Pesalema 144:1-15

Ya ga Dafide. 144  A go bakwe Jehofa Lefika+ la me,Yo o rutang diatla tsa me tlhabano,+Menwana ya me ntwa;   Bopelonomi jwa me jwa lorato le kago ya me e e thata,+Bogodimo jwa me jo bo sireletsegileng le Mofalotsi wa me,+Thebe+ ya me le Yo ke tshabetseng+ mo go ene,Ene Yo o fenyang ditšhaba kafa tlase ga me.+   Wena Jehofa, motho ke eng gore o mo tseye tsia,+Morwa motho yo o nang le go swa+ gore o mo tlhokomele?   Motho o tshwana le moya o o hemelwang kwa ntle;+Malatsi a gagwe a ntse jaaka moriti o o fetang.+   Ao tlhe Jehofa, oba magodimo a gago gore o fologe;+Ama dithaba gore di kue mosi.+   Sedifatsa ka logadima gore o ba gasamise;+Romela metswi ya gago gore o ba tlhakatlhakanye.+   Ntsha diatla tsa gago go tswa kwa bogodimong;+Mphalotse o bo o nkgolole mo metsing a mantsi,+Mo seatleng sa batswakwa,+   Ba molomo wa bone o buileng se se seng boammaaruri+Le ba seatla sa bone sa moja e leng seatla sa moja sa maaka.+   Wena Modimo, ke tla go opelela pina e ntšha.+Ke tla go leletsa pina+ mo seletsweng sa megala e e lesome, 10  Ene Yo o nayang dikgosi poloko,+Ene Yo o gololang Dafide motlhanka wa gagwe mo tšhakeng e e utlwisang botlhoko.+ 11  Mphalotsa o nkgolole mo seatleng sa batswakwa,+Ba molomo wa bone o buileng se se seng boammaaruri+Le ba seatla sa bone sa moja e leng seatla sa moja sa maaka,+ 12  Ba ba reng: “Bomorwaarona ba tshwana le dimelanyana tse di godileng mo bosheng jwa tsone,+Bomorwadiarona ba tshwana le dikhutlo tse di setilweng ka mokgwa wa tsa ntlo ya segosi, 13  Dipolokelo tsa rona di tletse, di ntsha dilwana tsa mefutafuta,+Matsomane a rona a ntsifala ka dikete, le le lengwe le nna dikete di le lesome, mo mebileng ya rona, 14  Dikgomo tsa rona di imetswe, mme ga di a phatloga e bile ga di a folotsa,+E bile ga go na selelo mo dipatlelong tsa rona.+ 15  Go itumela setšhaba se go ntseng fela jalo mo go sone!”Go itumela setšhaba se Modimo wa sone e leng Jehofa!+

Dintlha Tse di Kwa Tlase