Pesalema 102:1-28

Thapelo ya yo o bogisiwang fa a ka koafala a bo a tshololela matshwenyego a gagwe fa pele ga ga Jehofa.+ 102  Ao tlhe Jehofa, a ko o utlwe thapelo+ ya me;Mme e kete go goa ga me ke kopa thuso go ka tla kwa go wena.+   O se ka wa mphitlhela sefatlhego mo letsatsing la fa ke le mo mathateng a magolo.+Sekegela tsebe ya gago kwa go nna;+Mo letsatsing le ke bitsang ka lone, itlhaganele, o nkarabe.+   Gonne malatsi a me a khutlile fela jaaka mosi,+Le marapo a me a goteditswe gore a nne mahibidu fela jaaka leiso.+   Pelo ya me e iteilwe fela jaaka dimela e bile e omeletse,+Gonne ke lebetse go ja dijo tsa me.+   Ka ntlha ya modumo wa go fegelwa ga me+Marapo a me a ngaparetse nama ya me.+   Ke tshwana le kukara ya naga.+Ke setse ke tshwana le morubisinyana wa mafelo a a kgakgabetseng.   Ke bopame,Mme ke setse ke tshwana le nonyane e e itlhaotseng e le nosi mo godimo ga borulelo.+   Baba ba me ba nkgobile letsatsi lotlhe.+Ba ba ntirang seeleele ba ikanne ka nna.+   Gonne ke jele melora fela jaaka senkgwe;+Mme dilo tse ke di nwang ke di tlhakantse le selelo,+ 10  Ka ntlha ya katlholo ya ga-go le kgakalo ya gago;+Gonne o ntsholeditse, go-re o tle o ntatlhe.+ 11  Malatsi a me a tshwana le moriti o o fedileng,+Mme ke omeletse jaaka dimela fela.+ 12  Fa e le wena Jehofa, o tla nna ka bosakhutleng,+Le segopotso sa gago e tla nna sa kokomana morago ga kokomana.+ 13  Wena ka bowena o tla tsoga, o tla utlwela Siona botlhoko,+Gonne ke paka ya go nna pelonomi mo go ene,Gonne nako e e tlhomilweng e gorogile.+ 14  Gonne batlhanka ba gago ba ipeletse maje a gagwe,+Mme ba utlwela lorole lwa gagwe botlhoko.+ 15  Mme ditšhaba di tla boifa leina la ga Jehofa,+Le dikgosi tsotlhe tsa lefatshe kgalalelo ya gago.+ 16  Gonne ruri Jehofa o tla aga Siona;+O tla bonala mo kgalalelong ya gagwe.+ 17  Ruri o tla retologela mo thapelong ya ba ba amogilweng sengwe le sengwe,+Mme a sa nyatse thapelo ya bone.+ 18  Seno se kwaletswe kokomana ya isagwe;+Mme setšhaba se se tla bopiwang se tla baka Jah.+ 19  Gonne o lebile kwa tlase go tswa kwa bogodimong jwa gagwe jo bo boitshepo,+Jehofa o lebile lefatshe a le kwa magodimong,+ 20  Gore a utlwe go fegelwa ga legolegwa,+Gore a bofolole ba ba beetsweng loso;+ 21  Gore leina la ga Jehofa le bolelwe mo Siona+Le pako ya gagwe mo Jerusalema,+ 22  Fa ditšhaba di phuthegile tsotlhe mmogo,+Le magosi gore a direle Jehofa.+ 23  O ne a bogisa maatla a me mo tseleng,+O ne a khutshwafatsa malatsi a me.+ 24  Ke ne ka re: “Ao tlhe Modimo wa me,O se ka wa ntlosa ke le mo sephatlong sa malatsi a me;+Dingwaga tsa gago di ralala dikokomana tsotlhe.+ 25  O ne wa thaya metheo ya lefatshe ka bolone bogologolo,+Mme magodimo ke tiro ya diatla tsa gago.+ 26  Tsone ka botsone di tla nyelela, mme wena ka bowena o tla nna o eme;+Mme di tla onala+ tsotlhe fela jaaka seaparo.O tla di emisetsa fela jaaka diaparo, mme di tla fetsa lobaka lwa tsone.+ 27  Mme wena o ntse o tshwana fela, le dingwaga tsa gago ga di kitla di wediwa.+ 28  Barwa ba batlhanka ba gago ba tla tswelela pele ba nna;+Mme bana ba bone ba tla tlhomamisiwa ka thata fa pele ga gago.”+

Dintlha Tse di Kwa Tlase