Pesalema 37:1-40

Ya ga Dafide. א [ʼAʹleph] 37  O se ka wa itshupa o galefile ka ntlha ya badirabosula.+O se ka wa tswela ba ba dirang tshiamololo pelo.+   Gonne ba tla swaba ka bofefo jaaka bojang,+Mme ba tla nyelela jaaka bojang jo bosha jo botala.+ ב [Behth]   Ikanye Jehofa mme o dire molemo;+Aga mo lefatsheng, mme o dire ka boikanyegi.+   Gape o itumelele Jehofa thata,+Mme o tla go naya dikopo tsa pelo+ ya gago. ג [Giʹmel]   Pitikela tsela ya gago mo go Jehofa,+O mo ikanye,+ mme o tla tsaya kgato.+   Mme ruri o tla tlisa tshiamo ya gago jaaka lesedi,+Le tshiamiso ya gago jaaka sethoboloko.+ ד [Daʹleth]   Didimala fa pele ga ga Jehofa+Mme o mo lete ka tlhologelelo.+O se ka wa itshupa o galefetse ope yo o atlegisang tsela ya gagwe,+Motho yo o diragatsang dikgopolo tsa gagwe.+ ה [Heʼ]   Tlogela bogale mme o lese tšararego;+O se ka wa itshupa o galefetse fela gore o dire bosula.+   Gonne badirabosula ka bobone ba tla kgaolwa,+Mme ba ba solofetseng mo go Jehofa ke bone ba ba tla ruang lefatshe.+ ו [Waw] 10  Mme mo lobakanyaneng fela, moikepi o tla bo a sa tlhole a le teng;+Ruri o tla sekaseka lefelo la gagwe, mme o tla bo a seyo.+ 11  Mme ba ba pelonolo ba tla rua lefatshe,+Ruri ba tla nna le boitumelo jo bogolo mo letlotlong la kagiso.+ ז [Zaʹyin] 12  Moikepi o logela mosiami leano,+Mme o mo huranyetsa meno.+ 13  Jehofa o tla mo tshega,+Gonne ruri o a bona gore letsatsi la gagwe le tla tla.+ ח [Chehth] 14  Baikepi ba somotse tšhaka mme ba obile bora jwa bone,+Gore ba dige yo o bogisiwang le yo o humanegileng,+Gore ba bolaye ba ba thokgameng mo tseleng ya bone.+ 15  Tšhaka ya bone e tla tsena mo pelong+ ya bone,Mme mara a bone a tla robagana.+ ט [Tehth] 16  Mo gonnye ga mosiami go botoka+Go na le letlotlo la baikepi ba bantsi.+ 17  Gonne mabogo a baikepi a tla robaganngwa,+Mme Jehofa o tla bo a tshegetsa ba ba siameng.+ י [Yohdh] 18  Jehofa o lemoga malatsi a ba ba se nang molato,+Mme boswa jwa bone bo tla tswelela ka bosakhutleng.+ 19  Ga ba na go tlhabiwa ke ditlhong mo motlheng wa masetlapelo,+Mme ba tla kgora mo metlheng ya leuba.+ כ [Kaph] 20  Gonne baikepi ba tla nyelela,+Mme baba ba ga Jehofa ba tla nna jaaka mafulo a a a gaisang otlhe;Ba tla fela.+ Ba tla fedisiwa ke mosi.+ ל [Laʹmedh] 21  Moikepi o a adima mme ga a buse,+Mme mosiami o utlwela botlhoko e bile o naya dimpho.+ 22  Gonne ba a ba segofatsang ba tla rua lefatshe,+Mme ba a ba biletsang bosula ba tla kgaolwa.+ מ [Mem] 23  Dikgato tsa monna yo o nonofileng di baakantswe+ ke Jehofa,Mme O itumedisiwa+ ke tsela ya gagwe. 24  Le fa a ka wa, ga a na go piriganngwa,+Gonne Jehofa o tshegeditse seatla sa gagwe.+ נ [Nun] 25  Nkile ka bo ke le lekau, jaanong ke tsofetse,+Mme le fa go ntse jalo ga ke ise ke bone ope yo o siameng a tlogetswe gotlhelele,+Le fa e le bana ba gagwe ba batla senkgwe.+ 26  Letsatsi lotlhe o utlwela botlhoko e bile o a adima,+Ka jalo bana ba gagwe ba mo tseleng ya go segofadiwa.+ ס [Saʹmekh] 27  Fapoga mo go se se bosula mme o dire se se molemo,+Mme ka jalo o age ka bosakhutleng.+ 28  Gonne Jehofa ke morati wa tshiamiso,+Mme ga a na go tlogela batho ba gagwe ba ba ikanyegang.+ע [ʽAʹyin]Ba tla disiwa+ ka bosakhutleng;Mme fa e le bana ba baikepi, ba tla kgaolwa.+ 29  Basiami ba tla rua lefatshe,+Mme ba tla aga mo go lone ka bosakhutleng.+ פ [Peʼ] 30  Molomo wa mosiami ke o o buang botlhale ka lentswe le le kwa tlase,+Mme loleme lwa gagwe ke lo lo buang ka tshiamiso.+ 31  Molao wa Modimo wa gagwe o mo pelong ya gagwe;+Dikgato tsa gagwe ga di na go kgwetlha.+ צ [Tsa·dhehʹ] 32  Moikepi o nna a disitse mosiami+Mme o batla go mmolaya.+ 33  Fa e le Jehofa, ga a na go mo tlogelela seatla sa yoo,+Mme ga a na go mmolela a le boikepo fa a atlholwa.+ ק [Qohph] 34  Solofela mo go Jehofa mme o boloke tsela ya gagwe,+Mme o tla go godisa gore o rue lefatshe.+Fa baikepi ba kgaolwa, o tla bona seo.+ ר [Rehsh] 35  Ke bone moikepi e le mopatiki+A ikala jaaka setlhare se se golang thata mo mmung wa sone.+ 36  O ne a feta, mme bona o ne a seyo;+Ke ne ka nna ka mmatla, mme a se ka a bonwa.+ ש [Shin] 37  Lebelela motho yo o se nang molato mme o nne o lebile motho yo o thokgameng,+Gonne isagwe ya motho yoo e tla nna le kagiso.+ 38  Mme batlodi ruri ba tla nyelediwa mmogo;+Isagwe ya baikepi e tla kgaolwa. ת [Taw] 39  Mme poloko ya basiami e tswa kwa go Jehofa;+Ke kago ya bone ya phemelo mo motlheng wa matshwenyego.+ 40  Mme Jehofa o tla ba thusa le go ba falotsa.+O tla ba falotsa mo bathong ba ba boikepo a bo a ba boloka,+Ka gonne ba tshabetse mo go ene.+

Dintlha Tse di Kwa Tlase