Daniele 12:1-13

12  “Mme mo nakong eo Mikaele+ o tla ema, kgosana e kgolo+ e e emelang+ bomorwa batho ba gaeno.+ Mme ruri go tla nna le nako ya matshwenyego e e tshwanang le e go iseng go ko go dirwe gore e nne teng fa e sa le go nna le setšhaba go fitlha ka nako eo.+ Mme mo nakong eo batho ba gaeno ba tla falola,+ mongwe le mongwe yo o fitlhelwang a kwadilwe mo bukeng.+  Mme go tla bo go na le ba le bantsi mo go ba ba robetseng mo loroleng lwa mmu ba ba tla tsogang,+ bano ba tsogela botshelong jo bo nnang ka bosakhutleng+ mme bale ba tsogela dikgobong le kilong e e nnang ka bosakhutleng.+  “Mme ba ba nang le temogo ba tla phatsima jaaka phatsimo ya phuthologo;+ mme ba ba tlisang bontsi kwa tshiamong,+ jaaka dinaledi ka bosakhutleng, le eleng ka bosaengkae.  “Mme fa e le wena, Daniele, dira mafoko ano sephiri mme o kanele buka,+ go fitlha motlha wa bokhutlo.+ Ba bantsi ba tla ya kwa le kwa, mme kitso ya boammaaruri e tla nna ntsi.”+  Mme ka leba, nna Daniele, mme bona! go ne go na le ba bangwe ba babedi ba eme,+ yo mongwe mo lotshitshing lwa molatswana fano mme yo mongwe mo lotshitshing lwa molatswana fale.+  Foo yo mongwe a raya monna yo o neng a apere leloba,+ yo o neng a le kwa godimo ga metsi a molatswana a re: “E tla nna lobaka lo lo kae go ya bokhutlong jwa dilo tse di gakgamatsang tseno?”+  Mme ka simolola go utlwa monna yo o apereng leloba, yo o neng a le kwa godimo ga metsi a molatswana, jaaka a ne a tsholeletsa seatla sa gagwe sa moja le seatla sa gagwe sa molema kwa magodimong mme a ikana+ ka Yo o tshelang ka bosakhutleng+ a re: “E tla nna ka motlha o o tlhomilweng, metlha e e tlhomilweng le sephatlo.+ E tla re fela fa go feditswe go phatlakanya maatla a batho ba ba boitshepo,+ dilo tseno tsotlhe di tla fela.”  Jaanong fa e le nna, ke ne ka utlwa, mme ga ke a ka ka tlhaloganya;+ mo ke neng ka re: “Ao tlhe morena wa me, bokhutlo jwa dilo tseno+ e tla nna eng?”  Mme a re: “Tsamaya, Daniele, ka gonne mafoko ano a dirilwe sephiri e bile a kannwe go fitlha mo motlheng wa bokhutlo.+ 10  Ba le bantsi ba tla intlafatsa+ le go itshweufatsa+ mme ba tla itshekisiwa.+ Mme ba ba boikepo ruri ba tla dira ka boikepo,+ mme ga go na bape gotlhelele ba ba boikepo ba ba tla tlhaloganyang;+ mme ba ba nang le temogo ba tla tlhaloganya.+ 11  “Mme go simolola ka nako e setlhabelo sa ka metlha+ se tla bong se tlositswe+ ka yone mme go beilwe selo se se ferosang sebete+ se se bakang kgakgabalo, e tla bo e le malatsi a le sekete le makgolo a mabedi le masome a le robongwe. 12  “Go itumela+ yo o nnang a lebeletse le yo o gorogang kwa malatsing a le sekete le makgolo a mararo le masome a mararo le botlhano! 13  “Mme fa e le wena, tsamaela kwa bokhutlong;+ mme o tla ikhutsa,+ mme o tla emela kabelo ya gago ka dinao kwa bokhutlong jwa metlha.”+

Dintlha Tse di Kwa Tlase