Pesalema 34:1-22

Ya ga Dafide, ka nako e a neng a ikgakisa batho gore ga a itekanela mo tlhaloganyong+ fa pele ga ga Abimeleke, mo a neng a mo leleka, mme a tsamaya. א [ʼAʹleph] 34  Ke tla baka Jehofa ka dinako tsotlhe;+Pako ya gagwe e tla nna mo molomong wa me ka metlha.+ ב [Behth]   Moya wa me o tla ipelafatsa+ mo go Jehofa;Ba ba pelonolo ba tla utlwa mme ba tla ipela.+ ג [Giʹmel]   Godisang Jehofa le nna,+A re godiseng leina la gagwe mmogo.+ ד [Daʹleth]   Ke ne ka botsa Jehofa, mme a nkaraba,+Mme a nkgolola+ mo letshogong lotlhe la me. ה [Heʼ]   Ba ne ba mo leba mme ba phatsima,+Mme go ne go ka se kgonege gore difatlhego tsa bone di tlhabiwe ke ditlhong.+ ז [Zaʹyin]   Yo o bogisiwang yono o ne a bitsa, mme Jehofa a utlwa.+Mme A mmoloka+ mo matshwenyegong otlhe a gagwe. ח [Chehth]   Moengele wa ga Jehofa o thibelela go dikologa ba ba mmoifang,+Mme o a ba namola.+ ט [Tehth]   Lekang mme lo bone gore Jehofa o molemo;+Go itumela monna yo o nonofileng yo o tshabelang mo go ene.+ י [Yohdh]   Boifang Jehofa, lona baitshepi ba gagwe,+Gonne ba ba mmoifang ga ba tlhaele sepe.+ כ [Kaph] 10  Ditawana tse di seriri di nnile le mo gonnye mme tsa tshwarwa ke tlala;+Mme fa e le ba ba senkang Jehofa bone, ga ba na go tlhaela sepe se se molemo.+ ל [Laʹmedh] 11  Tlang, bana ke lona, ntheetsang;+Ke tla lo ruta go boifa Jehofa.+ מ [Mem] 12  Ke mang motho yo o natefelelwang ke botshelo,+Yo o ratang malatsi a a lekaneng gore a bone se se molemo?+ נ [Nun] 13  Dibela loleme lwa gago mo go se se bosula,+Le dipounama tsa gago mo go bueng tsietso.+ ס [Saʹmekh] 14  Furalela se se bosula, mme o dire se se molemo;+Senka kagiso, mme o e latelele.+ ע [ʽAʹyin] 15  Matlho a ga Jehofa a mo basiaming,+Le ditsebe tsa gagwe di ntlheng ya go goa ga bone ba kopa thuso.+ פ [Peʼ] 16  Sefatlhego sa ga Jehofa se kgatlhanong le ba ba dirang se se bosula,+Gore a fedise go umakiwa ga bone mo lefatsheng.+ צ [Tsa·dhehʹ] 17  Ba ne ba goa, mme Jehofa a utlwa,+Mme a ba golola mo matshwenyegong otlhe a bone.+ ק [Qohph] 18  Jehofa o gaufi le ba ba pelo e phatlogileng;+Mme o boloka ba ba moya o pitlaganeng.+ ר [Rehsh] 19  Masetlapelo a mosiami a mantsi,+Mme Jehofa o mo golola mo go one otlhe.+ ש [Shin] 20  O disa marapo otlhe a yoo;Ga go na lepe la one le le robegileng.+ ת [Taw] 21  Masetlapelo a tla bolaya moikepi;+Mme ba ba tlhoileng mosiami ba tla bonwa molato.+ 22  Jehofa o golola moya wa batlhanka ba gagwe;+Mme ga go na ope wa ba ba tshabelang mo go ene yo o tla bonwang molato.+

Dintlha Tse di Kwa Tlase