2 Ditiragalo 33:1-25

33  Manase+ o ne a na le dingwaga di le lesome le bobedi fa a simolola go busa, mme a busa mo Jerusalema+ dingwaga di le masome a matlhano le botlhano.  Mme a dira se se bosula mo matlhong a ga Jehofa,+ go ya ka dilo tse di makgapha+ tsa ditšhaba tse Jehofa a neng a di lelekile fa pele ga bomorwa Iseraele.+  Ka jalo a aga gape mafelo a a kwa godimo+ a Hesekia rraagwe a neng a a rutlile,+ a tlhomela Bobaale+ dibeso+ a ba a dira dikota tse di boitshepo,+ mme a simolola go ikobela+ lesomo lotlhe la magodimo+ le go le direla.+  A aga dibeso+ mo ntlong ya ga Jehofa, e Jehofa a neng a buile ka yone a re: “Leina la me le tla nna mo Jerusalema ka bosakhutleng.”+  Mme a tswelela go agela lesomo lotlhe la magodimo+ dibeso mo malwapeng+ a mabedi a ntlo ya ga Jehofa.+  Mme ene ka boene a ralatsa bomorwawe molelo+ mo mokgatšheng wa ga morwa Hinoma,+ a dira maselamose+ le go dirisa boitseanape+ le go loa+ le go dira gore go nne le ba ba buang le meya+ le ba ba dirang tiro ya go bolelela pele ditiragalo.+ O ne a dira se se bosula mo matlhong a ga Jehofa ka selekanyo se segolo, go mo kgopisa.+  Go feta moo, a baya setshwantsho se se setilweng+ se a neng a se dirile mo ntlong ya Modimo+ wa boammaaruri, e Modimo a neng a reile Dafide le Solomone morwawe ka yone a re: “Ke tla baya leina+ la me ka bosakhutleng+ mo ntlong eno le mo Jerusalema, e ke e tlhophileng+ mo ditsong tsotlhe tsa Iseraele.  Mme ga ke na go tlosa lonao lwa Iseraele gape mo lefatsheng le ke neng ka le naya+ borraabonemogologolwane,+ fa fela ba nna kelotlhoko go dira sotlhe se ke se ba laetseng+ ka ga molao+ otlhe le melawana+ le ditshwetso tsa boatlhodi+ ka seatla sa ga Moshe.”+  Mme Manase+ a nna a faposa Juda+ le banni ba Jerusalema gore ba dire se se bosula go feta+ ditšhaba tse Jehofa a neng a di nyeleditse fa pele ga bomorwa Iseraele.+ 10  Mme Jehofa a nna a bua le Manase le batho ba gagwe, mme ba se ka ba tlhwaya tsebe.+ 11  La bofelo Jehofa a dira gore balaodi ba masole ba e neng e le ba kgosi ya Asiria+ ba ba tsogologele,+ ka jalo ba tshwara Manase mo dikhuting+ mme ba mmofa+ ka mehiri e mebedi ya kgotlho ba bo ba mo isa kwa Babelona. 12  E rile fela go mo tshwenya,+ a nolofatsa sefatlhego sa ga Jehofa Modimo+ wa gagwe a ba a nna a ikokobetsa+ thata ka ntlha ya Modimo wa borraagwemogologolwane. 13  Mme a nna a Mo rapela, mo A neng a dumela go rapelesega+ mme A utlwa kopo ya gagwe ya gore a mo utlwele botlhoko mme a mmusetsa kwa Jerusalema kwa bogosing jwa gagwe;+ mme Manase a itse gore Jehofa ke Modimo wa boammaaruri.+ 14  Morago ga seno a agela Motse wa ga Dafide+ lobota lo lo kafa ntle+ go ela kwa bophirima jwa Gihone+ mo mokgatšheng o o phothoselang le go fitlha kwa Kgorong ya Ditlhapi,+ a lo dikolosa go ya Ofele+ a ba a dira gore lo nne kwa godimo thata. Mo godimo ga moo, a tlhoma balaodi ba mophato wa sesole mo metseng yotlhe e e sireletsegileng mo Juda.+ 15  Mme a tlosa medimo e sele+ le setshwantsho sa modingwana+ mo ntlong ya ga Jehofa le dibeso+ tsotlhe tse a neng a di agile mo thabeng ya ntlo ya ga Jehofa le mo Jerusalema mme a dira gore di latlhelwe kwa ntle ga motse. 16  Mo godimo ga moo, a baakanya sebeso sa ga Jehofa+ mme a simolola go ntshetsa ditlhabelo tsa kabalano+ mo go sone le ditlhabelo tsa go ntshiwa ga ditebogo+ mme a raya Juda a re e direle Jehofa Modimo wa Iseraele.+ 17  Le fa go ntse jalo, batho ba ne ba sa ntse ba ntsha ditlhabelo mo mafelong a a kwa godimo;+ mme fela ba ne ba ntshetsa Jehofa Modimo wa bone. 18  Fa e le ditiragalo tse dingwe tsotlhe tsa ga Manase le thapelo+ ya gagwe e e yang kwa Modimong wa gagwe le mafoko a baboni ba diponatshegelo+ ba ba neng ba nna ba bua le ene mo leineng la ga Jehofa Modimo wa Iseraele, di mo ditiragalong tsa dikgosi tsa Iseraele.+ 19  Fa e le thapelo+ ya gagwe le kafa kopo ya gagwe e e tlhoafetseng+ e neng ya arabiwa ka gone le boleo+ jotlhe jwa gagwe le bosaikanyegeng+ jwa gagwe le mafelo a a neng a aga mafelo a a kwa godimo+ mo go one a ba a tlhoma dikota tse di boitshepo+ le ditshwantsho tse di thetsweng+ pele a ikokobetsa,+ di kwadilwe mo mafokong a baboni ba gagwe ba diponatshegelo. 20  La bofelo Manase a lala le borraagwemogologolwane,+ mme ba mo fitlha+ mo ntlong ya gagwe; mme Amone+ morwawe a simolola go busa mo boemong jwa gagwe. 21  Amone+ o ne a na le dingwaga di le masome a mabedi le bobedi fa a simolola go busa, mme a busa mo Jerusalema+ dingwaga di le pedi. 22  Mme a dira se se bosula mo matlhong+ a ga Jehofa, fela jaaka Manase rraagwe a ne a dirile;+ mme ditshwantsho tsotlhe tse di thetsweng+ tse Manase+ rraagwe a neng a di dirile, Amone a di ntshetsa ditlhabelo,+ mme a tswelela go di direla.+ 23  Mme a se ka a ikokobetsa+ ka ntlha ya ga Jehofa jaaka Manase rraagwe a ne a ikokobetsa,+ gonne Amone ke ene a neng a dira gore molato o oketsege.+ 24  La bofelo batlhanka ba gagwe ba mo logela leano la boferefere+ mme ba mmolaela mo ntlong+ ya gagwe. 25  Mme batho ba lefatshe ba kgemetha+ botlhe ba ba neng ba logela Kgosi Amone+ leano la boferefere,+ go tswa foo batho+ ba lefatshe ba dira Josia+ morwawe kgosi mo boemong jwa gagwe.

Dintlha Tse di Kwa Tlase