2 Dikgosi 23:1-37

23  Go tswa foo kgosi ya roma mme ba phuthela banna botlhe ba bagolwane ba Juda le Jerusalema+ kwa go yone.  Morago ga moo kgosi ya tlhatlogela kwa ntlong ya ga Jehofa, le banna botlhe ba Juda le banni botlhe ba Jerusalema ba na le yone, le baperesiti+ le baporofeti le batho botlhe, go simolola ka ba babotlana go ya kwa go ba bagolo;+ mme ya simolola go bala+ mo ditsebeng tsa bone mafoko otlhe a buka+ ya kgolagano+ e e neng e fitlhetswe mo ntlong ya ga Jehofa.+  Mme kgosi ya nna e eme fa pilareng+ mme jaanong ya dira kgolagano+ fa pele ga ga Jehofa, ya go sala+ Jehofa morago le go boloka ditaelo+ tsa gagwe le ditshupo+ tsa gagwe le melawana+ ya gagwe ka pelo yotlhe+ le ka moya otlhe+ ka go diragatsa mafoko a kgolagano eno a a neng a kwadilwe mo bukeng eno.+ Ka jalo batho botlhe ba ema mo kgolaganong eno.+  Mme kgosi ya laela Hilekia+ moperesiti yo mogolo le baperesiti ba maemo a bobedi le balebedi ba kgoro+ gore ba ntshe kwa tempeleng ya ga Jehofa dilwana tsotlhe tse di diretsweng Baale+ le kota e e boitshepo+ le masomosomo otlhe a magodimo.+ Go tswa foo a di fisetsa kwa ntle ga Jerusalema mo matlhagareng a Kiderona,+ mme a tlisa lorole lwa tsone kwa Bethele. +  Mme a ntsha baperesiti ba modimo wa seeng mo tirong, ba dikgosi tsa Juda di neng di ba tlhomile gore di tle di kuise mosi wa setlhabelo mo mafelong a a kwa godimo mo metseng ya Juda le mo tikologong ya Jerusalema, le ba ba kuisetsang Baale+ mosi wa setlhabelo, le letsatsi le ngwedi le masomosomo a dinaledi a sodiake le masomosomo otlhe a magodimo.+  Go feta moo, a ntsha kota e e boitshepo+ mo ntlong ya ga Jehofa a e isa kwa melelwaneng ya Jerusalema, kwa mokgatšheng o o phothoselang wa Kiderona, a e fisa+ mo mokgatšheng o o phothoselang wa Kiderona mme a e sila gore e bo e nne lorole a bo a latlhela lorole lwa yone mo godimo ga lefelo la go fitlhela+ la bomorwa batho.  Mo godimo ga moo, a rutla matlo a diaka tse di ithekisang+ tsa banna tsa tempele tse di neng di le mo ntlong ya ga Jehofa, kwa basadi ba neng ba loga ditempelana tsa kota e e boitshepo teng.  Go tswa foo a tlisa baperesiti botlhe go tswa mo metseng ya Juda, gore a tle a dire mafelo a a kwa godimo a baperesiti ba neng ba kuisa mosi wa setlhabelo mo go one go nna a a sa tshwaneleng kobamelo, go tswa Geba+ go fitlha kwa Beere-sheba;+ a rutla mafelo a a kwa godimo a dikgoro a a neng a le kwa botsenong jwa kgoro ya ga Joshua, molaodi wa motse, e e neng e le kafa molemeng fa motho a tsena ka kgoro ya motse.  Ke baperesiti+ ba mafelo a a kwa godimo fela ba ba neng ba sa tlhatlogele kwa sebesong sa ga Jehofa kwa Jerusalema, mme ba ne ba ja dikuku tse di sa bedisiwang+ mo gare ga bomorwarraabone. 10  Gape a dira gore Tofethe,+ e e mo mokgatšheng wa bomorwa Hinoma e se ka ya tshwanela kobamelo, gore ope a se ka a dira gore morwawe kgotsa morwadie a ralale molelo+ a isediwa Moleke.+ 11  Mo godimo ga moo, o ne a dira gore dipitse tse dikgosi tsa Juda di neng di di neile letsatsi di kgaotse go tsena mo ntlong ya ga Jehofa ka phaposi ya bojelo+ ya ga Nathane-meleke modiredi wa ntlo ya kgosi, e e neng e le mo ditselaneng tse di ruletsweng; mme dikara tsa letsatsi+ a di fisa mo molelong. 12  Le dibeso tse di neng di le mo borulelong+ jwa ntlwana e e kwa borulelong ya ga Ahase tse dikgosi tsa Juda di neng di di dirile, le dibeso+ tse Manase a neng a di dirile mo malwapeng a mabedi a ntlo ya ga Jehofa, kgosi ya di rutla, mme morago ga moo ya di thubaganya teng, mme ya latlhela lorole lwa tsone mo mokgatšheng o o phothoselang wa Kiderona. 13  Mme mafelo a a kwa godimo a a neng a le fa pele+ ga Jerusalema, a a neng a le kafa mojeng wa Thaba ya Tshenyo, a Solomone+ kgosi ya Iseraele a neng a a agetse Ashethorethe+ selo se se ferosang sebete sa Basidona le Kemoshe+ selo se se ferosang sebete sa Moabe le Milekome+ selo se se makgapha sa bomorwa Amona, kgosi ya a dira gore a se ka a tshwanela kobamelo. 14  A thubaganya+ dipilara tse di boitshepo, a ba a rema dikota tse di boitshepo mme a tlatsa mafelo a tsone ka marapo a batho. 15  Le sebeso se se neng se le kwa Bethele,+ lefelo le le kwa godimo le Jeroboame+ morwa Nebate, yo o leofisitseng Iseraele,+ a neng a le dirile, le sone sebeso seo le lefelo le le kwa godimo a di rutla. Go tswa foo a fisa lefelo le le kwa godimo; a le sila gore le nne lorole mme a fisa kota e e boitshepo. 16  E rile Josia a retologa, a bona mafelo a go fitlhela a a neng a le foo mo thabeng. Ka jalo a roma gore go tsewe marapo mo mafelong a go fitlhela mme a a fisa+ mo sebesong, gore a se dire gore se se ka sa tshwanela kobamelo, go ya ka lefoko la ga Jehofa+ le monna wa Modimo wa boammaaruri a neng a le boletse,+ yo o boletseng dilo tseno. 17  Go tswa foo a re: “Leje la phuphu le le kwa le ke le bonang ke eng?” Foo banna ba motse ba mo raya ba re: “Ke lefelo la go fitlhela+ la monna wa Modimo wa boammaaruri yo o neng a tswa kwa Juda+ mme a bolela dilo tseno tse o di dirileng kgatlhanong le sebeso sa Bethele.”+ 18  Ka jalo a re: “A a ikhutse.+ A ope a se ka a tshwenya marapo a gagwe.” Ka gone ba tlogela marapo a gagwe mmogo le marapo a moporofeti+ yo o neng a tswa Samarea. 19  Gape le matlo+ otlhe a mafelo a a kwa godimo a a neng a le mo metseng+ ya Samarea a dikgosi+ tsa Iseraele di neng di a agetse go kgopisa,+ Josia a a tlosa, mme a a dira go ya ka ditiro tsotlhe tse a neng a di dirile kwa Bethele.+ 20  Ka jalo a ntsha baperesiti+ botlhe ba ba neng ba le foo ba mafelo a a kwa godimo setlhabelo mo godimo ga dibeso mme a fisa marapo a batho mo godimo ga tsone.+ Morago ga moo a boela kwa Jerusalema. 21  Jaanong kgosi ya laela batho botlhe, e re: “Direlang Jehofa Modimo wa lona tlolaganyo+ go ya ka se se kwadilweng mo bukeng eno ya kgolagano.”+ 22  Gonne go ne go ise go dirwe tlolaganyo epe e e tshwanang le eno e e neng e kile ya tshwarwa go tloga mo malatsing a baatlhodi ba ba atlhotseng Iseraele,+ le fa e le mo metlheng yotlhe ya dikgosi tsa Iseraele le dikgosi tsa Juda.+ 23  Mme mo ngwageng wa bolesome le borobabobedi wa ga Kgosi Josia tlolaganyo eno e ne e ya direlwa Jehofa kwa Jerusalema.+ 24  Gape Josia a tlosa ba ba buang le meya+ le ba ba dirang tiro ya go bolelela ditiragalo pele+ le medingwana ya terafime+ le medingwana e e makgapha+ le dilo tsotlhe tse di ferosang sebete+ tse di neng tsa bonala mo lefatsheng la Juda le mo Jerusalema, gore a tle a diragatse mafoko a molao+ a a neng a kwadilwe mo bukeng+ e moperesiti Hilekia a neng a e fitlhetse mo ntlong ya ga Jehofa.+ 25  Mme ga go a ka ga itshupa go na le kgosi epe pele ga gagwe e e neng ya boela+ kwa go Jehofa ka pelo yotlhe ya yone jaaka ene le ka moya otlhe+ wa yone le ka maatla otlhe a yone, go ya ka molao otlhe wa ga Moshe; le gone morago ga gagwe ga go a ema ope yo o tshwanang le ene. 26  Le fa go ntse jalo, Jehofa ga a ka a boa mo bogaleng jwa gagwe jo bo tukang, bogale jo a tuketseng Juda+ ka jone ka ntlha ya dilo tsotlhe tse di kgopisang tse Manase a neng a di dirile gore ba kgopise ka tsone.+ 27  Mme Jehofa a re: “Le Juda+ ke tla e tlosa mo ponong ya me,+ fela jaaka ke tlositse Iseraele;+ mme eleruri ke tla gana motse ono o ke o tlhophileng, e leng Jerusalema, le ntlo e ke buileng ka yone ka re, ‘Leina la me le tla nna mo go yone.’”+ 28  Fa e le ditiragalo tse dingwe tsotlhe tsa ga Josia le sotlhe se a se dirileng, a ga di a kwalwa mo bukeng+ ya ditiragalo tsa metlha ya dikgosi tsa Juda? 29  Mo metlheng ya gagwe Faro Neko+ kgosi ya Egepeto o ne a tla kwa kgosing ya Asiria fa nokeng ya Euferatese,+ mme Kgosi Josia a ya go mo kgatlhantsha;+ mme a mmolaela+ kwa Megido+ fela fa a mmona. 30  Ka jalo batlhanka ba gagwe ba mo tsaya a sule ka kara go tswa Megido ba mo tlisa mo Jerusalema+ mme ba mo fitlha mo phupung ya gagwe. Go tswa foo batho ba lefatshe leo ba tsaya Jehoahase+ morwa Josia ba mo tlotsa mme ba mo dira kgosi mo boemong jwa ga rraagwe. 31  Jehoahase+ o ne a na le dingwaga di le masome a mabedi le boraro fa a simolola go busa, mme a busa dikgwedi di le tharo mo Jerusalema. Mme leina la ga mmaagwe e ne e le Hamutale+ morwadia Jeremia go tswa Libena. 32  A simolola go dira se se bosula mo matlhong a ga Jehofa, go ya ka sotlhe se borraagwemogologolwane ba neng ba se dirile.+ 33  Mme Faro Neko+ a mo tsenya mo dikgoleng+ kwa Ribela+ kwa lefatsheng la Hamathe, gore a se ka a busa mo Jerusalema, go tswa foo a lefisa+ lefatshe leo ditalenta tsa selefera+ di le lekgolo le talenta ya gouta.+ 34  Go feta moo, Faro Neko a dira Eliakime+ morwa Josia kgosi mo boemong jwa ga Josia rraagwe mme a fetola leina la gagwe go nna Jehoiakime; mme a tsaya Jehoahase a mo tlisa mo Egepeto, kwa la bofelo a neng a swela teng.+ 35  Mme Jehoiakime a naya Faro selefera+ le gouta. Mme fela a lefisa lefatshe leo lekgetho,+ gore le ntshe selefera ka taolo ya ga Faro. O ne a batla selefera le gouta ka kgang mo bathong ba lefatshe leo go ya ka selekanyo sa mongwe le mongwe sa lekgetho,+ gore a e neye Faro Neko. 36  Jehoiakime+ o ne a na le dingwaga di le masome a mabedi le botlhano fa a simolola go busa, mme a busa dingwaga di le lesome le bongwe mo Jerusalema.+ Mme leina la ga mmaagwe e ne e le Sebida morwadia Pedaia go tswa kwa Ruma. 37  Mme a tswelela go dira se se bosula+ mo matlhong a ga Jehofa, go ya ka sotlhe se borraagwemogologolwane ba neng ba se dirile.+

Dintlha Tse di Kwa Tlase