Diane 22:1-29

22  Go tshwanetse ga tlhophiwa leina go na le dikhumo tse dintsi;+ go amogelwa go botoka go na le selefera le gouta.+  Mohumi le mohumanegi ba kopane.+ Modiri wa bone botlhe ke Jehofa.+  Yo o botlhale ke yo o boneng masetlapelo a bo a iphitlha,+ ba ba se nang maitemogelo ba fetile mme ba tla boga matswela a a botlhoko.+  Diphelelo tsa boikokobetso le go boifa Jehofa ke dikhumo le kgalalelo le botshelo.+  Mitlwa le dirai di mo tseleng ya yo o sokameng;+ yo o disang moya wa gagwe o nna kgakala le tsone.+  Thapisa mosimane ka tsela e e mo tshwanetseng;+ le fa a tsofala ga a na go e fapoga.+  Mohumi ke yo o busang bahumanegi,+ mme moadingwa ke motlhanka wa motho yo o mo adimang.+  Yo o jalang tshiamololo o tla roba se se utlwisang botlhoko,+ mme thobane ya tšhakgalo ya gagwe e tla khutla.+  Yo o leitlho le pelonomi o tla segofadiwa, gonne o neile motho wa maemo a a kwa tlase dijo tsa gagwe.+ 10  Leleka mosotli, gore manganga a fele le gore ntwa e e kafa molaong le tlontlologo di khutle.+ 11  Yo o ratang pelo e e itshekileng+—kgosi e tla nna molekane wa gagwe ka ntlha ya dipounama tsa gagwe tse di bontle bo gogelang.+ 12  Matlho a ga Jehofa a dibetse kitso,+ mme o phetsola mafoko a leferefere.+ 13  Setshwakga se rile:+ “Go na le tau kwa ntle!+ Ke tla bolaelwa mo gare ga dipatlelo!” 14  Molomo wa basadi ba sele ke kgatampi e e boteng.+ Yo o atlhotsweng ke Jehofa o tla wela mo go yone.+ 15  Boeleele bo bofeletswe mo pelong ya mosimane;+ thupa ya kotlhao ke yone e e tla bo tlosetsang kgakala le ene.+ 16  Yo o tsietsang motho wa maemo a a kwa tlase gore a iphe dilo tse dintsi,+ le yo o nayang mohumi, ruri o tla tlhoka.+ 17  Sekega tsebe ya gago mme o utlwe mafoko a ba ba botlhale,+ gore o tle o tlhome pelo ya gago mo kitsong ya me.+ 18  Gonne go molemo gore o a boloke mo mpeng ya gago,+ gore a tle a tlhomamisiwe otlhe ka thata mo dipounameng tsa gago.+ 19  Ke go neile kitso gompieno, gore tshepo ya gago e tle e nne mo go Jehofa.+ 20  A ga ke a go kwalela mo nakong e e fetileng ka dikgakololo le kitso,+ 21  go go bontsha boammaaruri jwa mafoko a a boammaaruri, gore o busetse mafoko a a boammaaruri—kwa go yo o go romang?+ 22  O se ka wa thukutha motho wa maemo a a kwa tlase ka gonne e le wa maemo a a kwa tlase,+ e bile o se ka wa gatelela yo o bogisiwang kwa kgorong.+ 23  Gonne Jehofa ka boene o tla seka kgang ya bone,+ mme ruri o tla thukutha moya wa bao ba ba thukuthang.+ 24  O se ka wa nna molekane le ope yo o tlwaetseng go nna bogale;+ mme o se ka wa ikopanya le motho yo o shakgalang thata, 25  gore o se ka wa tlwaelana le ditselana tsa gagwe mme ruri wa tseela moya wa gago seru.+ 26  O se ka wa nna mo gare ga ba ba opanyang diatla,+ mo gare ga ba ba nnang baemedi ba dikadimo.+ 27  Fa o se na sepe se o ka duelang ka sone, ke ka ntlha yang fa a tshwanetse go tsaya bolao jwa gago kafa tlase ga gago? 28  O se ka wa busetsa morago molelwane wa bogologolo o borragomogologolwane ba o dirileng.+ 29  A o bone motho yo o setswerere mo tirong ya gagwe? O tla ema fa pele ga dikgosi;+ ga a na go ema fa pele ga batho fela.

Dintlha Tse di Kwa Tlase