Baatlhodi 12:1-15

12  Foo banna ba Eferaime ba phuthiwa mmogo mme ba kgabaganyetsa ntlheng ya bokone mme ba raya Jefetha ba re: “Ke ka ntlha yang fa o ne o kgabaganya go ya go tlhabana le bomorwa Amona, mme rona wa se ka wa re bitsa gore re tsamaye le wena?+ Re tla fisa ntlo ya gago ka molelo+ mo godimo ga gago.”  Mme Jefetha a ba raya a re: “Ke ne ka nna moganetsi yo o kgethegileng wa bomorwa Amona,+ nna le batho ba me. Mme ka ikuela kwa go lona gore lo nthuse, mme ga lo a ka lwa mpoloka mo seatleng sa bone.  E rile ke bona gore lo ne lo se mmoloki, foo ka ikemisetsa go tsenya moya wa me mo seatleng sa me+ ke bo ke ya go tlhasela bomorwa Amona.+ Foo Jehofa o ne a ba tsenya mo seatleng sa me. Jaanong ke ka ntlha yang fa lo tlhatlogetse kwa go nna mo letsatsing leno go tlhabana le nna?”  Jefetha a akofa a phutha banna botlhe ba Gileade mmogo+ mme a tlhabana le Eferaime; mme banna ba Gileade ba kgemetha Eferaime, ka gonne ba ne ba rile: “Lo banna ba ba falotseng mo Eferaime, wena Gileade, mo teng ga Eferaime le mo teng ga Manase.”  Gileade a thopa matsibogo a Joredane+ kwa pele ga Eferaime; mme go ne ga diragala gore fa banna ba ba falolang ba Eferaime ba ne ba re: “Mmang ke kgabaganye,” foo banna ba Gileade ba reye mongwe le mongwe ba re: “A o Moeferaime?” Fa a ne a re: “Nnyaa!”  foo ba mo reye ba re: “Tsweetswee e re Shibolethe.”+ Mme ene a re: “Sibolethe,” ka gonne a ne a sa kgone go bitsa lefoko leno sentle. Mme ba ne ba mo tshwara ba bo ba mmolaya fa matsibogong a Joredane. Ka jalo ka nako eo ga wa ba le dikete di le masome a manè le bobedi ba ba tswang mo Eferaime.+  Mme Jefetha a tswelela go atlhola Iseraele dingwaga di le thataro, mme morago ga moo Jefetha wa Mogileade a swa mme a fitlhwa mo motseng wa gagwe kwa Gileade.  Mme Ibesane yo o tswang kwa Bethelehema a simolola go atlhola Iseraele morago ga gagwe.+  Mme a nna le bana ba basimane ba le masome a mararo le bana ba basetsana ba le masome a mararo. O ne a romela kwa ntle mme a tlisetsa bomorwawe bana ba basetsana ba le masome a mararo go tswa kwa ntle. Mme a tswelela go atlhola Iseraele dingwaga di le supa. 10  Foo Ibesane a swa mme a fitlhwa kwa Bethelehema. 11  Morago ga gagwe Elone wa Mosebulone+ a simolola go atlhola Iseraele. Mme a tswelela go atlhola Iseraele dingwaga di le lesome. 12  Mme Elone wa Mosebulone a swa a ba a fitlhwa kwa Aijalona mo lefatsheng la Sebulone. 13  Morago ga gagwe, Abedona morwa Hilele wa Mopirathone+ a simolola go atlhola Iseraele. 14  A nna le bana ba basimane ba le masome a manè le ditlogolwana tsa basimane di le masome a mararo ba ba neng ba palama diesele tse di godileng sentle+ di le masome a supa. Mme a tswelela go atlhola Iseraele dingwaga di le robedi. 15  Foo Abedona morwa Hilele wa Mopirathone a swa mme a fitlhwa kwa Pirathone mo lefatsheng la Eferaime mo thabeng ya Moamaleke.+

Dintlha Tse di Kwa Tlase