2 Ditiragalo 23:1-21

23  Mme mo ngwageng wa bosupa Jehoiada+ a itshupa a le pelokgale mme a tsaya balaodi ba makgolo,+ e bong, Asaria morwa Jerohame, le Ishemaele morwa Jehohanane le Asaria morwa Obede le Maaseia morwa Adaia le Elishafate morwa Sikeri, a tsena le bone mo kgolaganong.  Morago ga moo ba tsamayatsamaya mo Juda yotlhe ba phutha Balefi+ mmogo mo metseng yotlhe ya Juda le ditlhogo+ tsa ba matlo a borre+ ba Iseraele. Ka jalo ba tla mo Jerusalema.  Foo phuthego yotlhe ya dira kgolagano+ le kgosi mo ntlong+ ya Modimo wa boammaaruri, morago ga moo ya ba raya ya re: “Bonang! Morwa+ kgosi ka boene o tla busa,+ fela jaaka Jehofa a ne a solofetsa ka ga bomorwa Dafide.+  Se lo tla se dirang ke se: ntlha ya lona ya seraro e e tsenang ka sabata,+ ya baperesiti+ le ya Balefi,+ e tla nna ya balebedi ba dikgoro;+  mme ntlha e nngwe ya seraro e tla nna kwa ntlong ya kgosi;+ mme ntlha e nngwe ya seraro e tla nna kwa Kgorong ya Motheo;+ mme batho botlhe ba tla bo ba le mo malwapeng+ a ntlo ya ga Jehofa.  Mme o se ka wa letla ope go tsena mo ntlong ya ga Jehofa+ fa e se fela baperesiti le Balefi ba ba direlang.+ Bano ke ba ba tla tsenang, ka gonne ke setlhopha se se boitshepo,+ mme batho botlhe ba tla boloka boikarabelo mo go Jehofa.  Mme Balefi ba dikanyetse kgosi gotlhe fela,+ mongwe le mongwe ka dibetsa tsa gagwe mo diatleng; mme ope fela yo o tsenang mo ntlong, o tshwanetse go bolawa. Mme lo tswelele lo na le kgosi fa e tsena le fa e tswa.”  Mme Balefi le Juda yotlhe ba dira kafa go sotlhe se moperesiti Jehoiada+ a neng a se laetse.+ Ka jalo mongwe le mongwe wa bone a tsaya banna ba gagwe ba ba neng ba tsena ka sabata mmogo le ba ba neng ba tswa ka sabata,+ gonne moperesiti Jehoiada o ne a sa golola makgamu+ mo tirong.  Mo godimo ga moo, moperesiti Jehoiada a naya balaodi ba makgolo+ marumo le dithebe le dithebe+ tse di kgolokwe tse e neng e le tsa ga Kgosi Dafide,+ tse di neng di le mo ntlong ya Modimo wa boammaaruri.+ 10  Mme a emisa batho botlhe,+ mongwe le mongwe wa bone ka sebetsa sa gagwe se se konopiwang mo seatleng, go tswa letlhakoreng la moja la ntlo go fitlha kwa letlhakoreng la molema la ntlo, fa thoko ga sebeso le fa thoko ga ntlo, gotlhe fela gaufi le kgosi. 11  Morago ga moo ba ntsha+ morwa kgosi mme ba mo rwesa serwalo sa segosi+ le Tshupo+ mme ba mo dira kgosi, ka jalo Jehoiada le bomorwawe ba mo tlotsa+ mme ba re: “A kgosi e tshele!”+ 12  E rile Athalia a utlwa modumo wa batho ba siana ba baka kgosi,+ a akofa a tla kwa bathong kwa ntlong ya ga Jehofa. 13  Foo a leba, mme kgosi ya bo e eme fa pilareng+ ya yone fa botsenong, le dikgosana+ le diterompeta+ di le fa kgosing, mme batho botlhe ba lefatshe ba ne ba ipela+ ba letsa+ diterompeta, le baopedi+ ka diletswa tsa pina le ba ba ntshang sesupo sa go isiwa ga pako. Ka yone nako eo Athalia a gagoganya diaparo tsa gagwe mme a re: “Leano la boferefere! Leano la boferefere!”+ 14  Mme moperesiti Jehoiada a ntsha balaodi ba makgolo, ba ba tlhomilweng ba mophato wa sesole, a ba raya a re: “Mo ntsheng mo gare ga mela;+ mme le fa e le ope yo o tlang fa morago ga gagwe, a a bolawe ka tšhaka!” Gonne moperesiti o ne a rile: “Lo se ka lwa mmolaela mo ntlong ya ga Jehofa.” 15  Ka jalo ba mo tsenya diatla. E rile a tla fa botsenong jwa kgoro ya dipitse ya ntlo ya kgosi, ba akofa ba mmolaela koo.+ 16  Go tswa foo Jehoiada a dira kgolagano fa gare ga gagwe le batho botlhe le kgosi gore ba ne ba tla tswelela e le batho+ ba ga Jehofa. 17  Morago ga moo batho botlhe ba tla mo ntlong ya ga Baale mme ba e rutla;+ ba senya+ dibeso+ tsa gagwe le ditshwantsho tsa gagwe, mme ba bolaela+ Matane+ moperesiti wa ga Baale fa pele ga dibeso. 18  Mo godimo ga moo, Jehoiada a tsenya ditiro tsa ntlo ya ga Jehofa mo seatleng sa baperesiti le Balefi, ba Dafide+ a neng a ba beile ka makgamu mo ntlong ya ga Jehofa gore ba ise ditlhabelo tse di fisiwang tsa ga Jehofa go ya ka se se kwadilweng mo molaong wa ga Moshe,+ ka go ipela le ka pina ka diatla tsa ga Dafide. 19  Ka jalo a emisa balebedi ba dikgoro+ fa dikgorong+ tsa ntlo ya ga Jehofa gore ope yo o seng phepa ka tsela epe fela a se ka a tsena. 20  Jaanong a tsaya balaodi ba makgolo+ le barena le babusi ba ba okametseng batho le batho botlhe ba lefatshe mme a folosa kgosi mo ntlong ya ga Jehofa.+ Foo ba tla ba tsena ka kgoro e e kwa godimo ba ya kwa ntlong ya kgosi mme ba nnisa kgosi mo setulong sa bogosi.+ 21  Mme batho botlhe ba lefatshe ba tswelela go ipela;+ le motse o ne o se na matshwenyego, mme Athalia ene ba ne ba mmolaile ka tšhaka.+

Dintlha Tse di Kwa Tlase