Pesalema 61:1-8

Go mokaedi wa diletswa tsa megala. Ya ga Dafide. 61  A ko o utlwe selelo sa me sa go kopa ka tlhoafalo,+ tlhe Modimo.A ko o tlhwaele thapelo+ ya me tsebe.   Ke tla goela kwa go wena ke le kwa ntlheng ya lefatshe, fa pelo ya me e nna bokoa.+E kete o ka nkgogela kwa lefikeng le le kwa godimo go mpheta.+   Gonne o itshupile o le botshabelo jwa me,+Tora e e nonofileng fa pele ga mmaba.+   Ke tla nna moeng mo mogopeng wa gago ka bosakhutleng;+Ke tla tshabela mo diphukeng+ tsa gago gore di mphitlhe. Seʹlah.   Gonne wena Modimo, o reeditse maikano+ a me.O nneile thuo ya ba ba boifang leina la gago.+   O tla oketsa malatsi a kgosi ka malatsi;+Dingwaga tsa yone di tla nna jaaka kokomana e latela kokomana.+   E tla nna ka bosakhutleng fa pele ga Modimo;+A ko o abe bopelonomi jwa lorato le boammaaruri, gore tseno di tle di e dibele.+   Ka jalo ke tla leletsa leina la gago pina ka bosaengkae,+Gore ke tle ke duele maikano a me letsatsi le letsatsi.+

Dintlha Tse di Kwa Tlase