2 Ditiragalo 25:1-28

25  Amasia+ o ne a nna kgosi a le dingwaga di le masome a mabedi le botlhano, mme a busa mo Jerusalema dingwaga di le masome a mabedi le borobongwe. Leina la ga mmaagwe e ne e le Jehoadane+ wa Jerusalema.  Mme a tswelela go dira se se siameng mo matlhong a ga Jehofa,+ fela e seng ka pelo e e feletseng.+  Ga diragala gore fela fa bogosi bo sena go nonofa mo go ene, a akofa a bolaya+ batlhanka+ ba gagwe ba ba neng ba bolaile kgosi e bong rraagwe.+  Mme a se ka a bolaya bomorwaabone, mme a dira go ya ka se se kwadilweng mo molaong, mo bukeng ya ga Moshe,+ se Jehofa a se laetseng, a re: “Borre ga ba a tshwanela go swela barwa,+ le fa e le barwa ga ba a tshwanela go swela borraabone;+ mme mongwe le mongwe o tshwanetse go swela boleo jwa gagwe ka namana.”+  Amasia a phutha Juda mmogo mme a dira gore ba eme go ya ka ntlo ya borraabonemogologolwane,+ ka balaodi ba dikete+ le ka balaodi ba makgolo+ ba Juda yotlhe le Benjamine; mme a ba kwadisa go simolola ka ba ba nang le dingwaga di le masome a mabedi+ go ya kwa godimo, labofelo a fitlhela e le banna ba le dikete di le makgolo a mararo ba ba tlhophilweng ka kelotlhoko ba ba yang sesoleng, ba ba tsholang lerumo+ le thebe e kgolo.+  Mo godimo ga moo, a thapa banna ba ba pelokgale ba ba thata go tswa kwa Iseraele ba le dikete di le lekgolo ka ditalenta di le lekgolo tsa selefera.  Mme monna mongwe wa Modimo+ wa boammaaruri a tla kwa go ene, a re: “Oo kgosi, o se ka wa letla mophato wa sesole wa Iseraele go tla le wena, gonne Jehofa ga a na le Iseraele,+ ke gore, bomorwa Eferaime botlhe.  Mme wena ka bowena tla, o tseye kgato, o nne pelokgale mo ntweng.+ Modimo wa boammaaruri o ne a ka dira gore o kgotšwe fa pele ga mmaba; gonne Modimo o na le maatla a go thusa+ le go baka sekgopi.”+  Foo Amasia+ a raya monna wa Modimo wa boammaaruri a re: “Mme go tla dirwang ka ditalenta di le lekgolo tse ke di neileng masole a Iseraele?”+ Foo monna wa Modimo wa boammaaruri a re: “Jehofa o na le dithata tsa go go naya mo gontsi thata go feta mono.”+ 10  Ka jalo Amasia a ba kgaoganya, e bong, masole a a neng a tlile kwa go ene go tswa kwa Eferaime, gore a ye kwa lefelong la one. Le fa go ntse jalo, bogale jwa bone jwa tukela Juda fela thata, mo ba neng ba boela kwa lefelong la bone ba tuka bogale.+ 11  Mme fa e le Amasia ene, o ne a nna pelokgale mme a etelela batho ba gagwe pele mme a ya kwa Mokgatšheng wa Letswai;+ mme a kgemetha bomorwa Seire,+ ba le dikete di le lesome.+ 12  Mme go ne go na le ba le dikete di le lesome ba bomorwa Juda ba neng ba ba tshwara ba ntse ba tshela. Ka jalo ba ba tlisa kwa godimo ga lefika le legolo, mme ba ba latlha go tswa kwa godimo ga lefika; mme botlhe fela, ba phatloga.+ 13  Fa e le maloko a mophato wa masole a Amasia a neng a a busa gore a se ka a ya ntweng+ le ene, a simolola go tlhasela metse ya Juda, go simolola kwa Samarea+ go fitlha fela kwa Bethe-horona,+ mme a kgemetha ba le dikete di le tharo a bo a tsaya thopo e kgolo. 14  Ga diragala fa Amasia a sena go boa kwa go kgemetheng Baedoma gore jaanong a tlise medimo+ ya bomorwa Seire mme a e itlhomela jaaka medimo,+ a ikoba+ fa pele ga yone, a ba a simolola go e kuisetsa mosi wa setlhabelo.+ 15  Ka gone bogale jwa ga Jehofa jwa tukela Amasia, ka jalo a romela moporofeti kwa go ene mme a mo raya a re: “Ke ka ntlha yang fa o batlile+ medimo+ ya batho e e neng ya se ka ya golola batho ba yone mo seatleng+ sa gago?” 16  Ga diragala gore fa a bua le ene ka yone nako eo kgosi e mo reye e re: “A re ne ra go tlhoma go nna mogakolodi wa kgosi?+ Tlogela, gore go tle go nne molemo ka wena.+ Ke ka ntlha yang fa ba tshwanetse go go bolaya?” Ka jalo moporofeti a tlogela, mme a re: “Ruri ke a itse gore Modimo o sweditse ka gore a go senye,+ ka gonne o dirile selo seno+ e bile ga o a reetsa kgakololo+ ya me.” 17  Foo Amasia kgosi ya Juda a lopa kgakololo mme a roma kwa go Jehoashe morwa Jehoahase morwa Jehu kgosi ya Iseraele,+ a re: “Tla! A re lebane difatlhego.”+ 18  Foo Jehoashe kgosi ya Iseraele a roma kwa go Amasia kgosi ya Juda, a re:+ “Mofero o o mitlwa o o neng o le kwa Lebanona o ne a wa roma kwa mosedareng o o neng o le kwa Lebanona,+ o re: ‘Naya morwaake morwadio go nna mosadi.’+ Le fa go ntse jalo, sebatana+ sa naga se se neng se le kwa Lebanona se ne sa feta mme sa gataka mofero o o mitlwa. 19  O itheile wa re, Bona, o kgemethile Edoma.+ Mme pelo+ ya gago e go tsholeditse gore o galalediwe.+ Jaanong tswelela o nne mo ntlong+ ya gago. Ke ka ntlha yang fa o tshwanetse go tsena mo ntweng mo maemong a a maswe+ mme wa tshwanelwa ke go wa, wena mmogo le Juda?”+ 20  Mme Amasia a se ka a reetsa; gonne go ne go tswa kwa Modimong+ wa boammaaruri ka boikaelelo jwa go ba tsenya mo seatleng sa gagwe, ka gonne ba ne ba batlile medimo ya Edoma.+ 21  Ka jalo Jehoashe kgosi ya Iseraele a tla,+ mme ba lebana difatlhego,+ ene le Amasia kgosi ya Juda, kwa Bethe-shemeshe+ wa Juda. 22  Mme Juda a fenngwa fa pele ga Iseraele,+ mo mongwe le mongwe a neng a tshabela kwa mogopeng+ wa gagwe. 23  Mme e ne e le Amasia kgosi ya Juda, morwa Jehoashe morwa Jehoahase, yo Jehoashe kgosi ya Iseraele a neng a mo tshwara+ kwa Bethe-shemeshe, morago ga moo a mo tlisa mo Jerusalema+ mme a bula phatlha mo loboteng lwa Jerusalema, go tswa kwa Kgorong ya Eferaime+ go fitlha kwa Kgorong ya Kgokgotsho,+ dikubita di le makgolo a manè. 24  Mme a tsaya gouta yotlhe le selefera le dilwana tsotlhe tse di neng di fitlhelwa mo ntlong ya Modimo wa boammaaruri di na le Obede-edome+ le matlotlo a ntlo+ ya kgosi le ba ba tshwaretsweng go rekololwa, mme a boela kwa Samarea.+ 25  Amasia+ morwa Jehoashe kgosi ya Juda a tswelela go tshela dingwaga di le lesome le botlhano+ morago ga loso lwa ga Jehoashe+ morwa Jehoahase kgosi ya Iseraele. 26  Fa e le ditiragalo tse dingwe tsotlhe tsa ga Amasia, tsa ntlha le tsa bofelo,+ bona! a ga di a kwalwa mo Bukeng+ ya Dikgosi tsa Juda le Iseraele?+ 27  Go simolola ka nako e Amasia a neng a fapoga mo go saleng Jehofa morago, ba ne ba mo logela leano la boferefere+ kwa Jerusalema. Kgabagare a tshabela kwa Lakishe;+ mme ba roma gore a latelwe kwa Lakishe mme a bolaelwa gone.+ 28  Ka jalo ba mo tsaya ka dipitse+ ba mo fitlha le borraagwemogologolwane mo motseng wa Juda.+

Dintlha Tse di Kwa Tlase