Pesalema 28:1-9

Ya ga Dafide. 28  Ke ntse ke biletsa+ kwa go wena, Jehofa.Tlhe Lefika la me, o se ka wa nna susu+ mo go nna,Gore o tle o se ka wa didimala fela+ malebana le nnaMme ke se ka ka nna jaaka ba ba fologelang mo kgatamping.+   Utlwa lentswe la dikopo tsa me tse di dirwang ka tlhoafalo fa ke goela kwa go wena ke kopa thuso,Fa ke tsholeletsa diatla+ tsa me kwa phaposing e e kwa tengteng ya lefelo la gago le le boitshepo.+   O se ka wa nkgoga mmogo le batho ba ba boikepo le badiri ba se se utlwisang botlhoko,+Ba ba buang kagiso le balekane+ ba bone mme mo dipelong tsa bone go na le se se bosula.+   Ba neye go ya ka se ba se dirang+Le go ya ka bosula jwa ditiro tsa bone.+Ba neye go ya ka tiro ya diatla tsa bone.+Ba duele go ya kafa tirong ya bone.+   Gonne ga ba tlotle ditiro tsa ga Jehofa,+Le fa e le tiro ya diatla tsa gagwe.+O tla ba rutlolola a bo a sa ba age.   A go bakwe Jehofa, gonne o utlwile lentswe la dikopo tsa me tse di dirwang ka tlhoafalo.+   Jehofa ke nonofo+ ya me le thebe+ ya me.Pelo ya me e mo ikantse,+Mme ke thusitswe, mo pelo ya me e itumetseng,+Mme ke tla mmaka ka pina ya me.+   Jehofa ke nonofo mo bathong ba gagwe,+E bile ke kago e e thata ya poloko e kgolo ya motlodiwa wa gagwe.+   A ko o boloke batho ba gago, mme o segofatse boswa jwa gago;+O ba dise o bo o ba tshole ka bosakhutleng.+

Dintlha Tse di Kwa Tlase