Pesalema 62:1-12

Go mokaedi wa Jeduthune. Pina ya ga Dafide. 62  Ruri moya wa me o letetse Modimo ka tidimalo.+Poloko ya me e tswa kwa go ene.+   Ruri ke lefika la me le poloko ya me, bogodimo jwa me jo bo sireletsegileng;+Ga ke na go reketlisiwa thata.+   Lo tla tswelela ka botsenwa ka lobaka lo lo kae kgatlhanong le monna yo lo tlileng go mmolaya?+Lotlhe lo tshwana le lobota lo lo sekameng, lobota lwa maje lo lo kgoromelediwang mo teng.+   Ruri ba naya kgakololo gore ba gogele motho go mo ntsha seriti;+Ba ipelela maaka.+Ba segofatsa ka molomo, mme mo teng ga bone ba a hutsa.+ Seʹlah.   Ruri letela Modimo ka tidimalo, wena moya wa me,+Ka gonne tsholofelo+ ya me e tswa kwa go ene.   Ruri ke lefika la me le poloko ya me, bogodimo jwa me jo bo bolokesegileng;+Ga ke na go reketlisiwa.+   Poloko ya me le kgalalelo ya me di mo Modimong.+Lefika la me le le nonofileng, botshabelo jwa me bo mo Modimong.+   Mo ikanyeng ka dinako tsotlhe, lona batho.+Tshololelang pelo ya lona fa pele ga gagwe.+Modimo ke botshabelo jwa rona.+ Seʹlah.   Ruri bomorwa motho wa mo lefatsheng ke moya o o hemelwang kwa ntle,+Bomorwa batho ke maaka.+Fa ba beilwe mo sekaleng botlhe fela ba motlhofo go feta moya o o hemelwang kwa ntle.+ 10  Lo se ka lwa ikanya go tsietsa,+Le fa e le go nna ba ba se nang mosola ka ntlha ya bonokwane fela.+Fa go direga gore se lo itshedisang ka sone se tote, lo se ka lwa tlhoma pelo ya lona mo go sone.+ 11  Modimo o buile gangwe, mme ke utlwile seno gabedi,+Gore nonofo ke ya Modimo.+ 12  Gape bopelonomi jwa lorato ke jwa gago, wena Jehofa,+Gonne o lefa mongwe le mongwe go ya ka tiro ya gagwe.+

Dintlha Tse di Kwa Tlase