Pesalema 46:1-11

Go mokaedi. Ya bomorwa Kora+ mo Barweetsaneng. Pina. 46  Modimo ke botshabelo le nonofo ya rona,+Thuso e e motlhofo go bonwa mo matshwenyegong.+   Ke gone ka moo re se kitlang re boifa, le fa lefatshe le fetogaLe fa dithaba di reketlela mo pelong ya lewatle le legolo;+   Le fa metsi a lone a fuduega, a phoka lefulo,+Le fa dithaba di reketlisiwa ke pheretlhego+ ya lone. Seʹlah.   Go na le noka e melatswana ya yone e ipedisang motse wa Modimo,+Motlaagana o mogolo o o boitshepo go gaisa yotlhe wa Mogodimodimo.+   Modimo o mo gare ga motse;+ ga o na go reketlisiwa.+Modimo o tla o thusa fa go nna moso.+   Ditšhaba di ne tsa fuduega,+ magosi a reketla;O ne a utlwatsa modumo ka lentswe la gagwe, lefatshe la gakologa.+   Jehofa wa masomosomo o na le rona;+Modimo wa ga Jakobe ke bogodimo jwa rona jo bo sireletsegileng.+ Seʹlah.   Tlang, lona batho, lo bone ditiro tsa ga Jehofa,+Kafa a beileng ditiragalo tse di akabatsang ka teng mo lefatsheng.+   O dira gore dintwa di kgaotse go ya kwa ntlheng ya lefatshe.+O roba bora gape o robaganya lerumo;+O fisa dikoloi mo molelong.+ 10  “Ineeleng, lona batho, mme lo itse gore ke nna Modimo.+Ke tla godisiwa mo ditšhabeng,+Ke tla godisiwa mo lefatsheng.”+ 11  Jehofa wa masomosomo o na le rona;+Modimo wa ga Jakobe ke bogodimo jwa rona jo bo sireletsegileng.+ Seʹlah.

Dintlha Tse di Kwa Tlase