Pesalema 140:1-13

Ya mokaedi. Pina ya ga Dafide. 140  Ao tlhe Jehofa, nnamole mo bathong ba ba bosula;+E kete o ka ntibela le mo mothong wa ditiro tsa thubakanyo,+   Ba ba logileng maano a dilo tse di bosula mo pelong ya bone,+Ba ba nnang ba tlhasela motshegare otlhe jaaka mo dintweng.+   Ba looditse loleme lwa bone go tshwana le lwa no-ga;+Botlhole jwa noga e e dinaka bo kafa tlase ga dipounama tsa bone.+ Seʹlah.   Mpoloka, tlhe Jehofa, mo diatleng tsa moikepi;+E kete o ka ntibela mo mothong wa ditiro tsa thubakanyo,+Ba ba logileng leano la go kgorometsa dikgato tsa me.+   Ba ba ikgodisang ba mphitlhetse serai;+Mme ba tsharolotse megala jaaka letlowa fa thoko ga tselana.+Ba mpeetse diru.+ Seʹlah.   Ke reile Jehofa ka re: “O Modimo wa me.+Sekegela lentswe la dikopo tsa me tse di tlhoafetseng tsebe,+ tlhe Jehofa.”   Ao tlhe Jehofa Morena Molaodimogolo,+ nonofo ya poloko ya me,+O bipile tlhogo ya me mo letsatsing la mophato o o tlhometseng.+   Ao tlhe Jehofa, o se ka wa naya moikepi dikeletso tsa gagwe.+O se ka wa tsweletsa go loga maano ga gagwe, gore ba se ka ba godisiwa.+ Seʹlah.   Fa e le ditlhogo tsa ba ba ntikanyeditseng,+A matshwenyego a dipounama tsa bone a di bipe.+ 10  A go latlhelwe magala a a tukang mo godimo ga bone.+A go dirwe gore ba wele mo molelong,+ mo dipetseng tsa metsi, gore ba se ka ba tsoga.+ 11  Motho yo o buang dilo tse dikgolo—a a se ka a tlhomamisiwa ka thata mo lefatsheng.+Motho wa thubakanyo—a bosula bo mo tsome ka go mo kgorometsa gantsi.+ 12  Ke itse sentle gore Jehofa o tla diragatsa+Kopo e e kafa molaong ya yo o bogisiwang, katlholo ya bahumanegi.+ 13  Eleruri basiami ba tla ntshetsa leina la gago ditebogo;+Ba ba thokgameng ba tla nna fa pele ga sefatlhego sa gago.+

Dintlha Tse di Kwa Tlase