2 Ditiragalo 11:1-23

11  E rile Rehoboame a goroga kwa Jerusalema,+ ka yone nako eo a phutha ntlo ya Juda le Benjamine,+ banna ba ba tlhophilweng ka kelotlhoko ba le dikete di le lekgolo le masome a le robedi ba ba nonofileng gore ba ye ntweng,+ gore ba tlhabane le Iseraele gore ba tle ba busetse bogosi mo go Rehoboame.  Foo lefoko la ga Jehofa la tla mo go Shemaia+ monna wa Modimo wa boammaaruri, le re:  “Bua le Rehoboame morwa Solomone kgosi ya Juda+ le Iseraele yotlhe mo Juda le Benjamine, o re,  ‘Jehofa o buile jaana: “Lo se ka lwa tlhatloga lwa ya go tlhabana le bomorwarraalona.+ A mongwe le mongwe wa lona a boele kwa ntlong ya gagwe, gonne selo seno se diregile ka go rata ga me.”’”+ Ka jalo ba utlwa lefoko la ga Jehofa mme ba boa ba se ka ba tsogologela Jeroboame.+  Mme Rehoboame a tswelela go nna mo Jerusalema mme a aga metse e e sireletsegileng mo Juda.  Ka jalo a aga sesha Bethelehema+ le Etame+ le Tekoa,+  le Bethe-sure le Soko+ le Adulama,+  le Gathe+ le Mareshahe le Siife,+  le Adoraime le Lakishe+ le Aseka,+ 10  le Sora le Aijalona le Heberone,+ metse e e sireletsegileng, e e neng e le kwa Juda le Benjamine. 11  Mo godimo ga moo, a nonotsha mafelo a a sireletsegileng+ a ba a tlhoma baeteledipele+ mo go one le dijo le leokwane le beine, 12  mme mo metseng yotlhe e e farologaneng dithebe+ tse dikgolo le marumo;+ mme a tswelela go a nonotsha fela thata. Mme Juda le Benjamine tsa tswelela e le tsa gagwe. 13  Mme baperesiti le Balefi ba ba neng ba le mo Iseraele yotlhe ba ema fa thoko ga gagwe go tswa mo dikarolong tsotlhe tsa bone tsa naga. 14  Gonne Balefi ba ne ba tlogetse mafulo+ a bone le thuo+ ya bone mme ba tla mo Juda le Jerusalema,+ ka gonne Jeroboame+ le bomorwawe ba ne ba ba tlositse+ mo go direleng e le baperesiti ba ga Jehofa. 15  Mme a itlhomela baperesiti ba mafelo a a kwa godimo+ mo tirong, le ba madimona a a bopegileng jaaka dipodi+ le ba dinamane tse a neng a di dirile.+ 16  Mme ba ba neng ba ba setse morago go tswa ditsong tsotlhe tsa Iseraele ba ba neng ba dira gore pelo ya bone e batle Jehofa Modimo wa Iseraele bone ka bobone ba tla mo Jerusalema+ ba tla go ntshetsa Jehofa Modimo wa borraabonemogologolwane setlhabelo.+ 17  Mme ba nna ba nonotsha bogosi jwa Juda+ le go tlhomamisa Rehoboame morwa Solomone dingwaga di le tharo, gonne ba ne ba tsamaya mo tseleng ya ga Dafide le Solomone dingwaga di le tharo.+ 18  Foo Rehoboame a tsaya Mahalathe morwadia Jerimothe morwa Dafide go nna mosadi wa gagwe, le wa ga Abihaile morwadia Eliabe+ morwa Jese. 19  Fa nako e ntse e tsamaya a mo tsholela bana ba basimane, Jeushe le Shemaria le Sahame. 20  Morago ga gagwe a tsaya Maaka+ morwadia ngwana wa ga Abesalome.+ Fa nako e ntse e tsamaya a mo tsholela Abija+ le Atai le Sisa le Shelomithe. 21  Mme Rehoboame o ne a rata Maaka morwadia ngwana wa ga Abesalome thata go gaisa basadi+ ba bangwe botlhe ba gagwe le bagadingwana ba gagwe; gonne o ne a tsere basadi ba le lesome le borobedi, le bagadingwana ba le masome a marataro, mo a neng a nna rra bana ba basimane ba le masome a mabedi le borobedi le bana ba basetsana ba le masome a marataro. 22  Ka gone Rehoboame a tlhoma Abija morwa Maaka mo tirong go nna tlhogo, go nna moeteledipele wa bomorwarraagwe, gonne o ne a akanya go mo dira kgosi. 23  Le fa go ntse jalo, o ne a dira ka tlhaloganyo+ mme a phatlalaletsa bangwe ba bomorwawe botlhe kwa mafatsheng otlhe a Juda le a Benjamine, kwa metseng yotlhe e e sireletsegileng,+ mme a ba naya dijo tse dintsi+ a bo a ba batlela basadi ba le bantsintsi.+

Dintlha Tse di Kwa Tlase