2 Ditiragalo 28:1-27

28  Ahase+ o ne a na le dingwaga di le masome a mabedi fa a simolola go busa, mme a busa dingwaga di le lesome le borataro mo Jerusalema,+ mme a se ka a dira se se siameng mo matlhong a ga Jehofa jaaka Dafide rraagwemogologolwane.+  Mme a tsamaya mo ditseleng tsa dikgosi tsa Iseraele,+ a ba a dira le ditshwantsho tse di thetsweng+ tsa Bobaale.+  Mme a kuisa mosi wa setlhabelo+ mo mokgatšheng wa ga morwa Hinoma+ a ba a fisa bomorwawe+ mo molelong, go ya ka dilo tse di makgapha+ tsa ditšhaba tse Jehofa a neng a di lelekile fa pele ga bomorwa Iseraele.+  Mme ka metlha o ne a ntsha setlhabelo+ e bile a kuisa mosi wa setlhabelo mo mafelong a a kwa godimo+ le mo dithoteng+ le kafa tlase ga setlhare sa mofuta mongwe le mongwe se se golang thata.+  Ka gone Jehofa Modimo wa gagwe a mo tsenya mo seatleng+ sa kgosi ya Siria,+ mo e leng gore ba ne ba mmolaya mme ba tsaya batshwarwa ba le bantsi thata mo go ene ba ba tlisa kwa Damaseko.+ Gape o ne a tsenngwa mo seatleng sa kgosi ya Iseraele,+ mo e neng ya mmolaya ka polao e kgolo.  Ka jalo Peka+ morwa Remalia+ a bolaya ba le dikete di le lekgolo le masome a mabedi mo letsatsing le le lengwe kwa Juda, botlhe e le banna ba ba pelokgale, ka ntlha ya go tlogela ga bone Jehofa+ Modimo wa borraabonemogologolwane.  Mo godimo ga moo, Sikeri, monna yo o thata wa Eferaime,+ a bolaya Maaseia morwa kgosi le Aserikame moeteledipele wa ba ntlo le Elekana yo o tlang kafa morago ga kgosi.  Mo godimo ga moo, bomorwa Iseraele ba isa bomorwarraabone ba le dikete di le makgolo a mabedi botshwarwa, basadi, barwa le barwadi; ba tsaya le thopo e kgolo thata mo go bone e le kgapo, mme morago ga moo ba tlisa thopo eno kwa Samarea.+  Mme ga bo go le moporofeti wa ga Jehofa gone yo leina la gagwe e neng e le Odede. Ka jalo a tswela kwa pele ga masole a a neng a tla mo Samarea mme a a raya a re: “Bonang! E ne e le ka ntlha ya tšararego+ ya ga Jehofa Modimo wa borraalonamogologolwane kgatlhanong le Juda go bo a ne a ba tsenya mo seatleng sa lona, mo lo neng lwa bolaya mo gare ga bone ka tšararego+ e e neng ya fitlha fela kwa magodimong.+ 10  Mme jaanong lo akanya go dira bomorwa Juda le Jerusalema batlhanka+ le malata a lona. Le fa go ntse jalo, a lona ka bolona ga lo a direla Jehofa Modimo wa lona melato? 11  Jaanong ntheetsang mme lo buse batshwarwa ba lo ba tshwereng mo go bomorwarraalona,+ gonne bogale jo bo tukang jwa ga Jehofa bo a lo tukela.”+ 12  Foo banna bangwe ba ditlhogo+ tsa bomorwa Eferaime,+ e bong Asaria morwa Jehohanane, Berekia morwa Meshilemothe le Jehisikia morwa Shalume le Amasa morwa Hadelai, ba tsogologela ba ba tlang ba tswa mo letsholong la sesole, 13  mme ba ba raya ba re: “Lo se ka lwa tlisa batshwarwa fano, gonne go tla felela ka gore re nne le molato mo go Jehofa. Lo akanya go oketsa maleo a rona le molato wa rona, gonne molato o re nang le one o mogolo,+ e bile go na le bogale jo bo tukelang+ Iseraele.” 14  Ka jalo banna ba ba tlhometseng+ ba tlogela batshwarwa+ le kgapo fa pele ga dikgosana+ le phuthego yotlhe. 15  Foo banna ba ba neng ba tlhaotswe ka maina+ ba nanoga ba tshwara batshwarwa bano, mme botlhe ba bone ba ba neng ba sa ikatega ba ba apesa+ ka dilo tse di tswang mo thopong. Ka jalo ba ba apesa ba ba naya bompaatšhane mme ba ba fepa+ ba ba naya sa go nwa+ le go ba tlotsa. Mo godimo ga moo, bape fela ba bone ba ba reketlang, ba ba pega+ mo dieseleng ba bo ba ba tlisa mo Jeriko,+ motse wa ditlhare tsa mokolane,+ kwantle ga bomorwarraabone. Morago ga moo ba boela kwa Samarea.+ 16  Ka nako eo Kgosi Ahase+ a roma kwa dikgosing tsa Asiria+ gore di mo thuse. 17  Mme Baedoma+ ba boa gape ba tsena mme ba kgemetha Juda le go tsaya batshwarwa. 18  Fa e le Bafilisitia+ bone, ba tlhasela metse ya Shefela+ le Negebe+ wa Juda ba bo ba thopa Bethe-shemeshe+ le Aijalona+ le Gederothe le Soko le metse e e kafa tlase ga gagwe le Temena+ le metse e e kafa tlase ga gagwe le Gimeso le metse e e kafa tlase ga gagwe; mme ba nna teng. 19  Gonne Jehofa o ne a kokobetsa+ Juda ka ntlha ya ga Ahase kgosi ya Iseraele, ka gonne o ne a letla gore go tlhoka boikgapo go gole mo Juda,+ mme Jehofa o ne a direlwa ka go tlhoka boikanyegi mo gogolo. 20  Kgabagare Tilegathe-pilenesere+ kgosi ya Asiria a mo tsogologela mme a mo tshwenya+ thata, mme a se ka a mo nonotsha. 21  Gonne Ahase o ne a tsaya dilwana tsa ntlo ya ga Jehofa+ le ntlo ya kgosi+ le ya dikgosana+ a ba a naya kgosi ya Asiria+ mpho; mme go ne ga se ka ga mo thusa ka sepe. 22  Le fa go ntse jalo, ka nako ya fa a ne a mo tshwenya, o ne a direla Jehofa ka go tlhoka boikanyegi le go feta, ke gore, go dira+ jalo Kgosi Ahase. 23  Mme a simolola go ntshetsa medimo+ ya Damaseko+ e e neng e mo tlhasela ditlhabelo, mme a tswelela a re: “Ka gonne medimo ya dikgosi tsa Siria e a ba thusa,+ ke tla e ntshetsa ditlhabelo, gore e tle e nthuse.”+ Mme yone ka boyone e ne ya dira gore ene le Iseraele yotlhe ba kgotšwe.+ 24  Mo godimo ga moo, Ahase a phutha dilwana+ tsa ntlo ya Modimo wa boammaaruri mmogo mme a thubaganya dilwana tsa ntlo ya Modimo wa boammaaruri,+ a ba a tswala dikgoro+ tsa ntlo ya ga Jehofa, gape a itirela dibeso kwa sekhutlong sengwe le sengwe mo Jerusalema.+ 25  Mme mo metseng yotlhe, le e leng metse ya Juda, a dira mafelo+ a a kwa godimo gore a kuisetse medimo e mengwe mosi wa setlhabelo+ mo go one, mo a neng a kgopisa+ Jehofa Modimo wa borraagwemogologolwane. 26  Fa e le ditiragalo+ tse dingwe tsotlhe tsa gagwe le ditsela tsotlhe tsa gagwe, tsa ntlha le tsa bofelo, di kwadilwe mo Bukeng+ ya Dikgosi tsa Juda le tsa Iseraele. 27  Labofelo Ahase a lala le borraagwemogologolwane, mme ba mo fitlha mo motseng, mo Jerusalema, gonne ba ne ba se ka ba mo tlisa kwa mafelong a go fitlhela a dikgosi tsa Iseraele.+ Mme Hesekia morwawe a simolola go busa mo boemong jwa gagwe.

Dintlha Tse di Kwa Tlase