2 Ditiragalo 7:1-22

7  Jaanong fela fa Solomone a fetsa go rapela,+ molelo wa fologa kwa magodimong+ wa laila tshupelo e e fisiwang+ le ditlhabelo, mme kgalalelo+ ya ga Jehofa ya tlala ka ntlo.  Mme baperesiti ba ne ba sa kgone go tsena mo teng ga ntlo ya ga Jehofa+ ka gonne kgalalelo ya ga Jehofa e ne e tletse ka ntlo ya ga Jehofa.  Mme bomorwa Iseraele botlhe ba ne ba bogetse fa molelo o fologa le kgalalelo ya ga Jehofa e le mo godimo ga ntlo, mme ba akofa ba ikoba+ difatlhego tsa bone di lebile fa fatshe mo bophaphathong, ba obama+ ba leboga Jehofa, “gonne o molemo,+ gonne bopelonomi jwa gagwe jwa lorato ke jwa bosakhutleng.”+  Mme kgosi le batho botlhe ba ne ba isa setlhabelo fa pele ga ga Jehofa.+  Mme Kgosi Solomone a tswelela go isa setlhabelo sa dikgomo di le dikete di le masome a mabedi le bobedi le dinku di le dikete di le lekgolo le masome a mabedi.+ Ka gone kgosi le batho botlhe ba kgakola+ ntlo ya Modimo wa boammaaruri.  Mme baperesiti+ ba ne ba eme mo maemong a tiro ya bone, le Balefi+ ba tshotse diletswa tsa go opelela+ Jehofa tse kgosi Dafide+ a neng a di dirile go leboga Jehofa, “gonne bopelonomi jwa gagwe jwa lorato ke jwa bosakhutleng,” fa Dafide a isa pako ka seatla sa bone; mme baperesiti ba ne ba leletsa diterompeta+ kwa godimo fa pele ga bone, fa Baiseraele botlhe ba ne ba eme ka dinao.  Foo Solomone a itshepisa+ bogare jwa lolwapa lo lo neng lo le fa pele ga ntlo ya ga Jehofa, ka gonne o ne a isetsa ditshupelo tse di fisiwang+ le dinama tse di mafura tsa ditlhabelo tsa kabalano mo go lone, gonne sebeso+ sa kgotlho se Solomone a neng a se dirile se ne se sa kgone go tshola tshupelo e e fisiwang le tshupelo ya dijo tsa ditlhaka+ le dinama tse di mafura.+  Mme Solomone a tshwara moletlo+ ka nako eo malatsi a le supa, Iseraele yotlhe e na le ene,+ e le phuthego e kgolo+ go simolola kwa botsenong jwa Hamathe+ go ya go fitlha kwa mokgatšheng o o phothoselang wa Egepeto.+  Mme mo letsatsing la borobedi ba tshwara kopano e e masisi,+ ka gonne ba ne ba tshwere go kgakolwa ga sebeso malatsi a le supa le moletlo malatsi a le supa. 10  Mme mo letsatsing la bomasome a mabedi le boraro la kgwedi ya bosupa a ba naya tsela gore ba ye magaeng a bone, ba ipela+ e bile ba itumetse mo pelong ka ntlha ya molemo+ o Jehofa a neng a o diretse Dafide le Solomone le Iseraele batho ba gagwe.+ 11  Ka jalo Solomone a fetsa ntlo ya ga Jehofa+ le ntlo ya kgosi;+ mme a atlega mo go sengwe le sengwe se se neng sa tla mo pelong ya ga Solomone go se dira ka ga ntlo ya ga Jehofa le ntlo ya gagwe ka namana. 12  Jaanong Jehofa a bonala+ mo go Solomone bosigo mme a mo raya a re: “Ke utlwile thapelo+ ya gago, mme ke itlhophetse+ lefelo leno go nna ntlo ya setlhabelo.+ 13  Fa ke tswala magodimo gore go se ka ga nna le pula+ epe le fa ke laela ditsiakgope gore di je lefatshe+ le fa ke romela bolwetse jwa leroborobo mo bathong ba me,+ 14  mme batho+ ba me ba leina+ la me le bidiwang mo go bone ba ikokobetsa+ ba rapela+ ba bo ba senka sefatlhego+ sa me mme ba boa mo ditseleng tsa bone tse di bosula,+ foo nna ka bonna ke tla utlwa ke le kwa magodimong+ ke bo ke itshwarela boleo+ jwa bone, ke tla fodisa lefatshe+ la bone. 15  Jaanong matlho+ a me a tla bo a bulegile le ditsebe+ tsa me di tla reetsa thapelo mo lefelong leno. 16  Mme jaanong ke tlhopha+ ntlo eno le go e itshepisa gore leina+ la me le nne mo go yone ka bosakhutleng,+ mme matlho a me le pelo ya me di tla nna mo go yone ka metlha.+ 17  “Mme fa wena o ka tsamaya fa pele ga me, fela jaaka Dafide+ rrago a ne a tsamaya, le ka go dira kafa go sotlhe se ke se go laetseng,+ gape o boloka melao+ ya me le ditshwetso tsa me tsa boatlhodi,+ 18  le nna ke tla tlhomamisa setulo sa bogosi+ jwa gago, fela jaaka ke ne ka dira kgolagano le Dafide rrago,+ ke re, ‘Ga go kitla go nna le monna ope wa gago yo o tla kgaolwang gore a se ka a busa mo Iseraele.’+ 19  Mme fa lona lo ka boela morago+ mme lo tlogela melao+ ya me le ditaelo+ tsa me tse ke di beileng fa pele ga lona, mme lo tsamaya lo ya go direla medimo e mengwe le go e ikobela,+ 20  le nna ke tla ba kumola mo lefatsheng la me le ke le ba neileng;+ mme ntlo eno e ke e itshepiseditseng+ leina la me, ke tla e latlha fa pele ga sefatlhego sa me,+ mme ke tla e dira polelo ya seane+ le kgobo mo ditšhabeng tsotlhe.+ 21  Fa e le ntlo eno e e neng ya nna mekoa ya marope,+ mongwe le mongwe yo o fetang fa go yone o tla e rotolela matlho a gakgametse+ a ba a re, ‘Ke ka lebaka lang Jehofa a dirile lefatshe leno le ntlo+ eno jaana?’ 22  Mme ba tla re, ‘E ne e le ka lebaka la gore ba ne ba tlogela Jehofa+ Modimo wa borraabonemogologolwane yo o ba ntshitseng kwa lefatsheng la Egepeto,+ mme ba tshwara medimo+ e mengwe ba e ikobela le go e direla.+ Ke gone ka moo a ba tliseditseng masetlapelo ano otlhe.’”+

Dintlha Tse di Kwa Tlase