Amose 3:1-15

3  “Utlwang lefoko leno le Jehofa a le buileng ka ga lona,+ lona bomorwa Iseraele, ka ga losika lotlhe lo ke lo tlhatlositseng ke lo ntsha mo lefatsheng la Egepeto,+ a re,  ‘Ke lona fela ke lo itsileng+ mo ditshikeng tsotlhe tsa lefatshe.+ Ke gone ka moo ke tla dirang gore lo ikarabelele ditlolo tsotlhe tsa lona.+  “‘A bobedi bo ka tsamaya mmogo bo sa kopana ka nako e bo e beelaneng?+  A tau e ka kurutla mo sekgweng e se na se e se tsomang?+ A tawana e e seriri e ka ntsha modumo wa yone mo lefelong la yone la go iphitlha e sa tshwara sepe gotlhelele?  A nonyane e ka wela mo seraing fa fatshe mme go se na seru se e se beetsweng?+ A serai se ka tlola mo mmung mme se sa tshwara sepe gotlhelele?  Fa go lediwa lonaka mo motseng, a batho le bone ga ba rorome?+ Fa go nna le masetlapelo mo motseng, a e a bo e se Jehofa yo o tsereng kgato?  Gonne Morena Molaodimogolo Jehofa ga a kitla a dira sepe fa a sa senolela batlhanka ba gagwe, e bong baporofeti sephiri sa gagwe.+  Go na le tau e e kurutlileng!+ Ke mang yo o se kitlang a boifa? Morena Molaodimogolo Jehofa ka boene o buile! Ke mang yo o se kitlang a porofeta?’+  “‘Itsiseng seno mo ditoreng tsa bonno mo Ashedoda le mo ditoreng tsa bonno mo lefatsheng la Egepeto,+ lo re: “Phuthegang lo tsogologele dithaba tsa Samarea,+ mme lo bone dikhuduego di le dintsi mo gare ga gagwe le go tsietsa mo go mo teng ga gagwe.+ 10  Mme ga baa itse go dira se se siameng,”+ go bua Jehofa, “bone ba ba bolokang thubakanyo+ le thopo mo ditoreng tsa bone tsa bonno.”’ 11  “Ka jalo Morena Molaodimogolo Jehofa o buile jaana, ‘Go na le mmaba le mo nageng yotlhe,+ mme ruri o tla ntsha nonofo e e mo go wena, e bile ditora tsa gago tsa bonno di tla gapiwa.’+ 12  “Jehofa o buile jaana, ‘Fela jaaka modisa a tsubula memo e mebedi kgotsa ntlhana ya tsebe mo molomong wa tau,+ bomorwa Iseraele ba tla tsubulwa jalo, ba ba ntseng mo Samarea mo sekanamelong se se ntlentle+ le mo bolawaneng jwa Sedamaseko.’+ 13  “‘Utlwang mme lo neye bosupi+ mo ntlong ya ga Jakobe,’ go bua Morena Molaodimogolo Jehofa, Modimo wa masomosomo. 14  ‘Gonne, mo letsatsing la go dira ga me gore Iseraele a ikarabelele+ go tlhanoga ga gagwe, ke tla dira gore dibeso tsa Bethele le tsone di ikarabelele;+ mme dinaka tsa sebeso ruri di tla kgaolwa mme di tla wela fa fatshe.+ 15  Mme ke tla itaya ntlo ya mariga+ gore ke bo ke e phutlhamise fa ke sena go dira ntlo ya selemo jalo.’+ “‘Mme matlo a dinaka tsa tlou a tla nyelela,+ le matlo a le mantsi a tla fela,’+ go bua Jehofa.”

Dintlha Tse di Kwa Tlase