Bakolosa 1:1-29

1  Paulo, moaposetoloi wa ga Keresete Jesu ka thato+ ya Modimo, le Timotheo+ mokaulengwe wa rona  ke kwalela baitshepi le bakaulengwe ba ba ikanyegang ba ba seoposengwe+ le Keresete kwa Kolosa: E kete lo ka nna le bopelonomi jo bo sa re tshwanelang le kagiso go tswa kwa Modimong Rraarona.+  Re leboga+ Modimo Rra Morena wa rona Jesu Keresete ka metlha fa re lo rapelela,+  e re ka re ne ra utlwalela ka tumelo ya lona ka ga Keresete Jesu le lorato lo lo ratang baitshepi+ botlhe ka lone  ka ntlha ya tsholofelo+ e lo e beetsweng kwa magodimong. Lo ne lwa utlwalela ka tsholofelo eno pele fa go ne go bolelwa boammaaruri jwa dikgang tse di molemo+ tseo  tse di itlhagisitseng kwa go lona, fela jaaka di ungwa maungo+ e bile di oketsega+ mo lefatsheng+ lotlhe le jaaka gape di dira mo go lona, go tloga ka letsatsi le lo neng lwa utlwa ka lone lwa ba lwa itse sentle bopelonomi jo bo sa re tshwanelang+ jwa Modimo ka boammaaruri.  Seo ke se lo se ithutileng mo go Epaforase+ motlhankammogo le rona yo o rategang, yo e leng modiredi yo o ikanyegang wa ga Keresete mo boemong jwa rona,  yo gape a re lotlegetseng lorato lwa lona ka tsela ya semoya.  Gape ke gone ka moo rona, go tloga ka letsatsi le re neng ra utlwalela ka lone, re sa kgaotsang go lo rapelela+ le go kopa gore lo tladiwe ka kitso ya boammaaruri+ ya thato ya gagwe ka botlhale+ jotlhe le go tlhaloganya ga semoya,+ 10  gore lo tsamaye kafa go tshwanetseng+ Jehofa+ gore lo mo itumedise ka botlalo jaaka lo tswelela lo ungwa maungo mo tirong nngwe le nngwe e e molemo+ e bile lo oketsega mo kitsong e e boammaaruri+ kaga Modimo, 11  lo dirwa maatla ka maatla otlhe mo lo bileng lo na le thata+ ya gagwe e e galalelang gore lo itshoke+ ka botlalo le gore lo itshware ka bopelotelele ka boipelo, 12  lo leboga Rara yo o dirileng gore lo tshwanelege go nna le seabe mo bosweng+ jwa baitshepi+ mo leseding.+ 13  O ne a re golola mo taolong+ ya lefifi a ba a re fetisetsa+ mo bogosing+ jwa Morwa wa lorato+ lwa gagwe, 14  yo re gololwang ka ene ka thekololo, e leng boitshwarelo jwa maleo+ a rona. 15  Ke setshwano+ sa Modimo yo o sa bonaleng,+ leitibolo+ la popo yotlhe; 16  ka gonne dilo tsotlhe tse dingwe di ne tsa bopiwa ka ene+ kwa magodimong le mo lefatsheng, dilo tse di bonalang le dilo tse di sa bonaleng, go sa kgathalesege gore a e ka ne e le ditulo tsa bogosi kgotsa barena kgotsa dipuso kgotsa ditaolo.+ Dilo tsotlhe tse dingwe di bopilwe ka ene+ e bile di bopetswe ene. 17  Gape, o nnile gone pele ga dilo+ tsotlhe tse dingwe mme dilo tsotlhe tse dingwe di ne tsa dirwa ka ene gore di nne gone,+ 18  e bile ke tlhogo ya mmele, e leng phuthego.+ Ke tshimologo, leitibolo le le tswang mo baswing,+ gore a nne yo e leng wa ntlha+ mo dilong tsotlhe; 19  ka gonne Modimo o ne a bona go le molemo gore botlalo+ jotlhe bo nne mo go ene, 20  le go letlanyetsa+ gape dilo tsotlhe+ tse dingwe ka ene ka go dira kagiso+ ka madi+ ao a a tsholotseng mo koteng ya tlhokofatso,+ go sa kgathalesege gore a e ka ne e le dilo tse di mo lefatsheng kgotsa dilo tse di kwa magodimong. 21  Eleruri, lona ba lo kileng lwa bo lo fapogile+ e bile lo le baba ka gonne megopolo ya lona e ne e le mo ditirong tse e neng e le tse di boikepo,+ 22  jaanong gape o lo letlantse+ ka mmele wa senama wa ga yoo ka loso+ lwa gagwe, gore a lo tlise lo le boitshepo e bile lo se na molato+ e bile lo se na go ka latofadiwa+ ka sepe fa pele ga gagwe, 23  fa fela e le gore lo tswelela mo tumelong,+ lo tlhomilwe mo motheong+ e bile lo nitame+ mme lo sa sutisiwe mo tsholofelong ya dikgang tse di molemo tseo tse lo neng lwa di utlwa,+ le tse di neng tsa rerwa+ mo popong+ yotlhe e e kafa tlase ga legodimo. Nna Paulo ke ne ka nna modiredi+ wa dikgang tse di molemo tseno. 24  Jaanong ke ipela mo dipogong tsa me tse ke di bogang ka ntlha ya lona,+ mme nna, mo lobakeng lwa me, ke tlatsa se se tlhaelang sa dipitlagano+ tsa ga Keresete mo nameng ya me mo boemong jwa mmele wa gagwe, o e leng phuthego.+ 25  Ke ne ka nna modiredi+ wa phuthego eno tumalanong le tiro ya bolebedi+ e e tswang kwa Modimong e ke neng ka e newa gore lo solegelwe molemo ya go rera lefoko la Modimo ka botlalo, 26  e leng sephiri se se boitshepo+ se se neng se fitlhilwe go tswa ditsamaisong tse di fetileng tsa dilo+ le go tswa dikokomaneng tse di fetileng. Mme jaanong se bonaditswe+ mo baitsheping ba gagwe, 27  ba Modimo o itumeletseng go ba itsise se e leng dikhumo tse di galalelang+ tsa sephiri seno se se boitshepo+ mo ditšhabeng. Ke Keresete+ yo o seoposengwe le lona, tsholofelo ya kgalalelo+ ya gagwe. 28  Ke ene yo re mo itsiseng phatlalatsa,+ re tlhagisa motho mongwe le mongwe e bile re ruta motho mongwe le mongwe ka botlhale+ jotlhe, gore re tle re ise motho mongwe le mongwe a feletse+ a le seoposengwe le Keresete. 29  Eleruri ke dira ka natla gore ke dire seno, ke iteka+ tumalanong le go dira+ ga gagwe e bile e le mo go dirang mo go nna ka maatla.+

Dintlha Tse di Kwa Tlase