2 Ditiragalo 30:1-27

30  Mme Hesekia a roma kwa Iseraele+ yotlhe le Juda, a ba a kwalela Eferaime+ le Manase+ makwalo, gore ba tle kwa ntlong ya ga Jehofa+ kwa Jerusalema go tla go tshwarela Jehofa Modimo wa Iseraele tlolaganyo.+  Le fa go ntse jalo, kgosi le dikgosana+ tsa yone le phuthego+ yotlhe kwa Jerusalema ba swetsa ka gore ba tshware tlolaganyo mo kgweding ya bobedi;+  gonne ba ne ba sa kgona go e tshwara ka nako eo,+ ka gonne kafa letlhakoreng le lengwe, e ne e se baperesiti+ ba ba lekaneng ba ba neng ba iitshepisitse mme kafa letlhakoreng le lengwe, batho ba ne ba sa phuthegela kwa Jerusalema.  Mme selo seno se ne se siame mo matlhong a kgosi le mo matlhong a phuthego+ yotlhe.  Ka jalo ba dira tshwetso ya gore go utlwadiwe mokgosi+ go ralala Iseraele yotlhe, go tswa Beere-sheba+ go ya Dana,+ gore ba tle go tshwarela Jehofa Modimo wa Iseraele tlolaganyo kwa Jerusalema; gonne ba ne ba sa dira jalo+ ba le bantsi kafa go se se kwadilweng.+  Ka jalo batabogi+ ba ba tshotseng makwalo a a tswang mo seatleng sa kgosi le sa dikgosana+ tsa yone ba ralala Iseraele yotlhe le Juda, le go ya ka taelo ya kgosi, ba re: “Lona bomorwa Iseraele, boelang+ kwa go Jehofa Modimo+ wa ga Aborahame, Isake le Iseraele, gore a boele mo go ba ba falotseng+ ba lona ba ba setseng ba ba duleng mo seatleng sa dikgosi tsa Asiria.+  Mme lo se ka lwa nna jaaka borraalonamogologolwane+ le jaaka bomorwarraalona ba ba neng ba direla Jehofa Modimo wa borraabonemogologolwane ka go tlhoka boikanyegi, mo a neng a ba dira selo sa go akabalelwa,+ fela jaaka lo bona.  Jaanong lo se ka lwa thatafatsa thamo+ ya lona jaaka borraalonamogologolwane ba ne ba dira. Nayang Jehofa+ lefelo mme lo tle mo lefelong la gagwe le le boitshepo+ le a le itshepisitseng+ ka bosakhutleng mme lo direle+ Jehofa Modimo wa lona, gore bogale jwa gagwe jo bo tukang+ bo boe ka morago mo go lona.  Gonne fa lo boela+ mo go Jehofa, bomorwarraalona le bomorwaalona ba tla utlwelwa botlhoko+ fa pele ga bao ba ba dirileng batshwarwa, mme ba letlwe go boela mo lefatsheng+ leno; gonne Jehofa Modimo wa lona o pelontle+ e bile o kutlwelobotlhoko,+ mme ga a kitla a faposa sefatlhego mo go lona fa lo boela kwa go ene.”+ 10  Ka jalo batabogi+ ba tswelela, ba feta go tswa motseng go ya motseng o mongwe ba ralala lefatshe lotlhe la Eferaime+ le Manase, le e leng go ya kwa Sebulone; mme ka metlha ba ne ba bua ka bone ba ba ja setshego e bile ba ba sotla.+ 11  Ke batho+ ba ba tswang kwa Ashera le Manase le ba ba tswang kwa Sebulone fela ba ba neng ba ikokobetsa+ gore ba tle mo Jerusalema. 12  Seatla sa Modimo wa boammaaruri se ne sa itshupa gape se le mo Juda gore a ba neye pelo+ e le nngwe gore ba diragatse taelo+ ya kgosi le dikgosana mo kgannyeng ya ga Jehofa.+ 13  Mme ba phuthegela mmogo kwa Jerusalema,+ e le batho ba bantsi, go ya go tshwara moletlo+ wa dikuku tse di sa bedisiwang mo kgweding ya bobedi,+ e le phuthego ya bontsi jo bogolo thata. 14  Foo ba nanoga mme ba tlosa dibeso+ tse di neng di le mo Jerusalema, ba tlosa dibeso+ tsotlhe tsa maswalo mme ba di latlhela mo mokgatšheng o o phothoselang wa Kiderona.+ 15  Morago ga moo ba tlhaba phologolo e e bolaelwang tlolaganyo+ mo letsatsing la bolesome le bonè la kgwedi ya bobedi; mme baperesiti le Balefi ba ne ba tlhabisitswe ditlhong, mo ba neng ba iitshepisa+ ba bo ba tlisa ditshupelo tse di fisiwang mo ntlong ya ga Jehofa. 16  Mme ba nna ba eme+ mo lefelong la bone go ya ka molao wa bone, go ya ka molao wa ga Moshe monna wa Modimo wa boammaaruri, baperesiti+ ba kgatšha madi a ba a amogetseng mo seatleng sa Balefi. 17  Gonne go ne go na le ba le bantsi mo phuthegong ba ba neng ba sa iitshepisa; mme Balefi+ ba ne ba okametse go tlhabelwa ga botlhe ba ba neng ba se phepa diphologolo tse di bolaelwang+ tlolaganyo, gore ba ba itshepisetse Jehofa. 18  Gonne go ne go na le palo e kgolo ya batho, ba le bantsi ba tswa kwa Eferaime+ le Manase,+ Isakare le Sebulone,+ ba ba neng ba sa intlafatsa,+ gonne ba ne ba se ka ba ja tlolaganyo go ya ka se se kwadilweng;+ mme Hesekia o ne a ba rapelela,+ a re: “E kete Jehofa yo o molemo+ a ka itshwarela 19  mongwe le mongwe yo o baakantseng pelo+ ya gagwe gore e batle Modimo wa boammaaruri, Jehofa, Modimo wa borraagwemogologolwane, le mororo a sa itshekisediwa se se boitshepo.”+ 20  Ka jalo Jehofa a reetsa Hesekia mme a fodisa batho.+ 21  Ka jalo bomorwa Iseraele ba ba neng ba le mo Jerusalema ba tshwara moletlo+ wa dikuku tse di sa bedisiwang malatsi a le supa ka boipelo+ jo bogolo; mme Balefi+ le baperesiti+ ba ne ba isetsa Jehofa pako letsatsi le letsatsi ka diletswa tse di lelelang kwa godimo, ba e isetsa Jehofa.+ 22  Mo godimo ga moo, Hesekia a buela mo pelong+ ya Balefi botlhe ba ba neng ba direla Jehofa+ ka botlhale. Mme ba ja moletlo o o tlhomilweng malatsi a le supa,+ ba ntsha ditlhabelo tsa kabalano+ ba bile ba ipolela+ mo go Jehofa Modimo wa borraabonemogologolwane. 23  Foo phuthego yotlhe ya dira tshwetso+ ya gore e o tshware malatsi a mangwe gape a le supa,+ ka jalo ba o tshwarwa malatsi a le supa ka boipelo. 24  Gonne Hesekia kgosi ya Juda o ne a ntsheditse phuthego moneelo+ wa dipoo di le sekete le dinku di le dikete di le supa, mme dikgosana+ tsa ntshetsa phuthego moneelo wa dipoo di le sekete le dinku di le dikete di le lesome; mme baperesiti+ ba nna ba iitshepisa ba le bantsi. 25  Mme phuthego yotlhe ya Juda+ le baperesiti le Balefi+ le phuthego yotlhe e e neng e tlile e tswa kwa Iseraele+ le baagi ba baeng+ ba ba neng ba tswa kwa lefatsheng la Iseraele+ le ba ba nnang mo Juda ba tswelela go ipela.+ 26  Mme ga nna le boipelo jo bogolo mo Jerusalema, gonne go simolola mo metlheng ya ga Solomone+ morwa Dafide kgosi ya Iseraele go ne go se na bope jo bo tshwanang le jono mo Jerusalema.+ 27  La bofelo baperesiti, e bong Balefi, ba ema mme ba segofatsa+ batho; mme lentswe la bone la utlwiwa, mo thapelo ya bone e neng ya tla mo bonnong jwa gagwe jo bo boitshepo, e leng magodimo.+

Dintlha Tse di Kwa Tlase