Pesalema 44:1-26

Go mokaedi. Ya bomorwa Kora.+ Masekile. 44  Modimo, re utlwile ka ditsebe tsa rona,Borraaronamogologolwane ba re boleletse+Tiro e o e dirileng mo metlheng ya bone,+Mo metlheng ya bogologolo.+   Wena ka seatla sa gago o ne wa leleka ditšhaba,+Mme wa jala bone mo boemong jwa tsone.+O ne wa kgaoganya ditlhopha tsa ditšhaba mme wa di tsamaisa.+   Gonne ga ba a rua lefatshe ka tšhaka ya bone,+Mme lebogo la bone ga se lone le neng la ba tlisetsa poloko.+Gonne e ne e le seatla sa gago sa moja le lebogo+ la gago le lesedi la sefatlhego sa gago,Ka gonne ba go itumedisitse.+   Wena o Kgosi ya me, Modimo.+Laolela Jakobe poloko e kgolo.+   Re tla kgorometsa baba ba rona ka wena;+Ba ba re tsogologelang re tla ba gataka ka leina la gago.+   Gonne ga ke a ka ka nnela go ikanya bora jwa me+Le gone ke ne ke sa bolokwe ke tšhaka ya me.+   Gonne o ne wa re boloka mo babeng ba rona,Mme wa tlhabisa ditlhong+ ba ba re tlhoileng thata.   Re tla baka Modimo letsatsi lotlhe,+Mme re tla baka leina la gago ka bosakhutleng.+ Seʹlah.   Jaanong o re latlhile mme o ntse o re kokobetsa,+Mme ga o tsamaye le masole a rona.+ 10  O ntse o dira gore re furalele mmaba,+Mme ba ba re tlhoileng thata ba thopile.+ 11  O re tlogela jaaka dinku, jaaka sengwe sa go jewa,+Mme o re gasamiseditse mo gare ga ditšhaba.+ 12  O rekisa batho ba gago kwantle ga tlhwatlhwa epe gotlhelele,+Mme ga o a dira khumo ka tlhwatlhwa ya bone. 13  O re dira kgobo mo baagelaning ba rona,+Tshotlo le setshego mo go ba ba re dikologileng.+ 14  O re dira polelo ya seane mo gare ga ditšhaba,+Go tshikinyediwa tlhogo mo gare ga ditlhopha tsa ditšhaba.+ 15  Go kokobediwa ga me go fa pele ga me letsatsi lotlhe,Mme ke bipilwe ke ditlhong tsa sefatlhego+ sa me, 16  Ka ntlha ya lentswe la yo o kgobang le yo o gobololang,Ka ntlha ya mmaba le yo o ipusolosetsang.+ 17  Re wetswe ke seno sotlhe, mme ga re a go lebala,+E bile ga re a dira ka tsietso mo kgolaganong+ ya gago. 18  Pelo ya rona ga e a boela morago ka go tlhoka tumelo,+Le dikgato tsa rona ga di fapoge mo tselaneng+ ya gago. 19  Gonne o re gateletse mo lefelong la bophokoje,+Mme o re bipa ka moriti o montsho.+ 20  Fa e le gore re lebetse leina la Modimo wa rona,Kgotsa re otlololela magofi a rona kwa modimong o sele,+ 21  A Modimo ga a na go batlisisa seno?+Gonne o lemoga diphiri tsa pelo.+ 22  Mme ka ntlha ya gago re bolailwe letsatsi lotlhe;Re kailwe re le dinku tsa go tlhabiwa.+ 23  A ko o ikuruse. Ke ka ntlha yang fa o nnetse go robala, wena Jehofa?+A ko o tsoge. O se ka wa nnela go re latlha ka bosaengkae.+ 24  Ke ka ntlha yang fa o nnela go fitlha sefatlhego sa gago?Ke ka ntlha yang fa o lebala pogisego ya rona le go gatelelwa ga rona?+ 25  Gonne moya wa rona o obegetse mo loroleng;+Mpa ya rona e ngaparetse lefatshe. 26  A ko o tsoge o re thuse+Mme o re golole ka ntlha ya bopelonomi jwa gago jwa lorato.+

Dintlha Tse di Kwa Tlase