Dipalo 19:1-22

19  Mme Jehofa a bua le Moshe le Arone a re:  “Ono ke molao o Jehofa a o laoletseng, a re, ‘Bua le bomorwa Iseraele gore ba go tseele kgomo e khunou e e itekanetseng sentle e go se nang bogole+ bope mo go yone le e go sa bewang jokwe epe mo go yone.+  Mme o e neye moperesiti Eliasare, mme a e ise kwa ntle ga bothibelelo, mme e tlhabiwe fa pele ga gagwe.  Foo moperesiti Eliasare a tseye mangwe a madi a yone ka monwana a bo a kgatšha mangwe a madi a yone go ela fela kwa pele ga mogope wa bokopanelo makgetlo a le supa.+  Mme kgomo e fisiwe fa pele ga matlho a gagwe. Letlalo la yone le nama ya yone le madi a yone mmogo le boloko jwa yone di fisiwe.+  Mme moperesiti a tseye logong lwa mosedara+ le mosiama+ le letsela le le bohibidu jo bo letlhololo+ jwa khokhase a di latlhele mo gare ga kgomo e e tukang.  Mme moperesiti a tlhatswe diaparo tsa gagwe a bo a tlhape nama ya gagwe mo metsing, morago ga moo a ka nna a tsena mo bothibelelong; mme moperesiti a itshekologe go fitlha maitseboa.  “‘Yo o e fisitseng a tlhatswe diaparo tsa gagwe mo metsing a bo a tlhape nama ya gagwe mo metsing,+ mme a itshekologe go fitlha maitseboa.  “‘Motho yo o itshekileng a kokoanye melora+ ya kgomo a e beye kwa ntle ga bothibelelo kwa lefelong le le phepa; mme e nne selo se se tla bolokelwang metsi a a phepafatsang+ mo phuthegong ya bomorwa Iseraele. Ke tshupelo ya boleo. 10  Mme yo o kokoanyang melora ya kgomo a tlhatswe diaparo tsa gagwe a bo a itshekologe go fitlha maitseboa.+ “‘Mme e nne molao ka bosakhutleng mo go bomorwa Iseraele le moagi wa moeng yo o agileng e le moeng mo gare ga bone.+ 11  Ope yo o amang setopo sa moya ope wa motho+ le ene a itshekologe malatsi a le supa.+ 12  Motho yoo a iitshekise ka yone mo letsatsing la boraro,+ mme mo letsatsing la bosupa o tla itsheka. Mme fa a sa iitshekise mo letsatsing la boraro, foo o tla bo a sa itsheka mo letsatsing la bosupa. 13  Mongwe le mongwe yo o amang setopo, moya wa le fa e le motho ofe yo o ka swang, e bile a se kitla a iitshekisa, o leswafaditse motlaagana wa ga Jehofa,+ mme moya oo o kgaolwe mo Iseraele.+ Ka gonne a sa kgatšhiwa ka metsi a a phepafatsang,+ o tswelela a itshekologile. Boitshekologo jwa gagwe bo sa ntse bo le mo go ene.+ 14  “‘Ono ke molao wa fa go direga gore motho a swele mo mogopeng: Mongwe le mongwe yo o tsenang mo mogopeng, le mongwe le mongwe yo o mo mogopeng, o tla itshekologa malatsi a le supa. 15  Mme sejana sengwe le sengwe se se butsweng+ se se se nang sekhurumelo se se bofeletsweng mo go sone se itshekologile. 16  Mme mongwe le mongwe yo o ka amang mongwe yo o bolailweng setlhogo ka tšhaka+ mo nageng e e bulegileng kgotsa setopo kgotsa lerapo+ la motho kgotsa lefelo la go fitlhela o tla itshekologa malatsi a le supa. 17  Mme ba tseele yo o itshekologileng longwe lwa lorole lwa go tuka ga tshupelo ya boleo ba bo ba lo tshela metsi a a phepa mo sejaneng. 18  Foo monna yo o itshekileng+ a tseye mosiama+ a o ine mo metsing a bo a kgatšha mogope ka one le dijana tsotlhe le meya e e neng e le gone moo le yo o neng a ama lerapo kgotsa yo o bolailweng setlhogo kgotsa setopo kgotsa lefelo la go fitlhela. 19  Yo o itshekileng a a kgatšhe mo go yo o itshekologileng mo letsatsing la boraro le mo letsatsing la bosupa mme a mo itshekise mo boleong mo letsatsing la bosupa;+ mme a tlhatswe diaparo tsa gagwe a tlhape mo metsing, mme a itsheke mo maitseboeng. 20  “‘Mme motho yo o ka tswang a itshekologile le yo o se kitlang a iitshekisa, moya oo o kgaolwe+ mo gare ga phuthego, ka gonne o leswafaditse lefelo le le boitshepo la ga Jehofa. O ne a sa kgatšhiwa ka metsi a a ntlafatsang. O itshekologile. 21  “‘Mme e nne molao ka bosakhutleng mo go bone, gore yo o kgatšhang metsi a a ntlafatsang a tlhatswe diaparo tsa gagwe,+ le yo o amang metsi a a ntlafatsang. O tla itshekologa go fitlha maitseboa. 22  Mme sepe fela se yo o itshekologileng a ka se amang se tla itshekologa,+ le moya o o se amang o tla itshekologa go fitlha maitseboa.’”+

Dintlha Tse di Kwa Tlase