Pesalema 33:1-22
33 Goang ka boipelo, lona basiami, ka ntlha ya ga Jehofa.+Pako e a tshwanela mo go ba ba thokgameng.+
2 Ntshetsang Jehofa ditebogo ka harepa;+Mo leletseng pina ka seletswa sa megala e e lesome.+
3 Mo opeleleng pina e ntšha;+Dirang gotlhe mo lo ka go kgonang go letsa megala le go goa ka boipelo.+
4 Gonne lefoko la ga Jehofa le thokgame,+Mme tiro ya gagwe yotlhe e a ikanyega.+
5 Ke morati wa tshiamo le tshiamiso.+Lefatshe le tletse ka bopelonomi jwa lorato jwa ga Jehofa.+
6 Magodimo a dirilwe ka lefoko la ga Jehofa,+Le lesomo lotlhe la one ka moya wa molomo wa gagwe.+
7 O phutha metsi a lewatle+ jaaka letamo,O tsenya metsi a a gogomogang mo matlong a polokelo.
8 A botlhe ba lefatshe ba boife Jehofa.+A banni botlhe ba naga e e ungwang ba tshoge+ ka ntlha ya gagwe.
9 Gonne o ne a bua, mme ga nna jalo;+O ne a laela, mme ga ema jalo.+
10 Jehofa o sentse boikaelelo jwa ditšhaba;+O kgoreleditse dikakanyo tsa ditšhaba.+
11 Boikaelelo jwa ga Jehofa bo tla ema ka bosakhutleng;+Dikakanyo tsa pelo ya gagwe di ya kokomaneng e nngwe morago ga kokomana e nngwe.+
12 Go itumela setšhaba se Modimo wa sone e leng Jehofa,+Batho ba a ba tlhophileng go nna boswa jwa gagwe.+
13 Jehofa o lebile a le kwa magodimong,+O bone bomorwa batho botlhe.+
14 Go tswa kwa lefelong le le tlhomameng le a nnang+ kwa go loneO lebile botlhe ba ba nnang mo lefatsheng.
15 O bopa dipelo tsa bone botlhe;+O akanyetsa ditiro tsa bone tsotlhe.+
16 Ga go na kgosi e e bolokwang ka bontsi jwa mephato ya sesole;+Monna yo o thata ga a gololwe ka bogolo jwa maatla.+
17 Pitse ke tsietso mo go bolokeng,+Mme ga e kgone go falotsa ka maatla a yone a magolo a botlhaga.+
18 Bona! Leitlho la ga Jehofa le mo go ba ba mmoifang,+Mo go ba ba letileng bopelonomi jwa gagwe jwa lorato,+
19 Go golola moya wa bone mo losong,+Le go ba boloka ba tshela mo leubeng.+
20 Moya wa rona o ntse o lebeletse Jehofa.+Ke mothusi wa rona le thebe ya rona.+
21 Gonne pelo ya rona e ipela+ mo go ene;Ka re ikantse leina la gagwe le le boitshepo.+
22 A bopelonomi jwa gago jwa lorato, Jehofa, bo nne mo go rona,+Fela jaaka re ntse re go letile.+
