Baatlhodi 1:1-36

1  Mme ga diragala ya re morago ga loso lwa ga Joshua, bomorwa Iseraele ba botsa+ Jehofa, ba re: “Ke mang mo go rona yo o tla nnang wa ntlha go tlhatloga a ya go tlhabana le Bakanana?”  Foo Jehofa a re: “Juda o tla tlhatloga.+ Bonang! Ruri ke tla tsenya lefatshe leo mo seatleng sa gagwe.”  Foo Juda a raya Simeone morwarraagwe a re: “Tlhatlogela le nna kwa nageng e ke e laoletsweng mme re tlhabane le Bakanana, mme le nna ke tla ya le wena kwa nageng e o e laoletsweng.” Ka jalo Simeone a tsamaya le ene.+  Foo Juda a tlhatloga mme Jehofa a tsenya Bakanana le Baperise mo diatleng tsa bone,+ mme ba ba fenya kwa Beseke, banna ba le dikete di le lesome.  E rile ba fitlhela Adoni-beseke kwa Beseke, foo ba tlhabana le ene mme ba fenya Bakanana+ le Baperise.+  E rile Adoni-beseke a tshaba, ba mo lelekisa ba bo ba mo tshwara mme ba kgaola menwana ya kgonotswe ya diatla tsa gagwe le menwana e metona ya dinao tsa gagwe.  Morago ga moo Adoni-beseke a re: “Go ntse go na le dikgosi di le masome a supa tse di kgaotsweng menwana ya kgonotswe ya diatla le menwana e metona ya dinao tse di selang dijo kafa tlase ga tafole ya me. Modimo o ntuetse+ fela jaaka ke dirile.” Morago ga moo ba mo tlisa mo Jerusalema mme a swela gone.  Mo godimo ga moo, bomorwa Juda ba tswelela pele ba lwa le Jerusalema+ ba bo ba e thopa, mme ba e kgemetha ka bogale jwa tšhaka, le motse ba o tshuba ka molelo.  Mme morago ga moo bomorwa Juda ba fologa ba ya go tlhabana le Bakanana ba ba nnang mo kgaolong e e dithaba le mo Negebe+ le mo Shefela.+ 10  Ka jalo Juda a gwantela Bakanana ba ba neng ba nna mo Heberone (leina la Heberone pele ga moo e ne e le Kiriathe-areba), mme ba kgemetha Sheshai le Ahimane le Talemai. 11  Mme go tloga foo ba tswelela ba gwantela banni ba Debira. (Leina la Debira pele ga moo e ne e le Kiriathe-sefere.) 12  Mme Kalebe+ a re: “Le fa e le mang yo o tla kgemethang Kiriathe-sefere a ba a e thopa, ke tla mo naya Akesa+ morwadiake go nna mosadi wa gagwe.” 13  Mme Otheniele+ morwa Kenase,+ morwarraagwe Kalebe yo mmotlana,+ a e thopa. Ka ntlha ya seo a mo naya Akesa morwadie go nna mosadi wa gagwe.+ 14  Mme ga diragala gore fa Akesa a ya gae, a nna a mo tlhotlheletsa gore a kope tshimo mo go rraagwe. Mme a opa diatla a ntse a le mo godimo ga esele. Foo Kalebe a mo raya a re: “O batla eng?” 15  Jalo a mo raya a re: “A ko o nneye tshegofatso, o nneile sebata sa lefatshe se se kafa borwa, nnaya Gulothe-maime.” Ka jalo Kalebe a mo naya Gulotha o o kwa Godimo le Gulotha o o kwa Tlase. 16  Mme bomorwa Mokene,+ yo Moshe e neng e le mogwe wa gagwe,+ ba tlhatloga ba tswa mo motseng wa ditlhare tsa mokolane+ ba na le bomorwa Juda ba ya kwa nageng ya Juda, e e ntlheng ya borwa jwa Arada.+ Mme ba ya go nna le batho+ ba teng. 17  Juda a tswelela go gwanta le Simeone morwarraagwe, mme ba kgemetha Bakanana ba ba neng ba nna kwa Sefathe ba bo ba e senya.+ Ka gone leina la motse oo la bidiwa Horema.+ 18  Morago ga moo Juda a thopa Gasa+ le karolo ya yone ya naga le Ashekelona+ le karolo ya yone ya naga le Ekerone le karolo ya yone ya naga. 19  Jehofa a tswelela a na le Juda, mo a neng a gapa kgaolo e e dithaba, mme o ne a sa kgone go gapela banni ba kwa lebaleng le le kwa tlase thuo ya bone, ka gonne ba ne ba na le dikara tsa ntwa+ tse di tlhometsweng disekele tsa tshipi. 20  E rile ba naya Kalebe Heberone, fela jaaka Moshe a ne a solofeditse,+ a leleka bomorwa Anake+ ba bararo go tswa koo. 21  Mme bomorwa Benjamine ba se ka ba leleka Bajebuse ba ba nnang mo Jerusalema;+ go na le moo Bajebuse ba ntse ba nna le bomorwa Benjamine kwa Jerusalema go tla go fitlha mo letsatsing leno.+ 22  Go ntse go ntse jalo, ba ntlo ya ga Josefa ka boyone le bone ba bololela Bethele,+ mme Jehofa a bo a na le bone.+ 23  Mme ba ntlo ya ga Josefa ba simolola go tlhola+ Bethele (ga diragala gore, leina la motse oo pele ga moo e bo e le Luse),+ 24  mme balebeledi ba bona monna mongwe a tswa mo motseng. Jalo ba mo raya ba re: “Tsweetswee, re bontshe tsela ya go tsena mo motseng, mme ruri re tla go direla bopelonomi.”+ 25  Ka jalo monna yono a ba bontsha tsela ya go tsena mo motseng; mme ba kgemetha motse ka bogale jwa tšhaka, ba bo ba lesa monna yono a tsamaya le lelapa lotlhe la gagwe.+ 26  Foo monna yono a ya kwa lefatsheng la Bahite+ mme a aga motse a o raya leina a re Luse. Leo ke leina la one go tla go fitlha mo letsatsing leno. 27  Mme Manase o ne a se ka a gapa Bethe-sheane le metse e e kafa tlase ga gagwe le Taanake+ le metse e e kafa tlase ga gagwe, le banni ba Dora le metse e e kafa tlase ga gagwe le banni ba Ibeleame+ le metse e e kafa tlase ga gagwe le banni ba Megido+ le metse e e kafa tlase ga gagwe, mme Bakanana ba tswelela ba nna mo lefatsheng leno.+ 28  Mme go ne ga diragala gore Iseraele a nonofe+ a bo a patelela Bakanana go dira tiro e e boima,+ mme ba ne ba se ka ba ba leleka gotlhelele.+ 29  Le fa e le Eferaime ga a ka a leleka Bakanana ba ba neng ba nna mo Gesere, go na le moo Bakanana ba ne ba tswelela ba nna mo gare ga bone mo Gesere.+ 30  Sebulone ga a ka a leleka banni ba Kiterone le banni ba Nahalole, go na le moo Bakanana ba ne ba tswelela ba nna mo gare ga bone+ mme ba patelediwa go dira tiro e e boima.+ 31  Ashera ga a ka a leleka banni ba Ako le banni ba Sidona le Ahelabe le Akesibe le Heleba le Afike le Rehobe. 32  Mme Baashera ba ne ba tswelela ba nna mo gare ga Bakanana ba ba nnang mo lefatsheng leo, ka gonne ba ne ba sa ba leleka.+ 33  Nafetali ga a ka a leleka banni ba Bethe-shemeshe le banni ba Bethe-anathe, go na le moo ba ne ba tswelela ba nna mo gare ga Bakanana ba ba nnang mo lefatsheng leo;+ mme banni ba Bethe-shemeshe le ba Bethe-anathe ba nna batho ba bone gore ba ba patelele go dira tiro e e boima.+ 34  Mme Baamore ba nna ba pitlaganyetsa bomorwa Dana mo kgaolong e e dithaba, gonne ga ba a ka ba ba letla go fologela kwa tlase kwa lebaleng le le kwa tlase.+ 35  Ka jalo Baamore ba tswelela ba nna mo Thabeng ya Herese le mo Aijalona le mo Shaalabime. Mme seatla sa ba ntlo ya ga Josefa sa nna boima thata mo ba neng ba patelelwa go dira tiro e e boima. 36  Mme karolo ya naga ya Baamore e ne e le go tswa kwa botlhatlogong jwa Akarabime,+ go tswa kwa Sela go ya kwa godimo.

Dintlha Tse di Kwa Tlase