Fa o ne o gwanta go ralala sekaka+Seʹlah   Lefatshe le ne la reketla,+Legodimo le lone le ne la rotha ka ntlha ya Modimo;+Sinai eno e ne ya reketla ka ntlha ya Modimo,+ Modimo wa Iseraele.+   O ne wa simolola go nesa pula e kgolo, wena Modimo;+Boswa jwa gago, le fa bo ne bo lapile—o ne wa bo nonotsha.+ 10  Motsana wa gago wa megope+—ba ntse mo go one;+O ne wa o baakanyetsa yo o bogisiwang ka ntlha ya molemo wa gago, wena Modimo.+ 11  Jehofa ka boene o ntsha lefoko;+Basadi ba ba bolelang dikgang tse di molemo ke lesomo le legolo.+ 12  Le dikgosi tsa masomosomo di a tshaba, di a tshaba.+Fa e le mosadi yo o nnang kwa gae, o nna le seabe mo thopong.+ 13  Le fa lo ne lwa lala mo gare ga dithotobolo tsa molora tsa bothibelelo,Go tla nna le diphuka tsa leeba di bipilwe ka seleferaMme dintlha tsa lone tsa diphuka di bipilwe ka gouta e e botala jo bosetlhana.+ 14  E rile Mothatayotlhe a gasamisetsa dikgosi kgakala mo go yone,+Ga simolola go wa kapoko kwa Salemone.+ 15  Kgaolo e e dithaba ya Bashana+ ke thaba ya Modimo;+Kgaolo e e dithaba ya Bashana ke thaba ya ditlhoa.+ 16  Ke ka ntlha yang fa, lona dithaba tsa ditlhoa, lo leba thaba e Modimo a eleditseng go nna mo go yone ka go e fufegela?+Jehofa o tla nna koo ka bosakhutleng.+ 17  Dikara tsa ntwa tsa Modimo di dikete di le masomesome, dikete di le dintsintsi.+Jehofa ka boene o tlile go tswa kwa Sinai a tsena mo lefelong le le boitshepo.+ 18  O tlhatlogetse kwa godimo;+O tsere batshwarwa;+O tsere dimpho tse e leng banna,+Ee, le ba ba tlhogoethata,+ go nna mo gare ga bone,+ wena Jah Modimo. 19  A go bakwe Jehofa, yo o re rwalelang morwalo letsatsi le letsatsi,+Modimo wa boammaaruri wa poloko ya rona.+ Seʹlah. 20  Modimo wa boammaaruri mo go rona ke Modimo wa ditiro tsa poloko;+Mme ditsela tsa go tswa mo losong+ ke tsa Morena Molaodimogolo+ Jehofa. 21  Eleruri Modimo ka boene o tla thubaganya tlhogo ya baba ba gagwe,+Phogo e e moriri ya tlhogo ya ope fela yo o tsamayatsamayang mo molatong wa gagwe.+ 22  Jehofa o rile: “Ke tla ba bu-sa go tswa Bashana,+Ke tla ba busa go tswa botennyeng jwa lewatle,+ 23  Gore o tle o tlhape lonao lwa gago mo mading,+Gore loleme lwa dintša tsa gago lo tle lo nne le kabelo ya lone mo babeng.”+ 24  Ba bone mekoloko ya gago, wena Modimo,+Mekoloko ya Modimo wa me, Kgosi ya me, e tsena mo lefelong le le boitshepo.+ 25  Baopedi ba ne ba tsamaya kwa pele, baletsi ba diletswa tsa megala ba le kafa morago ga bone;+Fa gare go ne go na le barweetsana ba letsa meropana.+ 26  Bakang+ Modimo lo le boidiidi jo bo phuthegileng,Jehofa lona ba lo tswang Motsweding wa Iseraele.+ 27  Benjamine yo monnye o a ba fenya,+Dikgosana tsa Juda di na le boidiidi jwa tsone jo bo goang,Dikgosana tsa Sebulone, dikgosana tsa Nafetali.+ 28  Modimo wa gago o laetse nonofo ya gago.+A ko o bontshe nonofo, wena Modimo, wena yo o tsereng kgato mo boemong jwa rona.+ 29  Ka ntlha ya tempele ya gago kwa Jerusalema,+Dikgosi di tla go tlisetsa dimpho.+ 30  Kgalema sebatana sa lotlhaka,+ moraka wa dipoo,+O na le dinamane tsa ditšhaba, nngwe le nngwe e gataka dikgapetla tsa selefera.+O gasamisitse ditšhaba tse di itumedisiwang ke ditlhabano.+ 31  Dilwana tsa boronse di tla tswa mo Egepeto;+Kushe e tla otlololela diatla tsa yone ka bonako kwa Modimong di na le dimpho.+ 32  Lona magosi a lefatshe, opelelang Modimo,+Leletsang Jehofa pina—Seʹlah 33  Yo o palamang legodimo la bogologolo tala la magodimo.+Bonang! O utlwatsa modumo ka lentswe la gagwe, lentswe le le nonofileng.+ 34  Nayang Modimo nonofo.+Tlotlomalo ya gagwe e mo godimo ga Iseraele mme nonofo ya gagwe e mo marung.+ 35  Modimo o a boitshega mo lefelong la gago le legolo le le boitshepo.+Ke Modimo wa Iseraele, yo o nayang batho ba gagwe nonofo, le thata.+A go bakwe Modimo.+

Dintlha Tse di Kwa Tlase