2 Bakorintha 1:1-24

1  Paulo, moaposetoloi+ wa ga Keresete Jesu ka thato ya Modimo, le Timotheo+ mokaulengwe wa rona re kwalela phuthego ya Modimo e e kwa Korintha, mmogo le baitshepi botlhe+ ba ba mo Akaia yotlhe:+  E kete lo ka nna le bopelonomi jo bo sa re tshwanelang le kagiso tse di tswang kwa Modimong Rraarona le Morena Jesu Keresete.+  A go bakwe Modimo le Rra+ Morena wa rona Jesu Keresete, Rara wa mautlwelobotlhoko a manana+ le Modimo wa kgomotso yotlhe,+  yo o re gomotsang mo pitlaganong yotlhe ya rona,+ gore re kgone go gomotsa+ ba ba leng mo mofuteng ofe fela wa pitlagano ka kgomotso e rona ka borona re gomodiwang ka yone ke Modimo.+  Gonne fela jaaka dipogisego ka ntlha ya ga Keresete di tota mo go rona,+ jalo kgomotso e re e bonang le yone e tota ka Keresete.+  Jaanong le fa re le mo pitlaganong, ke gore lo bone kgomotso le poloko;+ kgotsa le fa re gomodiwa, ke gore lo bone kgomotso e e dirang, go dira gore lo itshokele dipogisego tsone tseo tse le rona re di bogang.+  Mme jalo tsholofelo ya rona ka lona ga e reketle, ka re itse fela jaaka re itse gore, fela jaaka lo le batlhakanedi ba dipogisego, ka yone tsela eo gape lo tla tlhakanela kgomotso.+  Gonne ga re eletse gore lo bo lo se na kitso, bakaulengwe, ka ga pitlagano e e neng ya re diragalela kwa kgaolong ya Asia,+ gore re ne re le mo kgatelelong e kgolo e e fetang nonofo ya rona, mo re neng re sa tlhomamisege gotlhelele le ka matshelo a rona.+  Tota e bile, re ne re ikutlwa gore re ne re amogetse katlholo ya loso. Seno e ne e le gore go ikanya ga rona+ go se ka ga nna mo go rona, mme mo Modimong yo o tsosang baswi.+ 10  O ne a re namola mo selong se segolo mo go kalo se se tshwanang le loso e bile o tla re namola;+ mme tsholofelo ya rona e mo go ene gore gape o sa ntse a tla re namola.+ 11  Le lona lo ka thusa ka go re direla mokokotlelo,+ gore ditebogo+ di ntshiwe ke ba le bantsi mo boemong jwa rona ka se re se neilweng ka bopelonomi ka ntlha ya dithapelo tsa ba le bantsi.+ 12  Gonne selo se re ipelafatsang ka sone ke seno, se segakolodi sa rona se nayang bosupi ka sone,+ gore mo lefatsheng, mme segolobogolo mo go lona, re itshwere ka boitshepo le bopeloephepa jwa bomodimo, e seng ka botlhale jwa senama+ mme ka bopelonomi jo bo sa re tshwanelang jwa Modimo. 13  Gonne tota ga re lo kwalele dilo fa e se tse lo di itseng sentle kgotsa le tse lo di lemogang; e bile e le tse ke solofelang gore lo tla tswelela lo di lemoga go ya bokhutlong,+ 14  fela jaaka gape lo lemogile, go ya bokgakaleng jo bo rileng, gore re lebaka la gore lo ipelafatse,+ fela jaaka le lona lo tla nna lone mo go rona mo letsatsing la Morena wa rona Jesu.+ 15  Jalo, ka tshepo eno, ke ne ke ikaeletse pele go tla kwa go lona,+ gore lo tle lo nne le lobaka lwa bobedi+ lwa go ipela, 16  fa ke sena go ema mo go lona ke fetele kwa Makedonia,+ ke ba ke boa kwa Makedonia ke tla kwa go lona+ lo ba lo mpuledisa+ sekgalanyana go ya Judea. 17  Fa ke ne ke na le boikaelelo jo bo ntseng jalo, ke ne ka se ka ka nnela go tsaya dilo motlhofo ka gope,+ a ga go jalo? Kgotsa dilo le fa e le dife tse ke di ikaelelang, a ke di ikaelela kafa nameng,+ gore mo go nna go nne “Ee, Ee” le “Nnyaa, Nnyaa”?+ 18  Mme Modimo a ka ikanngwa gore puo ya rona e e neng e lebisitswe mo go lona ga se Ee mme le fa go ntse jalo e le Nnyaa. 19  Gonne Morwa Modimo,+ e bong Keresete Jesu, yo o neng a rerwa mo gare ga lona ka rona, ke gore, ka nna le Silefano le Timotheo,+ o ne a se ka a nna Ee mme le fa go ntse jalo a le Nnyaa, mme Ee jaanong ke Ee mo go ene.+ 20  Gonne le fa ditsholofetso+ tsa Modimo di ka bo di le dintsi jang, di ntse Ee ka ene.+ Jalo gape ka ene go na le “Amen”+ o o buiwang go Modimo a buelwa kgalalelo ka rona. 21  Mme yo o tlhomamisang gore lona le rona re ba ga Keresete le yo o re tloditseng ke Modimo. 22  Gape o beile letshwao la gagwe+ mo go rona e bile o re neile sesupo+ sa se se tlang, ke gore, moya,+ mo dipelong tsa rona. 23  Jaanong ke bitsa Modimo e le mosupi+ wa moya wa me gore ke go lo dibela+ go bo ke ise ke tle mo Korintha. 24  E seng gore re beng+ ba tumelo ya lona, fa e se gore re badirimmogo+ gore lo ipele, gonne lo eme+ ka tumelo ya lona.+

Dintlha Tse di Kwa Tlase