2 Ditiragalo 18:1-34

18  Mme Jehoshafate a nna le dikhumo le kgalalelo e ntsi;+ mme a dira kgolagano ya lenyalo+ le Ahabe.+  Ka jalo dingwaga moragonyana a ya kwa go Ahabe kwa Samarea;+ mme Ahabe a ntshetsa ene le batho ba a neng a na le bone setlhabelo sa dinku+ le dikgomo tse dintsi. Mme a simolola go mo gogela+ gore a tsogologele Ramothe-gileade.+  Mme Ahabe kgosi ya Iseraele a raya Jehoshafate kgosi ya Juda a re: “A o tla ya le nna kwa Ramothe-gileade?”+ Foo a mo raya a re: “Ke tshwana le wena, le batho ba me ba tshwana le batho ba gago e bile ba na le wena mo ntweng.”+  Le fa go ntse jalo, Jehoshafate a raya kgosi ya Iseraele a re: “Tsweetswee, kopa+ lefoko la ga Jehofa pele.”  Ka jalo kgosi ya Iseraele ya phutha baporofeti+ mmogo, banna ba le makgolo a manè, mme ya ba raya ya re: “A re tsogologele Ramothe-gileade ka ntwa, kgotsa ke tlogele?”+ Mme ba simolola go re: “Tlhatloga, mme Modimo wa boammaaruri o tla e tsenya mo seatleng sa kgosi.”  Mme Jehoshafate a re: “A ga go na moporofeti yo mongwe wa ga Jehofa fano?+ A re botseng ka ene.”+  Foo kgosi ya Iseraele ya raya Jehoshafate+ ya re: “Go sa ntse go na le monna+ a le mongwe yo re ka botsang ka ene mo go Jehofa, mme nna ruri ke mo tlhoile,+ gonne, malatsi otlhe a gagwe, o porofeta dilo tse di seng molemo ka nna mme o porofeta tse di bosula.+ Ke Mikaia morwa Imela.”+ Le fa go ntse jalo, Jehoshafate a re: “A kgosi e se ka ya bua selo se se ntseng jalo.”+  Ka jalo kgosi ya Iseraele ya bitsa modiredi mongwe wa ntlo ya kgosi+ mme ya re: “Tlisa Mikaia morwa Imela ka bonako.”+  Jaanong kgosi ya Iseraele le Jehoshafate kgosi ya Juda mongwe le mongwe wa bone o ne a ntse mo setulong sa gagwe sa bogosi, a apere diaparo tsa segosi,+ mme ba ne ba ntse mo seboaneng fa botsenong jwa kgoro ya Samarea; mme baporofeti botlhe ba ne ba dira jaaka baporofeti fa pele ga bone.+ 10  Go tswa foo Sedekia morwa Kenana o ne a itirela dinaka+ tsa tshipi mme a re: “Jehofa o buile jaana,+ ‘O tla kgorometsa Basiria ka tseno go fitlha o ba fedisa.’”+ 11  Mme baporofeti ba bangwe botlhe ba ne ba porofeta se se tshwanang le seo, ba re: “Tlhatlogela kwa Ramothe-gileade mme o atlege,+ mme ruri Jehofa o tla e tsenya mo seatleng sa kgosi.”+ 12  Mme morongwa yo o neng a ile go bitsa Mikaia a bua le ene, a re: “Bona! Mafoko a baporofeti a dumalana ka go nna molemo mo kgosing; mme mma lefoko la gago, tsweetswee, le nne jaaka lengwe la one+ mme o bue molemo.”+ 13  Mme Mikaia a re: “Jaaka Jehofa a tshedile,+ se Modimo wa me o tla se buang, ke sone se ke tla se buang.”+ 14  Mme a tsena kwa kgosing, mme kgosi ya mo raya ya re: “Mikaia, a re ye Ramothe-gileade ka ntwa, kgotsa ke tlogele?” Gone fela foo a re: “Tlhatloga mme o atlege; mme ba tla tsenngwa mo seatleng sa lona.”+ 15  Foo kgosi ya mo raya ya re: “Ke go ikanisa+ ga kae gore o se ka wa bua sepe le nna fa e se boammaaruri fela mo leineng la ga Jehofa?”+ 16  Ka jalo a re: “Ruri ke bona Baiseraele botlhe ba gasame mo dithabeng, jaaka dinku tse di se nang modisa.+ Mme Jehofa o ne a re: ‘Bano ga ba na beng.+ Mma mongwe le mongwe wa bone a boele kwa ntlong ya gagwe ka kagiso.’”+ 17  Go tswa foo kgosi ya Iseraele ya raya Jehoshafate ya re: “A ga ke a go raya ka re, ‘Ga a kitla a porofeta dilo tse di molemo ka nna, fa e se tse di bosula fela’?”+ 18  Mme a tswelela a re: “Ka jalo utlwang lefoko la ga Jehofa:+ Ruri ke bona Jehofa a ntse mo setulong sa gagwe sa bogosi+ mme masomosomo+ otlhe a magodimo a eme kafa mojeng wa gagwe le kafa molemeng+ wa gagwe. 19  Mme Jehofa a re, ‘Ke mang yo o tla tsietsang Ahabe kgosi ya Iseraele gore a tlhatlogele kwa Ramothe-gileade mme a wele teng?’ Mme ga buiwa, yono a bua seno, mme yole a bua sele.+ 20  La bofelo moya+ wa tswa wa ema fa pele ga ga Jehofa wa re, ‘Nna ka bonna ke tla mo tsietsa.’ Foo Jehofa a o raya a re, ‘Ka eng?’+ 21  Foo wa re, ‘Ke tla tswa, mme ke nne moya o o tsietsang mo molomong wa baporofeti+ botlhe ba gagwe.’ Ka jalo a re, ‘O tla mo tsietsa, mme mo godimo ga moo, o tla fenya.+ Tswa mme o dire jalo.’+ 22  Mme jaanong bona, Jehofa o tsentse moya o o tsietsang mo molomong wa baporofeti bano ba gago;+ mme Jehofa ka boene o buile masetlapelo ka ga gago.”+ 23  Sedekia+ morwa Kenana+ jaanong a atamela a itaya Mikaia+ mo lerameng+ a ba a re: “Tota ke ka tsela efe moya wa ga Jehofa o neng wa tswa mo go nna gore o bue le wena?”+ 24  Foo Mikaia a re: “Bona! O tla bona gore ke ka tsela efe mo letsatsing+ leo fa o tla bo o tsena mo ntlwaneng e e kwa tengteng gore o iphitlhe.”+ 25  Go tswa foo kgosi ya Iseraele ya re: “Tsayang Mikaia lo mmusetse kwa go Amone molaodi wa motse le kwa go Joashe morwa kgosi.+ 26  Mme lo re, ‘Kgosi e buile jaana: “Tsenyang motho yono mo ntlong ya kgolegelo+ mme lo mo fepe ka kabelo e e fokoditsweng ya senkgwe+ le ka kabelo e e fokoditsweng ya metsi go fitlha ke boa ka kagiso.”’”+ 27  Foo Mikaia a re: “Fa o ka boa ka kagiso, Jehofa ga a bua le nna.”+ Mme a oketsa a re: “Utlwang, lona ditšhaba tsotlhe.”+ 28  Mme kgosi ya Iseraele le Jehoshafate kgosi ya Juda ba tlhatlogela kwa Ramothe-gileade.+ 29  Jaanong kgosi ya Iseraele ya raya Jehoshafate ya re: “Ke tla ikgakisa+ batho ke bo ke tsena mo tlhabanong, mme fa e le wena, o apare diaparo+ tsa gago.” Ka jalo kgosi ya Iseraele ya ikgakisa batho, mme morago ga moo ba tsena mo tlhabanong.+ 30  Fa e le kgosi ya Siria yone, e ne e laetse balaodi ba dikara tse e neng e le tsa yone e re: “Lo tlhabane, e seng le ba ba botlana kgotsa ba bagolo, mme le kgosi ya Iseraele e le nosi.”+ 31  Mme ga diragala gore, fela fa balaodi ba dikara ba bona Jehoshafate, bone ba ipolelela ba re: “Ke kgosi ya Iseraele.”+ Ka jalo ba retologa gore ba tlhabane le ene; mme Jehoshafate a goa a kopa thuso,+ mme Jehofa ka boene a mo thusa,+ mme Modimo a akofa a ba gogela kgakala le ene.+ 32  Mme ga diragala gore fela fa balaodi ba dikara ba bona gore e ne e se kgosi ya Iseraele, ka yone nako eo ba boa mo go mo saleng morago.+ 33  Mme monna mongwe a oba bora, mme a tlhaba+ kgosi ya Iseraele fa gare ga malokololo le moitshomelo wa phemelo a sa ikaelela, mo e neng ya raya mokgweetsi wa kara+ ya re: “Retolosa seatla, mme o nketshe mo bothibelelong, ka gonne ke gobetse mo go maswe.”+ 34  Mme tlhabano ya nna ya gakala mo letsatsing leo, mme kgosi ya Iseraele ka boyone e ne ya tshwanelwa ke go nna e emisitswe ka dinao mo kareng e lebagane le Basiria go fitlha maitseboa; kgabagare ya swa ka nako ya fa letsatsi le phirima.+

Dintlha Tse di Kwa Tlase