2 Ditiragalo 20:1-37

20  Mme ga diragala morago ga moo gore bomorwa Moabe+ le bomorwa Amona+ ba na le bangwe ba Baamonime+ ba tsogologele Jehoshafate ka ntwa.+  Ka jalo batho ba tla ba bolelela Jehoshafate, ba re: “Go na le boidiidi jo bogolo jo bo go tsogologetseng go tswa kwa kgaolong ya lewatle, go tswa kwa Edoma;+ mme bona, bo kwa Hasasone-tamare, ke go re, Ene-gedi.”+  Foo Jehoshafate a boifa+ mme a ikemisetsa go batla Jehofa.+ Ka jalo a bolela gore Juda yotlhe e itime dijo.+  Kgabagare ba Juda ba phuthega mmogo go tla go botsa Jehofa.+ Le e leng go tswa metseng yotlhe ya Juda ba tla go lopa kgakololo mo go Jehofa.+  Foo Jehoshafate a ema mo phuthegong ya Juda le ya Jerusalema mo ntlong ya ga Jehofa+ fa pele ga lolwapa+ lo losha,  mme a re:+ “Ao tlhe Jehofa Modimo wa borraaronamogologolwane,+ a ga o Modimo kwa magodimong,+ mme a ga o laole magosi otlhe a ditšhaba,+ le gone a mo seatleng sa gago ga go na maatla le thata, go se na ope yo o ka emelelanang le wena?+  A wena ka bowena, tlhe Modimo wa rona,+ ga wa leleka banni ba lefatshe leno fa pele ga batho ba gago ba Iseraele+ o bo o le naya+ losika lwa ga Aborahame, moratiwa+ wa gago, ka bosakhutleng?  Ba ne ba nna mo go lone, ba bo ba go agela lefelo le le boitshepo mo go lone ba le agela leina+ la gago, ba re,  ‘Fa go ka tla masetlapelo+ mo go rona, tšhaka, katlholo e e botlhoko, kgotsa bolwetse jwa leroborobo+ kgotsa leuba,+ a re emeng fa pele ga ntlo+ eno le fa pele ga gago (gonne leina+ la gago le mo ntlong eno), gore re ikuele kwa go wena re kope thuso gore re tswe mo matshwenyegong a rona, e kete o ka utlwa mme wa boloka.’+ 10  Mme jaanong bona, bomorwa Amona,+ le Moabe+ le kgaolo e e dithaba ya Seire,+ ba o neng wa se ka wa letla Iseraele go ba tlhasela fa e ne e tswa mo lefatsheng la Egepeto, mme ya ba fapoga ya se ka ya ba nyeletsa,+ 11  ee, ke bano ba re duela+ ka go tsena ba tla go re leleka mo thuong ya gago e o dirileng gore re e rue.+ 12  Ao tlhe Modimo wa rona, a ga o kitla o diragatsa katlholo mo go bone?+ Gonne mo go rona ga go na maatla fa pele ga boidiidi jo bogolo jono jo bo re tsogologelang;+ mme rona ka borona ga re itse gore re dire eng,+ mme matlho a rona a kwa go wena.”+ 13  Mo nakong eno yotlhe ba Juda botlhe ba ne ba eme fa pele ga ga Jehofa,+ le e leng ba bannye ba bone,+ basadi ba bone le bomorwaabone. 14  Jaanong fa e le Jahasiele morwa Sekarea morwa Benaia morwa Jeiele morwa Matania wa Molefi wa bomorwa Asafe,+ moya+ wa ga Jehofa wa nna mo go ene mo gare ga phuthego. 15  Ka gone a re: “Tlhwayang tsebe, Juda yotlhe le lona banni ba Jerusalema le Kgosi Jehoshafate! Jehofa o lo reile a re, ‘Lo se ka lwa boifa+ kgotsa lwa tshoga ka ntlha ya boidiidi jo bogolo jono; gonne tlhabano ga se ya lona, mme ke ya Modimo.+ 16  Ka moso lo ba tsogologele. Ke bale ba tla ka tselana ya Sise; mme ruri lo tla ba fitlhela kwa bokhutlong jwa mokgatšha o o phothoselang fa pele ga naga ya Jeruele. 17  Ga lo kitla lo tlhoka go lwa+ mo lekgetlong leno. Emang mo maemong a lona, emang fela+ mme lo bone poloko+ ya ga Jehofa mo boemong jwa lona. Wena Juda le Jerusalema, lo se ka lwa boifa kgotsa lwa tshoga.+ Ka moso lo ba tsogologele, mme Jehofa o tla nna le lona.’”+ 18  Jehoshafate a akofa a ikoba sefatlhego sa gagwe se lebile fa fatshe,+ mme Juda yotlhe le banni ba Jerusalema ka bobone ba wela fa fatshe fa pele ga ga Jehofa gore ba ikobele Jehofa.+ 19  Foo Balefi+ ba bomorwa Bakohathe+ le ba bomorwa Bakora+ ba nanoga gore ba bake Jehofa Modimo wa Iseraele ka lentswe le le kwa godimo ka tsela e e sa tlwaelegang.+ 20  Mme ba tsoga go sa le phakela ba tswela kwa nageng+ ya Tekoa.+ Mme fa ba ne ba tswa, Jehoshafate a ema mme a re: “Nkutlwang, wena Juda le lona banni ba Jerusalema!+ Nnang le tumelo+ mo go Jehofa Modimo wa lona gore lo tle lo nne lobaka lo loleele. Nnang le tumelo mo baporofeting+ ba gagwe mme lo atlege.” 21  Mo godimo ga moo, a gakololana+ le batho a ba a emisa ba ba opelelang+ Jehofa le ba ba isang pako+ ba le mo mokgabong o o boitshepo+ jaaka ba ne ba tswa ba le kwa pele ga banna ba ba tlhometseng, a re: “Bakang Jehofa,+ gonne bopelonomi jwa gagwe jwa lorato+ ke jwa bosakhutleng.” 22  Mme ka nako e ba neng ba simolola go goa ka boipelo le pako, Jehofa a baya banna gore ba lalele+ bomorwa Amona, Moabe le kgaolo e e dithaba ya Seire ba ba neng ba tla mo Juda, mme ba kgemethana.+ 23  Mme bomorwa Amona le Moabe ba tsogologela banni ba kgaolo e e dithaba ya Seire+ gore ba ba senye le go ba nyeletsa; mme fela fa ba sena go fetsa ka banni ba Seire, ba thusana gore mongwe le mongwe a senye+ mongwe ka ene. 24  Mme fa e le Juda yone, e ne ya tla mo toreng ya tebelo ya naga.+ E rile ba lebisa difatlhego tsa bone kwa boidiiding, bona, ditopo tsa bone tsa bo di wetse fa fatshe+ go se na ope yo o falotseng. 25  Ka jalo Jehoshafate le batho ba gagwe ba tla go gapa thopo+ mo go bone, mme mo gare ga bone ba fitlhela dithoto di le dintsi le diaparo le dilwana tse di eletsegang; mme ba ba di amoga go fitlha ba sa tlhole ba kgona go tshola sepe.+ Mme ya nna malatsi a le mararo ba ntse ba gapa thopo, gonne e ne e le ntsi. 26  Mme mo letsatsing la bonè ba phuthega mmogo kwa lebaleng le le kwa tlase la Beraka, gonne ba ne ba baka Jehofa+ gone. Ke gone ka moo ba neng ba raya lefelo leo leina+ ba re Lebala le le kwa Tlase la Beraka—go fitlha gompieno. 27  Foo banna botlhe ba Juda le Jerusalema ba boa, Jehoshafate a le kwa tlhogong ya bone, ba boela kwa Jerusalema ka boipelo, gonne Jehofa o ne a dirile gore ba ipele ka ntlha ya baba+ ba bone. 28  Ka jalo ba tla mo Jerusalema ka diletswa tsa megala+ le ka diharepa+ le ka diterompeta+ kwa ntlong ya ga Jehofa.+ 29  Mme go boifa+ Modimo ga nna mo magosing otlhe a mafatshe fa ba ne ba utlwa gore Jehofa o ne a lole le baba ba Iseraele.+ 30  Ka jalo puso ya segosi ya ga Jehoshafate ya nna e se na matshwenyego, mme Modimo wa gagwe a tswelela go mo naya boikhutso mo tikologong yotlhe.+ 31  Jehoshafate+ a tswelela go busa mo Juda. O ne a na le dingwaga di le masome a mararo le botlhano fa a ne a simolola go busa, mme o ne a busa mo Jerusalema dingwaga di le masome a mabedi le botlhano. Mme leina la ga mmaagwe e ne e le Asuba+ morwadia Shili. 32  Mme a nna a tsamaya mo tseleng ya ga Asa+ rraagwe, a se ka a fapoga mo go yone, ka go dira se se neng se siame mo matlhong a ga Jehofa.+ 33  Ke mafelo a a kwa godimo+ fela a a neng a se ka a nyelela; mme batho ka bobone ba ne ba ise ba baakanyetse Modimo wa borraabonemogologolwane+ pelo ya bone. 34  Fa e le ditiragalo tse dingwe tsotlhe tsa ga Jehoshafate, tsa ntlha le tsa bofelo, di kwadilwe mo mafokong a ga Jehu+ morwa Hanani,+ a a neng a tsenngwa mo Bukeng+ ya Dikgosi tsa Iseraele. 35  Mme morago ga seno Jehoshafate kgosi ya Juda a nna le bolekane le Ahasia+ kgosi ya Iseraele, yo o neng a dira ka boikepo.+ 36  Ka jalo a mo dira molekane le ene mo go direng dikepe tse di yang Tareshishe+ mme ba dira dikepe kwa Esione-gebere.+ 37  Le fa go ntse jalo, Eliesere morwa Dodafau wa Maresha a bua kgatlhanong le Jehoshafate a porofeta, a re: “E re ka o ile wa nna le bolekane le Ahasia,+ ruri Jehofa o tla thubaganya ditiro tsa gago.”+ Ka jalo dikepe di ne tsa thubega,+ mme tsa se ka tsa nna le nonofo ya go ya kwa Tareshishe.+

Dintlha Tse di Kwa Tlase