Pesalema 139:1-24

Ya mokaedi. Ya ga Dafide. Pina. 139  Wena Jehofa, o ntlhatlhobile, mme o a nkitse.+   O itse go nna ga me le go ema ga me.+O akanyeditse kakanyo ya me go tswa kgakala.+   O lekantse go eta ga me le go namalala ga me,+E bile o tlwaelane le ditsela tsa me tsotlhe.+   Gonne ga go na lefoko lepe mo lolemeng lwa me,+Mme bona! wena Jehofa, o setse o le itse lotlhe fela.+   O ntikanyeditse kwa morago le kwa pele;Mme o baya seatla sa gago mo go nna.   Kitso e e ntseng jalo e molemo thata mo go nna.+E kwa godimo thata mo e leng gore ga nkake ka e fitlhelela.+   Nka ya kae ke tswa mo moyeng wa gago,+Mme nka tshabela sefatlhego sa gago kae?+   Fa nka tlhatlogela kwa legodimong, o ne o tla nna teng koo;+Le fa nka tsharolola sekanamelo sa me kwa Sheole, bona! o ne o tla nna teng koo.+   Fa ke ne nka tsaya diphuka+ tsa bosa,Gore ke tle ke age mo lewatleng le le kwa tengteng,+ 10  Gone koo, seatla sa gago se ne se tla nkgoga+Le seatla sa gago sa moja se ne se tla ntshwara.+ 11  Mme fa ke ne nka re: “Ruri lefifi le tla ntshwara ka bofefo!”+Foo bosigo bo ne bo tla nna lesedi go ntikologa.+ 12  Le lone lefifi le ne le ka se ka la nna lentsho thata mo go wena,+Mme bosigo bo ne bo tla phatsima fela jaaka motshegare;+Lefifi le ka nna la nna lesedi.+ 13  Gonne wena ka bowena o dirile diphilo tsa me;+O ne wa mpoloka ke bipilwe mo sebopelong sa ga mmè.+ 14  Ke tla go baka ka gonne ke dirilwe ka tsela e e boitshegang e e gakgamatsang.+Ditiro tsa gago di a gakgamatsa,+Jaaka moya wa me o lemoga sentle.+ 15  Marapo a me a ne a sa go fitlhegela+Fa ke ne ke dirwa mo sephiring,+Fa ke ne ke logwa mo dikarolong tse di kwa tlasetlase+ tsa lefatshe. 16  Matlho a gago a ne a mpona ke le losea lo lo mo popelong,+Mme dikarolo tsotlhe tsa lone di ne di kwadilwe mo bukeng ya gago,Malebana le malatsi a di bopilweng ka one+Mme go ne go ise go nne le e le nngwe fela ya tsone. 17  Ka jalo, a bo dikakanyo tsa gago di le tlhwatlhwakgolo jang ne mo go nna!+Oo Modimo, a bo palo yotlhe ya tsone e le kana kang!+ 18  Fa ke ne nka leka go di bala, di feta le moshawa.+Ke thantse, mme ke sa ntse ke na le wena.+ 19  E kete wena Modimo, o ne o ka bolaya moikepi!+Foo le banna ba ba nang le molato wa madi+ ba tla ntlogela, 20  Ba ba buang dilo ka ga gago kafa kgopolong ya bone;+Ba dirisitse leina la gago ka tsela e e se nang mosola+—baba ba gago.+ 21  A ga ke a ba tlhoa batho ba ba go tlhoileng thata, wena Jehofa,+Le gone a ga ke ile ba ba go tlhanogelang?+ 22  Ke ba tlhoile ka letlhoo le le feletseng.+Ba fetogile baba ba mmatota mo go nna.+ 23  Mphukutse, tlhe Modimo, o itse pelo ya me.+Ntlhatlhobe, o itse dikakanyo tsa me tse di tlhobaetsang,+ 24  Mme o bone gore a go na le tsela epe e e botlhoko mo go nna,+Mme o nkgoge mo tseleng+ ya bosakhutleng.

Dintlha Tse di Kwa Tlase