2 Samuele 7:1-29

7  Mme ga diragala gore, fa kgosi e ne e nna mo ntlong ya yone+ mme Jehofa ka boene a ne a e neile boikhutso mo babeng ba yone botlhe mo tikologong,+  kgosi ya raya moporofeti Nathane+ ya re: “Bona, jaanong, ke nna mo ntlong ya masedara+ fa letlole la Modimo wa boammaaruri lone le nna mo gare ga matsela a megope.”+  Foo Nathane a raya kgosi a re: “Sengwe le sengwe se se mo pelong ya gago—tsamaya o se dire,+ ka gonne Jehofa o na le wena.”  Mme ga diragala mo bosigong joo gore lefoko+ la ga Jehofa le tle mo go Nathane, le re:  “Tsamaya mme o reye Dafide motlhanka wa me o re, ‘Jehofa o buile jaana: “A o tla nkagela ntlo gore ke nne mo go yone?+  Gonne ga ke ise ke nne mo ntlong go tloga mo letsatsing la fa ke ne ke ntsha bomorwa Iseraele kwa Egepeto go fitlha mo letsatsing leno,+ mme ke ne ke tsamayatsamaya+ mo mogopeng+ le mo motlaaganeng+ ke sa kgaotse.  Mo nakong yotlhe ya fa ke ntse ke tsamayatsamaya mo gare ga bomorwa Iseraele+ botlhe, a go na le lefoko le ke le buileng le longwe lwa ditso tsa Iseraele tse ke di laetseng gore di dise batho ba me Iseraele,+ ke re, ‘Ke ka ntlha yang fa lo ne lo sa nkagele ntlo ya masedara?’”’  Mme o tla raya Dafide motlhanka wa me o re, ‘Jehofa wa masomosomo o buile jaana: “Nna ka bonna ke ne ka go tsaya mo mafulong gore o se tlhole o setse letsomane+ morago gore o nne moeteledipele+ wa batho ba me Iseraele.  Mme ke tla nna le wena gongwe le gongwe kwa o yang gone,+ mme ke tla fedisa baba ba gago botlhe fa pele ga gago;+ mme ruri ke tla go direla leina le legolo,+ jaaka leina la ba bagolo ba ba mo lefatsheng. 10  Mme ruri ke tla tlhomela batho ba me Iseraele lefelo+ mme ke ba jale,+ ruri ba tla aga fa ba leng gone, mme ga ba kitla ba tlhola ba tshwenngwa; e bile bomorwa tshiamololo ga ba kitla ba ba bogisa gape jaaka ba ne ba dira la ntlha,+ 11  le eleng go simolola ka letsatsi le ke neng ke tlhoma baatlhodi+ ka lone gore ba laele batho ba me Iseraele; mme ke tla go naya boikhutso mo babeng ba gago+ botlhe. “‘“Mme Jehofa o go boleletse gore Jehofa o tla go direla ntlo.+ 12  Fa malatsi a gago a wela,+ mme o robala le borragomogologolwane,+ foo ke tla tsosa losika lwa gago morago ga gago, lo lo tla tswang mo teng ga gago; mme ruri ke tla tlhomamisa bogosi jwa gagwe+ ka thata. 13  Ke ene yo o tla agelang leina la me ntlo,+ mme ruri ke tla tlhomamisa setulo sa bogosi jwa gagwe ka thata ka bosakhutleng.+ 14  Nna ke tla nna rraagwe,+ mme ene o tla nna morwaake.+ Fa a dira phoso, ke tla mo kgalemela ka thobane+ ya banna le ka dititeo tsa bomorwa Adame. 15  Mme bopelonomi jwa me jwa lorato, ga bo kitla bo tswa mo go ene ka tsela e ke bo tlositseng mo go Saulo+ ka yone, yo ke mo tlositseng ka ntlha ya gago. 16  Mme ntlo ya gago le bogosi jwa gago ruri bo tla nitama ka bosakhutleng fa pele ga gago; setulo sa gago sa bogosi ka bosone e tla nna se se tlhomamisitsweng ka thata ka bosakhutleng.”’”+ 17  Nathane o ne a bua le Dafide+ go ya ka mafoko ano otlhe le go ya ka ponatshegelo eno yotlhe. 18  Foo Kgosi Dafide a tsena mme a nna fa fatshe fa pele ga ga Jehofa a re: “Nna ke mang,+ Morena Molaodimogolo Jehofa? Le ntlo ya me ke eng go bo o ntlisitse go tla go fitlha fano? 19  Jaaka e kete seno ke sengwe se sennye mo matlhong a gago, wena Morena Molaodimogolo Jehofa, mme gape o bua kaga ntlo ya motlhanka wa gago go fitlha kwa lobakeng lo lo kgakala lo lo tlang; mme ono ke molao o o newang batho,+ wena Morena Molaodimogolo Jehofa.+ 20  Mme ke eng se sengwe se Dafide a ka oketsang ka sone mme a se bua le wena, fa wena o itse motlhanka wa gago sentle,+ wena Morena Molaodimogolo Jehofa? 21  O dirile dilo tseno tsotlhe tse dikgolo gore motlhanka wa gago a di itse+ ka ntlha ya lefoko+ la gago le tumalanong le pelo ya gago.+ 22  Ke gone ka moo o leng mogolo ruri,+ wena Morena Molaodimogolo Jehofa; gonne ga go na ope o sele yo o tshwanang le wena,+ e bile ga go na Modimo kwantle ga gago+ mo go yotlhe e re utlwileng ka yone ka ditsebe tsa rona. 23  Mme ke setšhaba sefe se le sengwe mo lefatsheng se se tshwanang le batho ba gago ba Iseraele,+ ba Modimo a neng a ba ikgololela jaaka setšhaba+ mme a ikabela leina+ le go ba direla dilo tse dikgolo tse di boitshegang+—go leleka ditšhaba le medimo ya tsone ka ntlha ya batho ba gago, ba o ba ikgololetseng+ go tswa kwa Egepeto? 24  Mme o ne wa itlhomamisetsa batho ba gago Iseraele+ ka thata go nna batho ba gago ka bosakhutleng; mme wena, Jehofa, o fetogile Modimo wa bone.+ 25  “Mme jaanong, Jehofa Modimo, lefoko le o le buileng ka ga motlhanka wa gago le ka ga ntlo ya gagwe le diragatse ka bosakhutleng mme o dire fela jaaka o buile.+ 26  A leina la gago le nne legolo ka bosakhutleng,+ o re, ‘Jehofa wa masomosomo ke Modimo mo Iseraele,’+ mme a ntlo ya ga Dafide motlhanka wa gago e tlhomamisiwe ka thata fa pele ga gago.+ 27  Gonne wena, Jehofa wa masomosomo Modimo wa Iseraele, o senoletse tsebe ya motlhanka wa gago, wa re, ‘Ke tla go agela ntlo.’+ Ke gone ka moo motlhanka wa gago a nnileng le bopelokgale jwa go go rapela ka thapelo eno.+ 28  Mme jaanong Morena Molaodimogolo Jehofa, o Modimo wa boammaaruri; mme mafoko a gago one, a a itshupe a le boammaaruri,+ e re ka o solofetsa motlhanka wa gago molemo ono.+ 29  Mme jaanong tsaya boikarabelo mme o segofatse+ ntlo ya motlhanka wa gago gore e tswelele e le fa pele ga gago+ ka bosakhutleng; gonne wena Morena Molaodimogolo Jehofa, o solofeditse, mme ka ntlha ya tshegofatso ya gago a ntlo ya motlhanka wa gago e segofadiwe ka bosakhutleng.”+

Dintlha Tse di Kwa Tlase