2 Ditiragalo 29:1-36

29  Hesekia+ o ne a nna kgosi a na le dingwaga di le masome a mabedi le botlhano, mme a busa dingwaga di le masome a mabedi le borobongwe mo Jerusalema. Leina la ga mmaagwe e ne e le Abija morwadia Sekarea.+  A nna a dira se se siameng mo matlhong+ a ga Jehofa, kafa go sotlhe se Dafide rraagwemogologolwane a neng a se dirile.+  Ene ka boene, mo ngwageng wa ntlha wa go busa ga gagwe, mo kgweding ya ntlha, a bula dikgoro tsa ntlo ya ga Jehofa mme a simolola go di baakanya.+  Foo a tlisa baperesiti le Balefi a ba phuthela kwa lefelong le le bulegileng+ go ela kwa botlhaba.  Mme a ba raya a re: “Ntheetsang, lona Balefi. Jaanong iitshepiseng+ lo bo lo itshepise ntlo ya ga Jehofa Modimo wa borraalonamogologolwane, mme lo ntshetse selo se se sa itshekang kwa ntle ga lefelo le le boitshepo.+  Gonne borraarona ba dirile ka go tlhoka boikanyegi+ mme ba dirile se se neng se le bosula mo matlhong a ga Jehofa Modimo+ wa rona, mo ba neng ba mo tlogela+ mme ba retolosetsa difatlhego tsa bone kgakala le motlaagana wa ga Jehofa+ mme ba isa bokafamorago jwa molala.  Gape ba ne ba tswala dikgoro+ tsa mathudi ba bo ba tlogela dipone di timilwe,+ le gone ba se ka ba tshuba maswalo,+ e bile ba ne ba se ka ba isetsa Modimo wa Iseraele+ ditlhabelo tse di fisiwang mo lefelong le le boitshepo.  Mme kgalefo ya ga Jehofa+ ya tlela Juda le Jerusalema, mo a neng a ba dira selo sa go rorongwa,+ selo sa go akabalelwa+ le selo sa go leletswa molodi,+ fela jaaka lo bona ka matlho a lona.  Mme bonang, borraaronamogologolwane ba ne ba wa ka tšhaka,+ le bomorwaarona le bomorwadiarona le basadi ba rona ba ne ba le kwa botshwarwa ka ntlha ya seno.+ 10  Jaanong pelo ya me e rata thata gore ke dire kgolagano+ le Jehofa Modimo wa Iseraele, gore bogale jwa gagwe jo bo tukang bo tle bo boe ka morago mo go rona. 11  Jaanong bomorwaaka, lo se ka lwa ikhutsa,+ gonne ke lona ba Jehofa a lo tlhophileng gore lo eme fa pele ga gagwe lo mo direle+ le gore lo tswelele lo le badiredi+ ba gagwe le bakuisi ba mosi wa setlhabelo.”+ 12  Foo Balefi+ ba nanoga, Mahathe morwa Amasai le Joele morwa Asaria wa bomorwa Bakohathe;+ go tswa mo go bomorwa Merari,+ Kishe morwa Abedi le Asaria morwa Jehalelele; go tswa mo Bagereshoneng,+ Joa morwa Sima le Edene morwa Joa; 13  go tswa mo go bomorwa Elisafane,+ Shimeri le Jeuele; go tswa mo go bomorwa Asafe,+ Sekarea le Matania; 14  go tswa mo go bomorwa Hemane,+ Jehiele le Shimei; go tswa mo go bomorwa Jeduthune,+ Shemaia le Usiele. 15  Foo ba phutha bomorwarraabone mmogo mme ba iitshepisa+ mme ba tla go ya ka taelo ya kgosi mo mafokong+ a ga Jehofa, go tla go ntlafatsa+ ntlo ya ga Jehofa. 16  Jaanong baperesiti ba tsena mo teng ga ntlo ya ga Jehofa gore ba e ntlafatse mme ba ntshetsa leswe lotlhe le ba neng ba le fitlhela mo tempeleng ya ga Jehofa kwa lolwapeng+ lwa ntlo ya ga Jehofa. Mme Balefi ba le tsaya gore ba le ntshetse kwa ntle kwa mokgatšheng o o phothoselang wa Kiderona.+ 17  Ka jalo ba simolola go e itshepisa mo letsatsing la ntlha la kgwedi ya ntlha, mme mo letsatsing la borobedi la kgwedi ba tla kwa mathuding+ a ga Jehofa; mo ba neng ba itshepisa ntlo ya ga Jehofa malatsi a le robedi, mme ba fetsa mo letsatsing la bolesome le borataro la kgwedi ya ntlha.+ 18  Morago ga moo ba tsena mo teng kwa go kgosi Hesekia mme ba re: “Re ntlafaditse ntlo yotlhe ya ga Jehofa, sebeso+ sa tshupelo e e fisiwang le dilwana+ tsotlhe tsa sone, le tafole+ ya senkgwe se se tlhatlagantsweng le dilwana+ tsotlhe tsa yone. 19  Mme re baakantse dilwana+ tsotlhe tse Kgosi Ahase+ ka go tlhoka boikanyegi+ jwa gagwe a neng a di tlosa mo tirisong mo nakong ya puso ya gagwe, mme re di itshepisitse;+ mme ke tsele fa pele ga sebeso sa ga Jehofa.” 20  Mme kgosi Hesekia+ a tsoga go sa le phakela+ a phutha dikgosana+ tsa motse mmogo mme a tlhatlogela kwa ntlong ya ga Jehofa. 21  Mme ba tla le dipoo+ di le supa le diphelefu di le supa le dikwanyana tse ditonanyana di le supa le diphoko di le supa e le tshupelo ya boleo+ ya bogosi le ya lefelo le le boitshepo le ya Juda. Mme a bolelela bomorwa Arone e bong baperesiti+ gore ba di ise tshupelo mo sebesong sa ga Jehofa. 22  Ka jalo ba tlhaba+ dikgomo mme baperesiti ba tsaya madi+ ba a kgatšha+ mo sebesong; morago ga moo ba tlhaba diphelefu+ ba bo ba kgatšha madi+ mo sebesong, ba tlhaba dikwanyana tse ditonanyana ba bo ba kgatšha madi mo sebesong. 23  Foo ba atametsa diphoko+ tsa tshupelo ya boleo fa pele ga kgosi le phuthego mme ba di baya diatla.+ 24  Jaanong baperesiti ba di tlhaba mme ba dira tshupelo ya boleo ka madi a tsone mo sebesong, gore ba direle Iseraele yotlhe tetlanyo;+ ka gonne kgosi e ne e rile tshupelo e e fisiwang le tshupelo ya boleo di tshwanetse+ go nna tsa Iseraele+ yotlhe. 25  Fa go sa ntse go ntse jalo, a dira gore Balefi+ ba emisiwe kwa ntlong ya ga Jehofa, ka disemebala,+ ka diletswa tsa megala+ le ka diharepa, + ka taelo ya ga Dafide+ le ya ga Gada+ mmoni wa diponatshegelo wa kgosi le ya ga moporofeti Nathane,+ taelo e ne e tla ka baporofeti+ ba ga Jehofa e le ka seatla sa gagwe. 26  Ka jalo Balefi ba nna ba eme ka diletswa+ tsa ga Dafide, le baperesiti ka diterompeta.+ 27  Foo Hesekia a bolela gore go isiwe setlhabelo se se fisiwang mo sebesong; mme ka nako ya fa tshupelo e e fisiwang e ne e simolola, pina+ ya ga Jehofa ya simolola le diterompeta, ka kaelo ya diletswa tsa ga Dafide kgosi ya Iseraele. 28  Mme phuthego yotlhe e ne e ikobile+ fa pina e ntse e lelela kwa godimo+ le diterompeta di ntse di gelebetega—sotlhe seno go fitlha tshupelo e e fisiwang e fela. 29  Mme fela fa ba fetsa go e isa, kgosi le botlhe ba ba neng ba na le yone ba ikoba mme ba obama.+ 30  Kgosi Hesekia le dikgosana+ jaanong ba raya Balefi ba re ba bake Jehofa ka mafoko a ga Dafide+ le a ga Asafe+ yo e leng mmoni wa diponatshegelo. Ka jalo ba simolola go isa pako ka boipelo,+ mme ba nna ba inama ba obama.+ 31  La bofelo Hesekia a re: “Jaanong lo thatafaleditse+ Jehofa seatla sa lona. Atamelang lo tlise ditlhabelo+ le ditlhabelo tsa go ntshiwa ga ditebogo+ kwa ntlong ya ga Jehofa.” Ka jalo phuthego ya simolola go tlisa ditlhabelo le ditlhabelo tsa go ntshiwa ga ditebogo, le mongwe le mongwe yo o pelo e ratang, a tlisa ditshupelo tse di fisiwang.+ 32  Mme palo ya ditshupelo tse di fisiwang tse phuthego e neng ya di tlisa ya fitlha go dikgomo di le masome a supa, diphelefu di le lekgolo, dikwanyana tse ditonanyana di le makgolo a mabedi—tsotlhe tseno e le tshupelo e e fisiwang e e yang kwa go Jehofa;+ 33  le ditshupelo tse di boitshepo, dikgomo di le makgolo a le marataro le dikete di le tharo tsa letsomane. 34  Ke baperesiti+ fela ba ba neng ba le mmalwa thata ka palo, mme ba ne ba sa kgone go bua ditshupelo tsotlhe tse di fisiwang.+ Ka jalo bomorwarraabone+ e bong Balefi ba ne ba ba thusa go fitlha tiro e fela+ le go fitlha baperesiti ba iitshepisa, gonne Balefi ba ne ba le pelo e e thokgameng+ thata gore ba iitshepise+ go feta baperesiti. 35  Mme gape, ditshupelo tse di fisiwang+ di ne di le dintsi thata ka dinama tse di mafura+ tsa ditlhabelo tsa kabalano+ le ditshupelo tse di nowang+ tsa ditshupelo tse di fisiwang. Tirelo ya ntlo ya ga Jehofa ya baakanngwa+ jalo. 36  Ka gone Hesekia le batho botlhe ba ipelela gore Modimo wa boammaaruri o ne a baakanyeditse batho,+ ka gonne selo seno se diragetse+ fela ka tshoganyetso.

Dintlha Tse di Kwa Tlase