Pesalema 42:1-11

Go mokaedi. Masekile ya bomorwa Kora.+ 42  Jaaka kgama e namagadi e e tlhologeletsweng melatswana ya metsi,Fela jalo moya wa me o go tlhologeletswe, wena Modimo.+   Ruri moya wa me o nyoretswe Modimo,+ Modimo yo o tshelang.+Ke tla tla go bonala leng fa pele ga Modimo?+   Mo go nna dikeledi tsa me di fetogile dijo motshegare le bosigo,+Fa letsatsi lotlhe ba nthaya ba re: “Modimo+ wa gago o kae?”   Ke tla gakologelwa dilo tseno, e bile ke tla tsho-lola moya mo teng ga me.+Gonne nkile ka bo ke feta le bontsi jwa batho,Nkile ka bo ke tsamaya ka bonya fa pele ga bone ke ya kwa ntlong ya Modimo,+Ka lentswe la go goa ka boipelo le go ntsha ditebogo,+La boidiidi bo keteka moletlo.+   Ke ka ntlha yang fa o itlhobogile, wena moya wa me,+E bile ke ka ntlha yang fa o fuduega mo teng ga me?+Leta Modimo,+Gonne ke sa ntse ke tla mmaka jaaka poloko ya me e kgolo.+   Modimo wa me, moya wa me o itlhobogile mo teng ga me.+Ke gone ka moo ke go gakologelwang,+Go tswa kwa lefatsheng la Joredane le mo ditlhoeng tsa Heremone,+Go tswa kwa thabeng e nnye.+   Bodiba jo bo boteng jwa metsi bo bitsa bodiba jo bo boteng jwa metsiFa go nna le modumo wa go phothosela ga (metsi) a gago.Dintelo tsa gago tsotlhe le makhubu+ a gago otlhe—Di fetile mo godimo ga me.+   Jehofa o tla laela bopelonomi jwa gagwe jwa lorato+ motshegare,Mme bosigo pina ya gagwe e tla nna le nna;+Go tla nna le thapelo e e yang kwa Modimong wa botshelo jwa me.+   Ke tla raya Modimo lefika la me le legolo+ ke re:“O ntebaletseng?+Ke ka ntlha yang fa ke tsamaya ke utlwile botlhoko ka ntlha ya go gatelela ga mmaba?”+ 10  Ba ba mpontshang bobaba ba nkgobile+ ka polao mo marapong a me,Fa letsatsi lotlhe ba nthaya ba re: “Modimo+ wa gago o kae?” 11  Ke ka ntlha yang fa o itlhobogile, wena moya wa me,+Le gone ke ka ntlha yang fa o fuduega mo teng ga me?+Leta Modimo,+Gonne ke sa ntse ke tla mmaka jaaka poloko e kgolo ya me le jaaka Modimo wa me.+

Dintlha Tse di Kwa Tlase