Diane 29:1-27
29 Motho yo o kgalemelwang kgapetsa+ mme a thatafatsa thamo+ ya gagwe o tla robega ka tshoganyetso, mme ga a na go fola.+
2 Fa basiami ba ntsifala, batho ba a ipela;+ mme fa ope yo o boikepo a busa, batho ba a fegelwa.+
3 Motho yo o ratang botlhale o ipedisa rraagwe,+ mme yo o nnang molekane le diaka o senya dilo tse di tlhwatlhwakgolo.+
4 Ka tshiamiso, kgosi e dira gore lefatshe le nne le ntse le eme,+ mme motho yo o batlang pipamolomo o a le rutlolola.+
5 Motho yo o nonofileng yo o dirisang puo e e borethe mo molekaneng wa gagwe+ o tsharololela dikgato tsa gagwe letlowa.+
6 Go na le seru mo tlolong ya motho yo o bosula,+ mme yo o siameng o goa ka boipelo e bile o itumetse.+
7 Mosiami o itse kopo e e kafa molaong ya batho ba maemo a a kwa tlase.+ Yo o boikepo ga a akanyetse kitso eo.+
8 Batho ba puo ya boipelafatso ba fisa motse,+ mme ba ba botlhale ba busetsa bogale kwa morago.+
9 Motho yo o botlhale yo o tseneng mo katlholong le motho yo o seeleele—o itumetse e bile o tshegile, mme ga go na boikhutso.+
10 Batho ba ba nyoretsweng madi ba tlhoa ope fela yo o se nang molato;+ mme fa e le bathokgami bone, ba nna ba senka moya wa mongwe le mongwe.+
11 Sematla se ntsha moya wa sone otlhe, mme yo o botlhale o o boloka o ritibetse go fitlha kwa bofelong.+
12 Kwa mmusi a tlhwaelang tsebe puo ya maaka teng, botlhe ba ba mo direlang ba tla nna boikepo.+
13 Motho yo o humanegileng le motho wa dikgatelelo ba kopane;+ mme Jehofa o bonesa matlho a bone boobabedi.+
14 Kwa kgosi e atlholang batho ba maemo a a kwa tlase ka boammaaruri teng,+ setulo sa yone sa bogosi se tla tlhomamisiwa thata ka bosakhutleng.+
15 Thupa le kgalemelo di naya botlhale;+ mme mosimane yo o tlogelelwang fela o tla tlhabisa mmaagwe ditlhong.+
16 Fa baikepi ba ntsifala, tlolo e a tota; mme ba ba siameng ba tla leba go wa ga bone.+
17 Kgwathisa morwao mme o tla go naya boikhutso a bo a ipedise moya wa gago thata.+
18 Kwa go se nang ponatshegelo teng batho ga ba ithibe,+ mme go itumela ba ba bolokang molao.+
19 Motlhanka ga a na go itetla go siamisiwa ka mafoko fela,+ gonne o a tlhaloganya mme ga a tseye tsia.+
20 A o bone motho yo o potlakang ka mafoko a gagwe?+ Go na le tsholofelo ka sematla go na le ka ene.+
21 Fa motho a tlekeetsa motlhanka wa gagwe go simolola mo bosheng go ya pele, moragonyana mo botshelong jwa gagwe o tla nna yo o sa lebogeng.
22 Motho yo o bogale o tsosa manganga,+ mme ope yo o sekametseng mo tšararegong o na le ditlolo tse dintsi.+
23 Mabela a motho wa mo lefatsheng a tla mo kokobetsa,+ mme yo o ikokobeditseng mo moyeng o tla bona kgalalelo.+
24 Yo e leng molekane le legodu o tlhoile moya wa gagwe.+ O ka nna a utlwa ikano e e akaretsang phutso, mme a sa bege sepe.+
25 Go boifa batho ke gone mo go bayang seru,+ mme yo o ikanyang Jehofa o tla sirelediwa.+
26 Ba ba senkang sefatlhego sa mmusi ba bantsi,+ mme katlholo ya motho e tswa kwa go Jehofa.+
27 Motho yo o se nang tshiamiso ke selo se se makgapha mo basiaming,+ mme yo o thokgameng mo tseleng ya gagwe ke selo se se makgapha mo moikeping.+
