2 Samuele 1:1-27

1  Mme ga diragala gore morago ga loso lwa ga Saulo, le fa Dafide ka boene a sena go boa kwa go kgemetheng Baamaleke,+ Dafide a tswelela go nna kwa Sikelage+ malatsi a le mabedi.  Mme ga diragala mo letsatsing la boraro gore, bonang! monna+ a bo a tla a tswa kwa bothibelelong, kwa go Saulo, diaparo tsa gagwe di gagogantswe+ a le lerole mo tlhogong;+ mme ga diragala gore fa a tla fa go Dafide, a akofa a wela fa fatshe+ a obama.  Mme Dafide a mo raya a re: “O tswa kae?” foo a mo raya a re: “Ke falotse kwa bothibelelong jwa Iseraele.”  Mme Dafide a tswelela a mo raya a re: “Kgang e feletse jang? Mpolelela tsweetswee.” Foo a re: “Batho ba tshabile mo tlhabanong gape batho ba le bantsi ba ole mo e leng gore ba ne ba swa,+ tota le Saulo+ le Jonathane+ morwawe ba sule.”  Foo Dafide a raya lekau le le neng le mmolelela a re: “O itse jang gore tota Saulo o sule le Jonathane morwawe?”+  Foo lekau le le neng le mmolelela la re: “Ke ne ka iphitlhela ka tshoganyetso ke le mo Thabeng ya Gileboa,+ mme Saulo o ne a le foo a itshegeditse ka lerumo la gagwe;+ mme bona! banna ba ba kgweetsang dikara le banna ba ba palameng ba dipitse ba ne ba mo tshwere.+  E rile a retologa a mpona, foo a mpitsa, mme ka re, ‘Ke fano!’  Mme a nthaya a re, ‘O mang?’ mme ka mo raya ka re, ‘Ke Moamaleke.’+  Foo a re, ‘Tsweetswee, ema fa go nna mme o mpolaye ruri, gonne ke tshwerwe ke go gonega mosifa, ka gonne moya wa me+ otlhe o sa ntse o le mo go nna.’ 10  Ka jalo ka ema fa go ene mme ruri ka mmolaya,+ gonne ke ne ke itse gore o ne a ka se tshele fa a sena go wa. Foo ka tsaya serwalo sa segosi+ se se neng se le mo tlhogong ya gagwe le leseka le le neng le le mo lebogong la gagwe, gore ke di tlise fano mo go morena wa me.” 11  Foo Dafide a tshwara diaparo tsa gagwe a di gagoganya,+ le banna botlhe ba ba neng ba na le ene ba dira jalo. 12  Mme ba simolola go kuruetsa le go lela+ le go itima dijo+ go fitlha maitseboa ka ntlha ya ga Saulo le ka ntlha ya ga Jonathane morwawe le ka ntlha ya batho ba ga Jehofa le ka ntlha ya ntlo ya Iseraele,+ ka gonne ba ne ba ole ka tšhaka. 13  Jaanong Dafide a raya lekawana le le neng le mmolelela a re: “O tswa kae?” mme a re: “Ke morwa moagi wa moeng, Moamaleke.”+ 14  Foo Dafide a mo raya a re: “Go tlile jang gore o bo o sa boifa+ go ntsha seatla sa gago go senya motlodiwa+ wa ga Jehofa?” 15  Foo Dafide a bitsa lengwe la makau mme a re: “Atamela. Mo iteye.” Ka jalo a mo tlhaba a ba a swa.+ 16  Foo Dafide a mo raya a re: “A molato wa gago wa madi o nne mo tlhogong ya gago,+ ka gonne molomo wa gago o supile kgatlhanong le wena,+ o re, ‘Nna ka bonna ruri ke bolaile motlodiwa wa ga Jehofa.’”+ 17  Mme Dafide a simolola go opela pina eno ya khutsafalo+ ka ntlha ya ga Saulo le Jonathane morwawe+ 18  le go bolela gore bomorwa Juda+ ba tshwanetse go rutiwa “Bora.”+ Bona! E kwadilwe mo bukeng ya ga Jashare: 19  “Wena Iseraele, bontle bo bolailwe setlhogo mo mafelong a gago a a kwa godimo.+A bo banna ba ba thata ba ole! 20  Lo se ka lwa go bolela kwa Gathe;+Lo se ka lwa go itsise mo mebileng ya Ashekelona,+E se re kgotsa bomorwadia Bafilisitia ba ipela,E se re kgotsa bomorwadia banna ba ba sa rupang ba itumela.+ 21  Lona dithaba tsa Gileboa,+ a go se nne monyo ope, a go se nne pula epe mo go lona, le gone go se ka ga nna le masimo a meneelo e e boitshepo;+Ka gonne thebe ya ba ba thata e ne ya leswafadiwa koo,Thebe ya ga Saulo, mo go neng ga se ka ga nna le ope yo o tloditsweng ka leokwane.+ 22  Go tswa mo mading a ba ba bolailweng setlhogo, mo mafureng a ba ba thata,Bora jwa ga Jonathane ga bo a ka jwa boa,+Mme tšhaka ya ga Saulo e ne e ka se boe e sa atlega.+ 23  Saulo le Jonathane,+ ba ba rategang le ba ba itumedisang mo botshelong jwa bone,Mme mo losong lwa bone ba ne ba sa kgaogana.+Ba ne ba le bofefo go feta bontsu,+Ba ne ba le thata go feta ditau.+ 24  Lona bomorwadia Iseraele, lelelang Saulo,Yo o neng a lo apesa bohibidu jo bo letlhololo le mekgabo,Yo o neng a baya mekgabo ya gouta mo diaparong tsa lona.+ 25  A bo ba ba thata ba ole jang ne mo gare ga tlhabano!+Jonathane o bolailwe setlhogo mo mafelong a gago a a kwa godimo!+ 26  Ke tshwenyegile thata ka ntlha ya gago Jonathane morwarre,O ne o itumedisa thata mo go nna.+Lorato lwa gago mo go nna lo ne lo le logolo thata go feta lorato lo lo tswang mo basading.+ 27  A bo ba ba thata ba ole+Le dibetsa tsa ntwa di nyeletse!”

Dintlha Tse di Kwa Tlase