2 Ditiragalo 36:1-23

36  Foo batho ba lefatshe ba tsaya Jehoahase+ morwa Josia ba mo dira kgosi mo boemong jwa ga rraagwe mo Jerusalema.+  Jehoahase o ne a na le dingwaga di le masome a mabedi le boraro fa a simolola go busa, mme a busa dikgwedi di le tharo mo Jerusalema.+  Le fa go ntse jalo, kgosi ya Egepeto ya mo tlosa mo Jerusalema+ e bo e lefisa lefatshe leo ditalenta di le lekgolo tsa selefera+ le talenta ya gouta.  Mo godimo ga moo, kgosi+ ya Egepeto ya dira Eliakime+ morwarraayone kgosi ya Juda le Jerusalema mme ya fetola leina la gagwe go nna Jehoiakime; mme morwarraagwe e bong Jehoahase, Neko+ a mo tsaya a mo tlisa mo Egepeto.+  Jehoiakime+ o ne a na le dingwaga di le masome a mabedi le botlhano fa a simolola go busa, mme a busa dingwaga di le lesome le bongwe mo Jerusalema;+ a tswelela go dira se se bosula mo matlhong a ga Jehofa Modimo+ wa gagwe.  Nebukadenesare+ kgosi ya Babelona a mo tsogologela+ gore a mmofe ka mehiri e mebedi ya kgotlho gore a mo ise kwa Babelona.+  Mme dingwe tsa dilwana+ tsa ntlo ya ga Jehofa Nebukadenesare+ a di tlisa mo Babelona mme a di baya mo ntlong ya gagwe ya segosi mo Babelona.+  Fa e le ditiragalo+ tse dingwe tsotlhe tsa ga Jehoiakime le dilo tse di makgapha+ tsa gagwe tse a neng a di dira le se se neng se fitlhelwa se le kgatlhanong le ene, di kwadilwe mo Bukeng+ ya Dikgosi tsa Iseraele le Juda; mme Jehoiakine+ morwawe a simolola go busa mo boemong jwa gagwe.  Jehoiakine+ o ne a na le dingwaga di le lesome le borobedi fa a simolola go busa, mme a busa dikgwedi di le tharo+ le malatsi a le lesome mo Jerusalema; mme a tswelela go dira se se bosula mo matlhong a ga Jehofa.+ 10  Mme fa ngwaga o simolola+ Kgosi Nebukadenesare a roma+ mme a mo tlisa mo Babelona+ ka dilwana tse di eletsegang tsa ntlo ya ga Jehofa.+ Mo godimo ga moo, a dira Sedekia+ morwarraagwe rraagwe kgosi ya Juda le Jerusalema.+ 11  Sedekia+ o ne a na le dingwaga di le masome a mabedi le bongwe fa a simolola go busa, mme a busa dingwaga di le lesome le bongwe mo Jerusalema.+ 12  Mme a tswelela go dira se se bosula+ mo matlhong a ga Jehofa Modimo wa gagwe. O ne a se ka a ikokobeletsa+ moporofeti+ Jeremia+ ka taelo ya ga Jehofa. 13  O ne a ba a tsuologela+ le Kgosi Nebukadenesare, yo o neng a dirile gore a ikane ka Modimo;+ mme a nna a thatafatsa+ thamo a kgwaralatsa+ pelo gore a se ka a boela kwa go Jehofa Modimo wa Iseraele. 14  Le e leng balaodi botlhe ba baperesiti+ le batho ka bobone ba ne ba dira ka go tlhoka boikanyegi fela thata, kafa dilong tsotlhe tse di makgapha+ tsa ditšhaba, mo ba neng ba leswafatsa ntlo ya ga Jehofa e a neng a e itshepisitse kwa Jerusalema.+ 15  Mme Jehofa Modimo wa borraabonemogologolwane a nna a roma kgatlhanong le bone ka barongwa+ ba gagwe, a roma gangwe le gape, ka gonne o ne a tlhomogela batho+ ba gagwe le bonno+ jwa gagwe pelo. 16  Mme ba ne ba nna ba sotla+ barongwa ba Modimo wa boammaaruri ba nyatsa mafoko+ a gagwe e bile ba sotla+ baporofeti ba gagwe, go fitlha tšararego+ ya ga Jehofa e tla mo bathong ba gagwe, go fitlha go se na phodiso.+ 17  Ka jalo a dira gore kgosi ya Bakaladia+ e ba tsogologele, e e neng ya bolaya makau a bone ka tšhaka+ mo ntlong ya lefelo la bone le le boitshepo,+ le gone e ne ya se ka ya tlhomogela pelo lekau le fa e le kgarebane, yo o tsofetseng kgotsa yo o koafaditsweng ke botsofe.+ A tsenya sengwe le sengwe mo seatleng sa yone. 18  Mme dilwana+ tsotlhe, tse dikgolo+ le tse dinnye, tsa ntlo ya Modimo wa boammaaruri le matlotlo+ a ntlo ya ga Jehofa le matlotlo a kgosi+ le a dikgosana tsa yone, a tlisa sengwe le sengwe kwa Babelona. 19  Mme a fisa ntlo ya Modimo+ wa boammaaruri a ba a rutla lobota+ lwa Jerusalema; mme ba fisa ditora tsotlhe tsa yone tsa bonno ka molelo le dilwana tsotlhe tsa yone tse di eletsegang,+ gore a bake tshenyo.+ 20  Mo godimo ga moo, ba ba falotseng tšhaka a ba isa botshwarwa kwa Babelona,+ mme ba nna batlhanka+ ba gagwe le ba bomorwawe go fitlha puso ya segosi ya Peresia+ e simolola go busa; 21  go diragatsa lefoko la ga Jehofa ka molomo wa ga Jeremia,+ go fitlha lefatshe le duetse bosabata+ ba lone. Le ne la boloka sabata malatsi otlhe a le neng le kgakgabetse ka one, go diragatsa dingwaga di le masome a supa.+ 22  Mme mo ngwageng wa ntlha wa ga Kurose+ kgosi ya Peresia,+ gore lefoko+ la ga Jehofa ka molomo wa ga Jeremia+ le tle le diragadiwe, Jehofa o ne a tsosa moya+ wa ga Kurose kgosi ya Peresia, mo a neng a dira gore mokgosi o utlwadiwe mo bogosing jotlhe jwa gagwe, le ka go kwala,+ a re: 23  “Kurose kgosi ya Peresia+ o buile jaana, ‘Jehofa Modimo wa magodimo o nneile+ magosi otlhe a lefatshe, e bile ene ka boene o nthomile gore ke mo agele ntlo kwa Jerusalema, o o kwa Juda.+ Le fa e le mang mo go lona wa batho botlhe ba gagwe,+ Jehofa Modimo wa gagwe a nne le ene.+ Ka jalo a a tlhatloge.’”+

Dintlha Tse di Kwa Tlase