2 Bakorintha 10:1-18

10  Jaanong nna ka bonna, Paulo, ke lo rapela ka bonolo+ le ka bopelonomi+ jwa ga Keresete, le fa ke bonala ke le wa maemo a a kwa tlase+ mo go lona, mme fa ke seyo ke le pelokgale mo go lona.+  Eleruri ke kopa gore, fa ke le gone, ke se ka ka dirisa bopelokgale ka tshepo e ke ikantseng go tsaya dikgato tsa bopelokgale+ ka yone mo go bangwe ba ba re kayang jaaka e kete re ne ra tsamaya go ya ka se re leng sone mo nameng.  Gonne le fa re tsamaya mo nameng,+ ga re tlhabane ntwa go ya ka se re leng sone mo nameng.+  Gonne dibetsa tsa ntwa ya rona ga se tsa senama,+ mme di maatla ka Modimo+ go pitikolola dilo tse di nweleletseng kwa teng thata.  Gonne re pitikolola dikakanyo le selo sengwe le sengwe se se kwa godimo se se goleditsweng kgatlhanong le kitso ka ga Modimo;+ mme re tsenya kakanyo nngwe le nngwe mo botshwarong go e dira gore e utlwe Keresete;  e bile re eme re iketleeleditse go otlhaela botlhokakutlo bongwe le bongwe,+ ka bonako fela fa go utlwa ga lona go diragaditswe ka botlalo.+  Lo leba dilo go ya ka ponalo ya tsone ya kafa ntle.+ Fa ope a iikanya gore ke wa ga Keresete, a gape a itseele ntlha eno tsia, gore, fela jaaka a le wa ga Keresete, go ntse jalo le ka rona.  Gonne le fa ke ka ipelafatsa+ thatanyana ka bolaodi jo Morena a neng a bo re naya go lo aga mme e seng go lo tlhatlhamolola,+ ke ka se tlhabiwe ke ditlhong,  gore ke tle ke se ka ka bonala ke batla go lo tshosa ka makwalo a me. 10  Gonne, ba re: “Makwalo a gagwe a bokete e bile a maatla, mme fa a le gone ka namana o bokoa+ e bile puo ya gagwe e a nyatsega.”+ 11  A motho yo o ntseng jalo a tseye seno tsia, gore se re leng sone ka lefoko la rona ka makwalo fa re seyo, re tla nna sone gape ka tiro fa re le gone.+ 12  Gonne ga re pelokgale go itsenya mo setlhopheng sa bangwe kgotsa go itshwantshanya le bangwe ba ba ipuelelang.+ Eleruri bone ka go itekanya le bone ka bobone le go itshwantshanya le bone ka bobone ga ba na tlhaloganyo.+ 13  Mme rona re tla ipelafatsa, e seng ka kwa ntle ga melelwane e re e beetsweng,+ mme go ya ka molelwane wa karolo ya naga e Modimo a re e abetseng ka selekanyo, a dira gore e fitlhe le kwa go lona.+ 14  Tota ga re ikotlolole go feta selekanyo jaaka e kete re ne ra se ka ra fitlha kwa go lona, gonne re ne re le ba ntlha go tla le eleng go fitlha kwa go lona mo go boleleng dikgang tse di molemo ka ga Keresete.+ 15  Nnyaa, ga re ipelafatse ka kwa ntle ga melelwane e re e beetsweng mo tirong ya bonatla ya mongwe o sele,+ mme re na le tsholofelo ya gore, jaaka tumelo ya lona e okediwa,+ re dirwe ba bagolo mo gare ga lona malebana le karolo ya rona ya naga.+ Ke gone re tla totang le eleng ka tsela e e oketsegileng, 16  go bolela dikgang tse di molemo mo dinageng tse di ka kwa ga lona,+ gore re tle re se ka ra ipelafatsa ka karolo ya naga ya motho o sele koo dilo di setseng di baakantswe gone. 17  “Mme yo o ipelafatsang, a a ipelafatse mo go Jehofa.”+ 18  Gonne yo o amogelwang ga se yo o ipuelelang,+ mme motho yo Jehofa+ a mmuelelang.+

Dintlha Tse di Kwa Tlase