Pesalema 24:1-10

Ya ga Dafide. Pina. 24  Lefatshe ke la ga Jehofa le se se le tladitseng,+Naga e e ungwang le ba ba nnang mo go yone.+   Gonne o le tlhomile ka thata mo godimo ga mawatle,+Mme o nna a le tlhomamisitse thata mo dinokeng.+   Ke mang yo o ka tlhatlogelang mo thabeng ya ga Jehofa,+Mme ke mang yo o ka emang mo lefelong la gagwe le le boitshepo?+   Ope fela yo o diatla di se nang molato le yo o phepa mo pelong,+Yo o sa isang moya wa Me kwa dilong tse di se nang mosola,+Le fa e le go dira ikano ka tsietso.+   O tla tsaya tshegofatso mo go Jehofa+Le tshiamo mo Modimong wa gagwe wa poloko.+   Eno ke kokomana ya ba ba mo senkang,Ya ba ba batlang sefatlhego sa gago, wena [Modimo wa ga] Jakobe.+ Seʹlah.   “Tsholetsang ditlhogo tsa lona, lona dikgoro,+Lo bo lo itsholetseng, lona dikgoro tse di nnetseng ruri,+Gore Kgosi e e galalelang e tle e tsene!”+   “Jaanong, ke mang Kgosi eno e e galalelang?”+“Jehofa yo o nonofileng le yo o thata,+Jehofa yo o thata mo tlhabanong.”+   “Tsholetsang ditlhogo tsa lona, lona dikgoro;+Ee, di tsholetseng, lona dikgoro tse di nnetseng ruri,Gore Kgosi e e galalelang e tle e tsene!”+ 10  “Jaanong, ene ke mang, Kgosi eno e e galalelang?”“Jehofa wa masomosomo—ke ene Kgosi e e galalelang.”+ Seʹlah.

Dintlha Tse di Kwa Tlase