Pesalema 145:1-21

Pako, ya ga Dafide. א [ʼAʹleph] 145  Ke tla go godisa, wena Modimo wa me Kgosi,+E bile ke tla baka leina la gago ka bosakhutleng, le ka bosaengkae.+ ב [Behth]   Ke tla go baka letsatsi lotlhe,+Mme ke tla baka leina la gago ka bosakhutleng, le ka bosaengkae.+ ג [Giʹmel]   Jehofa o mogolo e bile o tshwanelwa thata ke go bakwa,+Mme bogolo jwa gagwe ke jo bo sa ka keng jwa hukutsega.+ ד [Daʹleth]   Kokomana morago ga kokomana e tla akgola ditiro tsa gago,+Mme ba tla bolela ditiro tsa gago tse di thata.+ ה [Heʼ]   Ke tla tlhatlhanya ka bontlentle jo bo galalelang jwa seriti sa gago+Le dikgang tsa ditiro tsa gago tse di gakgamatsang.+ ו [Waw]   Mme ba tla bua ka nonofo ya dilo tsa gago tse di boitshegang;+Mme fa e le bogolo jwa gago, ke tla bo bolela.+ ז [Zaʹyin]   Ba tla bua ka matlhagatlhaga ka letlotlo la molemo wa gago,+Mme ba tla goa ka boipelo ka ntlha ya tshiamo ya gago.+ ח [Chehth]   Jehofa o pelontle e bile o kutlwelobotlhoko,+O bonya go galefa gape o na le bopelonomi jo bogolo jwa lorato.+ ט [Tehth]   Jehofa o molemo mo go botlhe,+Le mautlwelobotlhoko a gagwe a mo ditirong tsa gagwe tsotlhe.+ י [Yohdh] 10  Ditiro tsotlhe tsa gago di tla go baka, wena Jehofa,+Le batho ba gago ba ba ikanyegang ba tla go baka.+ כ [Kaph] 11  Ba tla bua ka kgalalelo ya bogosi jwa gago,+E bile ba tla bua ka thata ya gago,+ל [Laʹmedh] 12  Gore ba itsise barwa batho ditiro tsa gagwe tsa maatla+Le kgalalelo ya bontlentle jwa bogosi jwa gagwe.+ מ [Mem] 13  Bogosi jwa gago ke bogosi ka bosakhutleng,+Mme taolo ya gago e mo dikokomaneng tsotlhe ka go latelana ga tsone.+ ס [Saʹmekh] 14  Jehofa o tshegetsa botlhe ba ba wang,+E bile o tsholetsa botlhe ba ba inameng.+ ע [ʽAʹyin] 15  Matlho a botlhe a leba kwa go wena ka tsholofelo,+E bile o ba naya dijo tsa bone ka paka ya tsone.+ פ [Peʼ] 16  O bula seatla sa gago+O kgotsofatse keletso ya setshedi sengwe le sengwe.+ צ [Tsa·dhehʹ] 17  Jehofa o siame mo ditseleng tsa gagwe tsotlhe+E bile o ikanyega mo ditirong tsa gagwe tsotlhe.+ ק [Qohph] 18  Jehofa o gaufi le botlhe ba ba mmitsang,+Le botlhe ba ba mmitsang ka boammaaruri.+ ר [Rehsh] 19  O tla diragatsa keletso ya ba ba mmoifang,+E bile o tla utlwa go goa ga bone ba kopa thuso, mme o tla ba boloka.+ ש [Shin] 20  Jehofa o disa botlhe ba ba mo ratang,+Mme botlhe ba ba boikepo o tla ba nyeletsa.+ ת [Taw] 21  Molomo wa me o tla bua pako ya ga Jehofa;+Mme a nama yotlhe e bake leina la gagwe le le boitshepo ka bosakhutleng, le ka bosaengkae.+

Dintlha Tse di Kwa Tlase