1 Samuele 8:1-22

8  Mme ga diragala gore fela fa Samuele a setse a tsofetse a tlhoma+ bomorwawe go nna baatlhodi ba Iseraele.  Mme leina la ga morwawe wa leitibolo ya bo e le Joele,+ leina la wa bobedi e le Abija;+ ba ne ba atlhola kwa Beere-sheba.  Mme bomorwawe ga ba a ka ba tsamaya mo ditseleng tsa gagwe,+ mme ba ne ba sekametse mo go saleng poelo e e sa siamang+ morago e bile ba amogela pipamolomo+ le go sokamisa katlholo.+  Fa nako e ntse e tsamaya banna ba bagolwane botlhe ba Iseraele+ ba phuthega mmogo mme ba tla kwa go Samuele kwa Rama  mme ba mo raya ba re: “Bona! Wena ka bowena o tsofetse, mme bomorwao ga ba a tsamaya mo ditseleng tsa gago. Jaanong a ko o re tlhomele kgosi+ gore e re atlhole jaaka ditšhaba tsotlhe.”  Mme selo seno se ne se le bosula mo matlhong a ga Samuele e re ka ba ne ba rile: “Re neye kgosi e re atlhole,” mme Samuele a simolola go rapela Jehofa.+  Foo Jehofa a raya Samuele+ a re: “Reetsa lentswe la batho malebana le sotlhe se ba se go rayang;+ gonne ga ba a gana wena, mme ba ganne nna gore ke se ka ka nna kgosi+ ya bone.  Tumalanong le ditiro tsotlhe tsa bone tse ba di dirileng go tloga mo letsatsing la fa ke ba ntsha kwa Egepeto+ go fitlha mo letsatsing leno ka go nna ba ntlogela+ mme ba direla medimo e mengwe,+ ke gone kafa ba dirang ka gone le mo go wena.  Jaanong reetsa lentswe la bone. Mme fela, o ba tlhagise ka tsela e e masisi, o ba bolelele tshwanelo e e lebaneng kgosi e e tla ba busang.”+ 10  Ka jalo Samuele a bolelela batho ba ba neng ba mo kopa kgosi mafoko otlhe a ga Jehofa. 11  Mme a re: “Eno e tla nna tshwanelo e e lebaneng+ kgosi e e tla lo busang: o tla tsaya bomorwaalona a ba tsenye+ mo dikareng tsa gagwe+ jaaka e kete ke ba gagwe le mo gare ga bapalami ba gagwe ba dipitse,+ mme bangwe ba tla tshwanelwa ke go siana fa pele ga dikara tsa gagwe;+ 12  le gore a itlhomele balaodi ba ba okametseng dikete+ le balaodi ba ba okametseng ditlhopha tsa masome a matlhano,+ le bangwe gore ba mo lemele+ le go roba thobo ya gagwe+ le go dira dibetsa+ tsa gagwe tsa ntwa le didirisiwa+ tsa gagwe tsa dikara. 13  Mme bomorwadialona o tla ba tsaya go nna batlhakanyi ba ditlōlō le baapei le babesi ba senkgwe.+ 14  Mme masimo a lona le masimo a lona a mofine+ le dikgwa tsa lona tsa motlhware,+ tse di di gaisang tsotlhe, o tla di tsaya mme ruri a di neye batlhanka ba gagwe. 15  Mme o tla tsaya sa bosome+ sa masimo a lona a peo le sa masimo a lona a mofine, mme ruri o tla di naya badiredi ba gagwe+ ba ntlo ya kgosi le batlhanka ba gagwe. 16  Mme o tla tsaya batlhanka ba lona le malata a lona le metlhape ya lona e e gaisang yotlhe, le diesele tsa lona, mme o tla di dirisetsa tiro ya gagwe.+ 17  O tla tsaya sa bosome sa matsomane a lona,+ mme lona ka losi lo tla nna ba gagwe lo le batlhanka. 18  Mme ruri lo tla goa mo letsatsing leo ka ntlha ya kgosi ya lona,+ e lo e itlhophetseng, mme Jehofa ga a kitla a lo araba mo letsatsing leo.”+ 19  Le fa go ntse jalo, batho ba gana go reetsa lentswe la ga Samuele+ mme ba re: “Nnyaa, mme re tla okamelwa ke kgosi. 20  Mme le rona re tla nna jaaka ditšhaba tsotlhe,+ mme kgosi ya rona e tla re atlhola e bo e tswe kwa pele ga rona go ya go tlhabana dintwa tsa rona.” 21  Mme Samuele a utlwa mafoko otlhe a batho; go tswa foo a a bua mo ditsebeng tsa ga Jehofa.+ 22  Mme Jehofa a raya Samuele a re: “Reetsa lentswe la bone, mme o dire gore kgosi e ba buse.”+ Ka jalo Samuele a raya batho ba Iseraele a re: “Tsamayang mongwe le mongwe a ye kwa motseng wa ga gabo.”

Dintlha Tse di Kwa Tlase