Pesalema 30:1-12

Pina. Pina ya kgakolo ya ntlo.+ Ya ga Dafide. 30  Ke tla go godisa, wena Jehofa, gonne o ntsholeditse+Mme ga o a letla baba ba me gore ba ipele ka ntlha ya me.+   Jehofa, Modimo wa me, ke ne ka goela kwa go wena ke kopa thuso, mme o ne wa mphodisa.+   Wena Jehofa, o ntshitse moya wa me mo Sheole;+O mpolokile ke tshela, gore ke se ka ka fologela mo kgatamping.+   Leletsang Jehofa pina, lona batho ba gagwe ba ba ikanyegang,+Ntshetsang segopotso+ sa gagwe se se boitshepo ditebogo;   Ka gonne go nna mo bogaleng jwa gagwe ke ga nakwana,+Go nna mo kamogelong ya gagwe ke ga botshelo jotlhe.+Go lela go ka nna teng mo maitseboeng,+ mme mo mosong go na le go goa ka boipelo.+   Fa e le nna, ke buile jaana mo boiketlong jwa me:+“Le ka motlha ga nkitla ke reketlisiwa.”+   Wena Jehofa, o dirile gore thaba ya me e eme e nonofile ka kamogelo ya gago.+O ne wa fitlha sefatlhego sa gago; nna ka fuduega.+   Ke ne ka nna ka biletsa+ kwa go wena, Jehofa;Ke ne ka nna ka dira kopo ka tlhoafalo ya gore Jehofa a nkutlwele botlhoko.+   Go na le poelo efe mo mading a me fa ke fologela mo kgatamping?+A lorole lo tla go baka?+ A lo tla bolela ka boammaaruri jwa gago?+ 10  Utlwa, tlhe Jehofa, o bo o nkutlwele botlhoko.+Wena Jehofa, nna mothusi wa me.+ 11  O fetotse khutsafalo ya me wa e dira go bina;+O bofolotse letsela la me la kgetsi, mme o mpoloka ke gatlhilwe ka boipelo,+ 12  Gore kgalalelo ya me e tle e go leletse pina mme e se ka ya didimala.+Jehofa Modimo wa me, ke tla go baka ka bosakhutleng.+

Dintlha Tse di Kwa Tlase