Pesalema 115:1-18

115  Ga go na sepe se e leng sa rona, wena Jehofa, ga go na se-pe se e leng sa rona,+Mme naya leina la gago kgalalelo+Kafa bopelonoming jwa gago jwa lorato, kafa boammaaruring jwa gago.+   Ke ka ntlha yang fa ditšhaba di tshwanetse go re:+“Jaanong, Modimo wa bone o kae?”+   Mme Modimo wa rona o kwa magodimong;+Sengwe le sengwe se a natefeletsweng ke go se dira o se dirile.+   Medingwana ya bone ke selefera le gouta,+Tiro ya diatla tsa motho wa mo lefatsheng.+   E na le molomo, mme ga e kgone go bua;+E na le matlho, mme ga e kgone go bona;+   E na le ditsebe, mme ga e kgone go utlwa.+E na le nko, mme ga e kgone go dupa.+   E na le diatla, mme ga e kgone go tshwara.+E na le dinao, mme ga e kgone go tsamaya;+Ga e ntshe modumo ope ka mometso wa yone.+   Ba ba e dirang ba tla tshwana fela le yone,+Botlhe ba ba e ikanyang.+   Wena Iseraele, ikanye Jehofa;+Ke ene thuso ya bone le thebe+ ya bone. 10  Wena ntlo ya ga Arone, ikanye Jehofa;+Ke ene thuso ya bone le thebe ya bone.+ 11  Lona ba lo boifang Jehofa, ikanyeng Jehofa;+Ke ene thuso ya bone le thebe+ ya bone. 12  Jehofa ka boene o re gakologetswe; o tla segofatsa,+O tla segofatsa ntlo ya ga Iseraele.+O tla segofatsa ntlo ya ga Arone.+ 13  O tla segofatsa ba ba boifang Jehofa,+Ba babotlana mmogo le ba bagolo.+ 14  Jehofa o tla lo naya koketsego,+Lona le bomorwaalona.+ 15  Ke lona ba lo segofadiwang ke Jehofa,+Modiri wa legodimo le lefatshe.+ 16  Fa e le magodimo, magodimo ke a ga Jehofa,+Mme lefatshe o le neile bana ba batho.+ 17  Baswi bone ga ba bake Jah,+Le fa e le bape ba ba fologelang kwa tidimalong.+ 18  Mme rona re tla baka Jah+Go tloga jaanong go ya bosakhutleng.+Bakang Jah!+

Dintlha Tse di Kwa Tlase