2 Dikgosi 12:1-21

12  Mo ngwageng wa bosupa wa ga Jehu,+ Jehoashe+ a nna kgosi, mme a busa dingwaga di le masome a manè mo Jerusalema. Mme leina la ga mmaagwe e ne e le Sibia a tswa Beere-sheba.  Mme Jehoashe a tswelela a dira se se siameng mo matlhong a ga Jehofa malatsi otlhe a gagwe a Jehoiada moperesiti a neng a mo ruta.+  Ke mafelo a a kwa godimo fela a a sa kang a nyelela.+ Batho ba ne ba sa ntse ba ntsha ditlhabelo le go kuisa musi wa setlhabelo mo mafelong a a kwa godimo.  Mme Jehoashe a raya baperesiti+ a re: “Madi otlhe a ditshupelo tse di boitshepo+ a a tlisiwang mo ntlong ya ga Jehofa,+ madi a nngwe le nngwe ya tsone e lekanyediwang ka one,+ madi a meya go ya kafa mongwe le mongwe a ipeetseng tlhwatlhwa ka gone,+ madi otlhe a go tlang mo pelong ya mongwe le mongwe gore a a tlise mo ntlong ya ga Jehofa,+  a baperesiti ba a itseele, mongwe le mongwe mo mothong yo a tlwaelaneng le ene;+ mme mma ba baakanye mathubego a ntlo, gongwe le gongwe kwa lethubego le fitlhelwang teng.”+  Mme ga diragala gore ka ngwaga wa bomasome a mabedi le boraro wa ga Kgosi Jehoashe, baperesiti ba ne ba ise ba baakanye mathubego a ntlo.+  Ka jalo Kgosi Jehoashe+ a bitsa Jehoiada moperesiti le baperesiti mme a ba raya a re: “Ke ka ntlha yang fa lo sa baakanye mathubego a ntlo? Jaanong, lo se ka lwa tsaya madi ape a a oketsegileng mo bathong ba lo tlwaelaneng le bone, mme go na le moo lo a ntshetse mathubego a ntlo.”+  Foo baperesiti ba dumalana gore ba se ka ba tsaya madi ape a a oketsegileng mo bathong le gore ba se ka ba baakanya mathubego a ntlo.  Jaanong moperesiti Jehoiada a tsaya letlole+ mme a phunya leroba mo sekhurumelong sa lone a le baya fa thoko ga sebeso kafa mojeng wa fa motho a tsena mo ntlong ya ga Jehofa, mme baperesiti, balebedi ba kgoro,+ ba tsenya madi otlhe+ a a neng a tlisiwa mo ntlong ya ga Jehofa mo go lone. 10  Mme go ne ga diragala gore fela fa ba bona gore go ne go na le madi a mantsi fela thata mo letloleng, mokwaledi+ wa kgosi le moperesiti yo mogolo ba ne ba tlhola ba tla, ba bofe madi a a neng a fitlhelwa kwa ntlong ya ga Jehofa+ ba bo ba a bala. 11  Mme ba naya badiri+ ba tiro ba ba neng ba tlhomilwe mo ntlong ya ga Jehofa madi mo diatleng a a neng a badilwe. Le bone ba duela ba ba dirang ka dikgong le baagi ba ba neng ba dira mo ntlong ya ga Jehofa ka one, 12  le ba ba agang ka leje le babetli ba leje,+ le go reka dikota le maje a a betlilweng gore go baakanngwe mathubego a ntlo ya ga Jehofa le sotlhe se se neng se dirisiwa mo ntlong go e baakanya. 13  Mme fela kwa ntlong ya ga Jehofa go ne go sa dirwa megotšwana ya selefera, ditimamolelo,+ megopo,+ diterompeta,+ mofuta mongwe le mongwe wa selwana sa gouta le selwana sa selefera go tswa mo mading a a neng a tlisiwa mo ntlong ya ga Jehofa;+ 14  gonne ba ne ba na le go a naya badiri ba tiro, mme ba baakanye ntlo ya ga Jehofa+ ka one. 15  Mme ba ne ba sa dire gore banna ba ba neng ba tle ba ba neye madi+ gore ba a neye badiri ba tiro+ ba ikarabelele, ka gonne ba ne ba dira ka boikanyegi.+ 16  Fa e le madi a ditshupelo tsa molato+ le madi a ditshupelo tsa boleo, a ne a sa tlisiwe mo ntlong ya ga Jehofa. Ka jalo a nna a baperesiti.+ 17  Go tswa foo ga diragala gore Hasaele+ kgosi ya Siria a tlhatloge a ye go tlhabana le Gathe+ le go e gapa, mme morago ga moo Hasaele a ikemisetsa+ go tlhatloga a ya go tlhasela Jerusalema.+ 18  Foo Jehoashe kgosi ya Juda a tsaya ditshupelo tsotlhe tse di boitshepo+ tse Jehoshafate le Jehorame le Ahasia borraagwemogologolwane, dikgosi tsa Juda, ba neng ba di itshepisitse le ditshupelo tsa gagwe tse di boitshepo le gouta yotlhe e e neng e fitlhelwa mo matlotlong a ntlo ya ga Jehofa le ntlo ya kgosi mme a di romela+ kwa go Hasaele kgosi ya Siria. Ka jalo a ikgoga mo go tlhaseleng Jerusalema. 19  Fa e le ditiragalo tse dingwe tsotlhe tsa ga Jehoashe le sotlhe se a se dirileng, a ga di a kwalwa mo bukeng+ ya ditiragalo tsa metlha ya dikgosi tsa Juda? 20  Le fa go ntse jalo, batlhanka ba gagwe+ ba nanoga mme ba golagana mmogo mo go logeng leano la boferefere+ mme ba kgemetha Jehoashe kwa ntlong+ ya Thota,+ mo tseleng e e yang kwa Silla. 21  Mme Josakare morwa Shimeathe le Jehosabade+ morwa Shomere, batlhanka ba gagwe, ke bone ba ba neng ba mo kgemetha gore a swe. Ka jalo ba mo fitlha le borraagwemogologolwane mo Motseng wa ga Dafide; mme Amasia+ morwawe a simolola go busa mo boemong jwa gagwe.

Dintlha Tse di Kwa Tlase