2 Dikgosi 1:1-18

1  Mme Moabe+ a simolola go tlhanogela+ Iseraele morago ga loso lwa ga Ahabe.+  Go tswa foo Ahasia a wela fa fatshe+ ka phatlha e e nang le sèfè e e mo ntlwaneng ya gagwe+ e e kwa borulelong e e neng e le kwa Samarea mme a bobola. Ka jalo a roma barongwa mme a ba raya a re: “Tsamayang, lo botse+ Baale-sebube+ modimo wa Ekerone+ gore a ke tla rula mo pobolong eno.”+  Fa e le moengele+ wa ga Jehofa, a bua le Elija wa Motisheba+ a re: “Nanoga, tlhatloga o ye go kgatlhantsha barongwa ba kgosi ya Samarea mme o ba reye o re, ‘A ke ka ntlha ya gore ga go na Modimo+ gotlhelele mo Iseraele go bo lo ya go botsa Baale-sebube modimo wa Ekerone?  Ka jalo Jehofa o buile jaana: “Fa e le sekanamelo se o tlhatlogetseng mo go sone, ga o na go se fologa, ka gonne ruri o tla swa.”’”+ Fa a se na go rialo Elija a tsamaya.  E rile barongwa ba boela kwa go ene, ka bonako fela a ba raya a re: “Ke ka ntlha yang fa lo boile?”  Ka jalo ba mo raya ba re: “Go ne go na le monna mongwe yo o neng a tlhatloga a tla go re kgatlhantsha, mme a re raya a re: ‘Tsamayang, boelang kwa kgosing e e lo romileng mme lo bue le yone lo re: “Jehofa o buile jaana,+ ‘A ke ka ntlha ya gore ga go na Modimo gotlhelele mo Iseraele go bo o roma go ya go botsa Baale-sebube modimo wa Ekerone? Ka jalo, fa e le sekanamelo se o tlhatlogetseng mo go sone, ga o na go se fologa, ka gonne ruri o tla swa.’”’”+  Foo a bua le bone a re: “Ponalo ya monna yo o neng a tlhatloga a tla go lo kgatlhantsha mme a bua mafoko ano le lona e ne e ntse jang?”  Foo ba mo raya ba re: “Monna yo o nang le seaparo se se boboa,+ le moitlamo wa letlalo o gatlhilwe mo lothekeng lwa gagwe.”+ Ka yone nako eo a re: “E ne e le Elija wa Motisheba.”  A roma kwa go ene molaodi wa ba ba masome a matlhano a na le ba gagwe ba ba masome a matlhano.+ E rile a tlhatlogela kwa go ene, bona, a bo a ntse mo godimo ga thaba. Jaanong a bua le ene a re: “Monna wa Modimo wa boammaaruri,+ kgosi ka boyone e buile ya re, ‘Fologa.’” 10  Elija a araba mme a bua le molaodi wa ba ba masome a matlhano a re: “Mme fa ke le monna wa Modimo, a molelo+ o fologe kwa magodimong mme o go laile wena le batho ba gago ba ba masome a matlhano.” Mme molelo wa tla o fologa kwa magodimong mme wa mo laila ene le batho ba gagwe ba ba masome a matlhano.+ 11  Ka jalo a roma gape kwa go ene molaodi yo mongwe wa ba ba masome a matlhano a na le batho ba gagwe ba ba masome a matlhano.+ A mo araba mme a bua le ene a re: “Monna wa Modimo wa boammaaruri, kgosi e buile jaana, ‘Fologa ka bonako.’”+ 12  Elija a araba mme a bua le bone a re: “Fa ke le monna wa Modimo wa boammaaruri, a molelo o fologe kwa magodimong mme o go laile wena le batho ba gago ba ba masome a matlhano.” Mme molelo wa Modimo wa tla o fologa kwa magodimong mme wa mo laila le batho ba gagwe ba ba masome a matlhano. 13  Mme a roma gape molaodi wa boraro wa ba ba masome a matlhano a na le batho ba gagwe ba ba masome a matlhano.+ Mme molaodi wa boraro wa batho ba ba masome a matlhano a tlhatloga a khubama ka mangole+ fa pele ga ga Elija mme a simolola go rapelela+ go amogelwa ke ene a ba a bua le ene a re: “Monna wa Modimo wa boammaaruri, tsweetswee mma moya wa me+ le moya wa batlhanka ba ba masome a matlhano bano ba gago o nne tlhwatlhwakgolo+ mo go wena. 14  Bona, molelo o ne wa fologa kwa magodimong mme wa laila+ balaodi ba pele ba setlhopha sa ba ba masome a matlhano le batho ba bone ba ba masome a matlhano, mme jaanong a moya wa me o nne tlhwatlhwakgolo mo matlhong a gago.” 15  Foo moengele wa ga Jehofa a bua le Elija a re: “Fologa le ene.+ O se ka wa boifa ka ntlha ya gagwe.” Ka jalo a nanoga mme a fologa le ene ba ya kwa kgosing. 16  Go tswa foo a bua le ene a re: “Jehofa o buile jaana, ‘Ka lebaka la gore o romile morongwa+ go ya go botsa Baale-sebube modimo wa Ekerone, a ke ka ntlha ya go bo go se na Modimo gotlhelele mo Iseraele yo lo ka botsang lefoko la gagwe? Ka jalo fa e le sekanamelo se o tlhatlogetseng mo go sone, ga o na go se fologa, ka gonne ruri o tla swa.’” 17  Mme kgabagare a swa,+ go ya ka lefoko+ la ga Jehofa le Elija a neng a le buile; mme Jehorame+ a simolola go busa mo boemong jwa gagwe, mo ngwageng wa bobedi wa ga Jehorame+ morwa Jehoshafate kgosi ya Juda, ka gonne o ne a ise a nne le morwa. 18  Fa e le dilo tse dingwe tsotlhe tsa ga Ahasia+ tse a di dirileng, a ga di a kwalwa mo bukeng+ ya ditiragalo tsa metlha ya dikgosi tsa Iseraele?

Dintlha Tse di Kwa Tlase