Pesalema 41:1-13

Go mokaedi. Pina ya ga Dafide. 41  Go itumela ope fela yo o dirang ka go akanyetsa motho wa maemo a a kwa tlase;+Jehofa o tla mo falotsa mo letsatsing la masetlapelo.+   Jehofa o tla mo disa le go mmoloka a tshela.+O tla bolelwa e le yo o itumetseng mo lefatsheng;+Mme o ka se ka wa ba wa mo neela moya wa baba ba gagwe.+   Jehofa ka boene o tla mo tshegetsa mo bolawaneng jwa bolwetse;+Ruri o tla fetola bolao jotlhe jwa gagwe fa a sa ntse a bobola.+   Fa e le nna, ke ne ka re: “Tlhe Jehofa, nkutlwele botlhoko.+A ko o fodise moya wa me, gonne ke go leofetse.”+   Fa e le baba ba me, ba bua se se bosula ka nna:+“O tla swa leng mme leina la gagwe ruri le nyelele?”   Mme fa mongwe a ka tla go mpona, pelo ya gagwe e tla bua se se seng boammaaruri;+O tla ikokoanyetsa sengwe se se utlwisang botlhoko;O tla tswa; o tla bua ka sone kwa ntle.+   Botlhe ba ba ntlhoileng ba sebetsanya ba le seoposengwe kgatlhanong le nna;+Ba ntse ba ntogela leano la se se bosula:+   “Selo se se se nang molemo wa sepe se tshelwa mo go ene;+Jaanong ka gore o rapame, ga a na go tsoga gape.”+   Gape motho yo o mo kagisong le nna, yo ke neng ke mo ikantse,+Yo o neng a ja senkgwe+ sa me, o nkgodiseditse serethe.+ 10  Fa e le wena, Jehofa, nkutlwele botlhoko mme o ntsose,+Gore ke tle ke ba duele.+ 11  Ke itse ka seno gore o a nkgatlhegela,Ka gonne mmaba wa me ga a goe ka phenyo mo go nna.+ 12  Fa e le nna, o ntshegeditse ka ntlha ya bothokgami jwa me,+Mme o tla mpaya fa pele ga sefatlhego sa gago ka bosakhutleng.+ 13  A go bakwe Jehofa Modimo wa Iseraele+Go tswa bosasimologeng go ya bosakhutleng.+Amen le Amen.+

Dintlha Tse di Kwa Tlase